؏َـنِدُمِآ تعَـشق الذئاب (مكتمله)

البارت السابع

؏ـندما تعشق الذئاب
البارت السابع
ريتاج الموسوي 💜
»»»»»»»»»»»»»»»»»»»»

حميده »» گومي ولج ساره
سمعت صوت بالباب
دروحي شوفي شنو هذا الصوت

ساره »» يمه تلگينهه بزونه حركت الحاويه
تتجمع البزازين ع الزبايل

حميده »» هسه روحي تأكدي وتعالي
الصوت قوي ع الباب مو مالت بزونه

ساره »»
رحت للباب اول مافتحته وگعت ميسم
ووجهه صاير احمررر

يمممممه يمممممه لحگي ميسم طايحه ماادري شبيها

اجت امي تركض مفرفحه

حميده »» يمه بنيتي
ولج ساره اركضي لبيت ام احمد خلي ياخذون ميسم للمستشفى بسيارتهم
اركضييي
يمه ميسم افتحي اعيونج
عينيني يمه مابيه حيل گومي

ساره »» اخذناهه للمستشفى وخابرنه على ابوي واخواني اجو بسرعه من سمعو ميسم متخربطه

ابو مرتضى »» شبيهه بتي
شنو جانت تشتكي من شي تحس بشي
هجي بساع بساع

طلع الدكتور
وامي وابوي ركضو عليه

»» هاا دكتور بشر شلونهه المريضه

الدكتور »»والله بعدنه مانعرف شبيهه
مااگدر اگللكم لحدما تطلع التحاليل ونشوف
والتحاليل السوينها اطول
هسه هيه بغيبوبه
بعدههه مافايقه مااگدر اگلكم شي بس ادعولهه

ضلينه حالتنه حاله امي تبجي ووگعت علينه
ودخلناهه للطوارئ صار عدهه
هبوط بالضغط
واني گلبي انشلع مااعرف اگعد وي امي واهيد عليهه
لو يضل گلبي يم ميسم الماعرف شنو الصارلهه وليش هيج وگعت

جانت الدنيا ليل وامي مانامت بس تون انطوهه ابره مهدئ ضلت تصيح بأسم ميسم
لمن بدأ مفعول المهدئ ونامت

للصبح
الدكتور دز على ابوي

الدكتور »» انتو ناس تعرفون الله
ولازم تأمنون بقضاء الله وقدره
بتكم جنه شاكين بيهه
وبعد ماطلعت التحاليل تأكدنه
صاير عدهه داء الذئبه الإحمراري

»» وشنو هذا الذئبه دكتور

الدكتور »» هذا المرض مامعروف كلش
بس هواي اجتنه حالات بالبصره من عنده
وبسبب قلة الوعي
محد يعرفه
هذا يصير بالنساء اكثر من الرجال
ويبدي من عمر 15 سنه لحد 45

»» وشنو سببه

»» ما اله اي اسباب
بالجسم موجود جهاز المناعه حته يحارب الامراض والاجسام الغريبه

يصير بيه خلل ويضل يحارب بالجسم عباله جسم غريب داخل للجسم

»» دكتور هوه خطر لا

الدكتور »» اجذب عليك اذا اگلك مو خطر
داء الذئبه اخطر من السرطان
يجوز السرطان اكو فتره ويموت
هذا لا يضل يتعذب لحدما يجي اجله