؏َـنِدُمِآ تعَـشق الذئاب (مكتمله)

البارت الثامن

؏ـندما تعشق الذئاب
البارت الثامن
بقلم ريتاج الموسوي 💜
»»»»»»»»»»»»»»»»»»»»

ساره
جنت صافنه وافكر
ليش كرار يتصل على ميسم
شنو علاقته بيهه
وليش يدزلهه هيج رسائل معقوله ميسم تخابره من ورانه
قطع صفنتي صوت امي تصيح

مرتضى الحگلييي بسرررعه

گلت اكيد صار على ميسم شي
سمعت الصوت بغرفة امي دخلت لگيت ابوي …گوه ياخذ نفس… وفاتح دگم الدشداشه…
متخربط كلش
مرتضى بوكتهه جان موجود
شال ابوي واخذه للمستشفى

ميسم »» گاعده ومكرفصه على نفسي وابجي
كله مني ابوي تمرض من وراي
اني السبب

فاطمه »» حبيبتي ميسم كافي لاتبجين
موزين عليج انتي مريضه
باعي شصار بوجهج ورمتي زياده

رفعت راس ميسم بأيدهه
صيري قويه واتحملي لاتنهزين بأول عثره بحياتج
عمي ان شاءالله مابيه شي ادعيله

شبگتهه وضليت ابجي وساره هم شافتنه نبجي وصارت تبجي ويانه

للضهر فاطمه خابرت مرتضى
-ها مرتضى عمي شلون صار
»» لا الحمدالله زين
ديري بالج على ميسم لا تخلينهه تضوج

»» ماشي الله وياك

فاطمه »» شفتي مو گتلج مابيه شي
هسه خابرت مرتضى يگول صار زين بس ضغطه صاعد ولازم يبات اليوم بالمستشفى

»»»»»»»»»»»»»»»
حميده »» يمه منين اجتنه
گمنه مانفارگ المستشفيات ولك يمه ابوك راح يروح من ادينه
اعرفه الصار بيه من الحرگه
على ميسم هيه عزيزة گلبه ومايتحمل يشوفهه بهالحاله سوده عليه

مرتضى »» اي اكيد من الحرگه
والا منين اجته الذبحه الصدريه

حميده »» هذا من رداة حظ امك
غير …دروح اسأل الدكتور گله شلون صار ماتحسنت حالته

مرتضى »» هسه رايحله

رحت للدكتور سالته على حالة ابوي گال.
اتعده مرحلة الخطر
بس لازم يبقى تحت المراقبه اربعه وعشرين ساعه حته نتأكد من صحته
والصبح تگدرون طلعونه وان شاءالله ماكو شي

»»»»»»»»»»»»»»»»»
سعديه »» كله من وراك ابو محمد
رحت لبيت اخوك ومرته راوتني شر الله
جابتني بذاك الحجي
جايه تتشمتين وانتي تكرهيني
وانتي وانتي
انه لگفت عبايتي ورحت وي محمد
لبيته شنهي الوادم تگاطعت
حته ماكلفت روحهه تگلي بعد وكت

فلاح »»اكيد بزيتيهه بحجايه
ماعرفج كل حجايه مسمومه

سعديه »» هاي فوگ مااخذت حجايتك ورحت گلت هيه ماتريدني بس الخاطر اعيون ابو محمد
هيه هاي جزاتي لو انه دوم مكروهه

كرار »» بعد لا تروحين
اليهين كرامتج دوسيه ماعاش الي يطرج

سعديه »» يا بعد امك
بس انته واگف وياي الله يخليك ويراويني جهالك گبل لا اموت
اي صدگ على طاري الجهال
ليش ماتتزوج وتخليني افرح بيك دراسه وراح تخلص
ودكتور الف بنيه تتمناك وفلوس ماعايز
انته بس اشر لو تگول اخطبيلي
اروح اجيبلك بت اختي
تغريد تخبل والعيون خضر هيج والله يجعلهه من نصيبك