؏َـنِدُمِآ تعَـشق الذئاب (مكتمله)

البارت الثالث

؏ـندما تعشق الذئاب
البارت الثالث 
بقلمي ريتاج الموسوي

طبعا اعتذر عن بارت امس خارج ارادتي والله 
مااعرف ليش انشر جزء
ورجعت نشرته من جديد

اريد تعليقاتكم ع الفقرات يعني لهالدرجه ماكو حدث يستاهل تعليق؟؟
تفاعلو حته اطول البارت

وان شاءالله باجر وعگبه ماانشر احتراما لعزاء الكاضم عليه السلام 

»»»»»»»»»»»»»»»»»»»»»»»»
ميسم
سمعت صوت مرتضى صيح عليه
والخوف تملكني
گلت اكيد درى ب كرار موصلني
هاهيه اذا صدگ بعد مايخليني اعتب للباب

رحتله لگيته واگف وعيونه. ناااار من الغضب
واگفه گباله امي
واسيل تصرخ وامهه حاضنتهه

»» هااا مرتضى ليش صحتني
سحب اسيل من فاطمه
وحلگهه يصب دم مجروحه اللثه
خطيه الدم مايوگف

مرتضى بصياح »» شوفي شصاير بيهه

وينج عنهه ماتگليلي

ميسم »» وليش تگلي هذا الحجي

ماتحجي المرتك

مرتضى »» اي وهيه لطمتي شلونهه

فاهيه وفاكه حلگهه

ماتدري بناتهه شياكلن 

ماصايره هاي اجي من الشغل ماكل نعل

الگه الطفله صايره دمايه

والبيت بيه اربع نسوان

امي جنهه مره جبيره ومابيهه حيل للزعاطيط

انتي يا ساره ماشفتيهه ولاتگليلي بالمدرسه لان صارلج ساعه من حليتي

ساره »» انه جنت اغسل اهدوم بالحمام حته اسأل امي

مرتضى »» وانتي يباوع على ميسم

ميسم »» صح صارلي هواي من اجيت من الكليه

بس هذا مو واجبي واجب امهه المفروض تدير بالهه عليهه

هيه عمرهه سنه ونص خو مو وين ماتروح

لازم افتر وراهه

مرتضى »» ديالله سدي حلگج

هوه هذا الي گدرتي عليه

وانتي يااا امهه 

فاطمه خاتوون شسوين جنتي

فاطمه ساكته ماحجت شي

صاح عليهه مرتضى صوت فززنه كلنه

»» ماتحجيييين انخرستي لو اجي احجيج

فاطمه بخوف »» جنت اخابر امي والتهيت عن البت

مرتضى بنفاذ الصبر يرفع شعره بأيده»» التهيتي موو

انه راح اخليج ماتلتهين بعد

راح لغرفته وجاب تليفون فاطمه