الجميلة القروية( مكتملة)

الجزء 23

يوسف :يلا بعد دة نحن نمشي 

منى :بدري 

يوسف :عندي مشروع مهم لازم ي

منى :يا سلام بعد ما قطعت لي نومتي السمحة ماشي لا ياسيدي مكان ما ماشي تسوقني معاك

يوسف :منى

منى :ما عايزة نقاش 

يوسف :أنا ماشي الشركة وعد مني بكرة حاسوققك معاي

حثام :لو انتهى الفيلم الهندي حصلني برة

يوسف :يلا مع السلامة

منى وميهاف :مع السلامة 

المساء

يوسف : اها يا أبوي نمشي متين

خالو محمد : الخميس

يوسف : يعني بعد بكرة

دق دق دق

يوسف :اتفضلي يا تقوى

تقوى برفعة حاجب :وعرفتني كيف ؟

يوسف :ما في زول جنو شمار في البيت إلا انتي اها خير

تقوى : العشاء جاهز

يوسف :كويس بنلحققك

تقوى مشت براحة على أساس تلقط كلمة

يوسف :تقوى

تقوى طلعت سرعة

يوسف وخالو محمد :ههههههههههههههههه

في صفرة العشاء اجتمعت كل عيلة محمد بالإضافة لي إيهاب و أسعد الدايمن مرابطين ببيت خالتهم نهلة الحنونة

خالو محمد : بعد بكرة ماشين نخطب لي يوسف

تقوى :ايووووووي يوووووي يوووووي كنت حاسة في موضوع

تيسير :وأخيراً حيحصل عرس في بيتنا

إيهاب :ياهووووو حننفذ مخططاتنا

تقوى : حتى أنا عندي مخططات

يوسف : يا سلام حسستوني إنكم انتو الحتتزوجو

تالين :حتخطب منو ؟

تيسير :سر

يوسف : شنو يا نهولتي ما علقتي

هالتو نهلة :أهم ما في الموضوع انو وأخيراً حاشوفك عريس ألف ألف مبروووووك

يوسف :الله يبارك فيك

بيت ناس ميهاف

منى :ميهاف بكرة حتمشي معانا

ميهاف :لا امشوا براكم

ممى :راحتك

مدى:مفاجأة

منى :وأخيراً

ساموا على بعض وصراخ منى حماسها خلى ميهاف ومدى يضحكوا

منى :اوعاك تقولي لي راجعة بيتك طوالي

مدى :لا حاقعد معاكم 3 أيام والجمعة برجع بيتي

منى :مع انها بسيطة لطن أفضل من عدمها

ميهاف :ارح الحديقة

منى :فكرة سمحة

مدى :أغير واجيكم

تاني يوم الصباح

منى :مدو انت من عقلك قاعدة تفطري هسع بعدين بتجوعي حتتغدي متين

بابا :منى الفطور البدري كويس جداً للزول بخليك نشيط وعقلك صاحي ولمن تجي من دوامك بتكوني جعانة وبما إنك فطرتي بدري ما حتنتظري الغداء والغداء البدري بديك طاقة بعد ما جيتي تعبانة من الشغل وحيلك منهد والعشاء حيكون بدري أكيد وحتقدري تأكلي اي شيء ما إلا خفايف لأنو حيكون في زمن لهضم الأكل

منى تصفق : واااااو برافو حضرة دكتور التغذية على جد علمي انت دكتور متخصص في مجال تاني

بابا :الثقافة سمحة ولازم انت كزول صحي تتعلم عن الرعاية الصحية الأولية

( شباب نحن عشان نقدر نعيش عيشة حلوة صحية سليمة خالية من التلوثات لابد انو نعرف عن الصحة الأولية ويا حبذا لو الزول قرأ الإسعافات الأولية والتمريض المنزلي إذا حدث خلل في صحة الإنسان نقدر نساعدو لأنو ما دايماً المستشفى قريبة منك وفي حالة الحوادث المنزلية أو المرورية لازم يكون المسعف زول مدرب لأنو أقل خطأ ممكن يودي المصاب في خبر كان مثلاً الكسر لو المصاب مكسور وانت ما عارف ومافي مسعف مدرب ورفعتو من دون علم بالطريقة الصح لمعاملة المصابين بالكسور ممكن مكان الكسر دة يتأذى وما يرجع زي ما كان فعشان كدة يا جماعة خليكم نبيهين والكورسات دي ما بتشيل من زمنك كتير بالكتير 3 شهور ولو مستعجل ممكن في تلاتة أسابيع تكملها )

مدى :اظنو كلام بابا دة واضح

ميهاف :منى تلفونك وين

منى :فوق في الغرفة

ميهاف :يوسف قال ليك اجهزي 10 دقايق ويصل

منى قامت ماشة:اوبس

بابا :ماشين وين ؟

منى :الشركة وكملت مشيها