ياسر :حنقعد في غرفتي المتواضعة دي لحدي ما يجهز بيتنا
ميهاف :غرفتك جميلة
ياسر :غرفتنا لأنو اي شيء بخصني بخصك
.
.
.
بابا :نفسك تقري شنو
منى :طب
بابا :النتائج قربت إن شاء الله تجيبي النسبة العايزاها وتدخلي الجامعة العايزاها
منى :آمين
بابا :يلا نرجع البيت حبوبتك براها
.
.
.
.
العصر صحيت اتوضيت صليت شلت التلفون اتصلت لي منى
منى :يا هلا بناس الهرطوم
ميهاف :هههههههه اعقلي ياخ
منى :نوو لسه بدري إلا اتزوج واخلف وبرضو بعقل شوية بس ههههههههه
ميهاف :ههههههههه كيفكم انتي وحبوبة وبابا
منى :كويسين الحمد لله انتي كيفك
ميهاف :طول ما نتو كويسين أنا كويسة
منى :يسري وين
ميهاف :يسري دة منو
منى :يسوري
ميهاف :ما عارفة
منى :كيف يعني ما عارفة مش راجلك هوي ها يابت أبوي خلي بالك سمح بنات الخرطوم ديل شلابات فتحي عيونك سمح وخليك عشرة على راجلك
ميهاف :شلابات يعني شنو
منى :خطافين رجال
ميهاف :سلمي على ناس البيت
منى :دة تصريف لكن برضو خلي بالك ويصل إن شاء الله خلي بالك على نفسك
ميهاف :حاضر
منى :يلا امشي شوفي راجلك مشى وين مع السلامة
ميهاف :إلى اللقاء
منى ( خيتو نفسي اعرف بت عمي دي بتفكر كيف يا رب احميها وأبعد عنها كل شر ويسر طريقها )
.
.
نزلت تحت لقيت خالتو نهال قاعدة في الصالة بتحضر برنامج طبخ على التلفزيون
ميهاف :مساء الخير
خالتو نهال :مساء النور سهى يا سهى
ميهاف :عاوزة حاجة
خالتو نهال :دايراها تخت ليك تتغدي لأنو من جيتي ما اكلتي شيء بتكوني جعانة
ميهاف :خليها براي بخت
خالتو :لا لا انتي عروس
ميهاف :ما مشكلة
دخلت المطبخ فتحت التلاجة شلت كبسة و أسود قلت اسخنهم فتشت الكبريت ما لقيتو
ياسر جا داخل المطبخ :بتفتشي في شنو
ميهاف :عايزة اسخن الأكل وما لقيت الكبريت
ياسر :ما عندنا كبريت
ميهاف :طيب بتشغلو اانار كيف
ياسر جا وقف وراي وشال حاجة كدة ولع بيها النار
ياسر :بنولعو بي دة
ميهاف :دة شنو ؟
ياسر :مسدس بشتغل زي الزناد
فتحت التلاجة شلت مخلل كببتو في صحن وكبيت الكبسة والأسود فوقها وبي فوق ليهم المخلل وقعدت في الصفرة
ياسر :أنا زاتي عايز
ميهاف :تعال اكل معي
اكلنا و شربنا عصير وغسلت الاواني رجعتها مكانها وجيت قعدت في الصالة مع ياسر وخالتو نهال ساكتين بنحضر في التلفزيون جا خالو و معاهو تالين
خالو :السلام عليكم
الكل :وعليكم السلام
خالو :تالة سلمي على أختك ميهاف
تالين :مرحبا
سلمت علي بي أطراف اصابعها ومشت فوق
.
.
.
منى :حبوبة وينك
حبوبة :أنا جوة
منى دخلت لقت حبوبة راقدة
منى :لا حبوبة نسيتك معليش
حبوبة :يا حليل منال وميهاف
منى :حبوبة كلها شهر بس واتزوج تاني وين تلقيني
حبوبة :ربنا يحضرني عرسك
منى قعدت تدلك لي حبوبة رجلها :حبوبة انتي عندك حمى
حبوبة :شوية وبتروح
منى :بابا بابا
بابا :خير
منى :حبوبة عيانة
بابا :شكلها حمى جيبي لي موية باردة بعمل ليها مكمدات وجيبي علبة الإسعافات معاك
منى :حاضر
أنت تقرأ
الجميلة القروية( مكتملة)
Romantizmكتير من أهل المدن بنتقدوا أهل القرى وبعايروهم بي عيشتهم وثقافتهم وتعليمهم وعاداتهم وتقاليدهم .. منو القال القرويين جهال منو القال القرويين همجيين .. القروي عيشتو بسيطة بصحى من دون منبه زيكم بصلى الصبح حاضر مع الجماعة وقبل الشروق طلع للشغل عندو أهم ش...