؏َـنِدُمِآ تعَـشق الذئاب (مكتمله)

البارت التاسع

؏ـندما تعشق الذئاب
البارت التاسع
للكاتبه ريتاج الموسوي 💜
»»»»»»»»»»»»»»»»»»»»»»»»

الدكتور »» المفروض بالبدايه ينطيج
الكورتيزون قوي
بس بعدين ينطيج علاج قوته اقل

»» دكتور هوه نطانياه مره وحده بس اني من شفت روحي تحسنت عليه
وكل مااخذ حبايه يخف الالم ويسكن
گمت اشتري من عنده بدون مااستشير الطبيب

الدكتور »»البريدزينون موزين كثرته هذا أثر على رجليج
ومسويلج هشاشه
بالمفاصل وراح تصيرين مقعده

جان كلام الدكتور الي مثل الصاعقه
جان ضربه قويه على راسي
ومو اي ضربه
مثل القشه الي قصمت ضهر البعير
طول الطريق افكر وابجي
ياربي يعني راح اصير مقعده ومااگوم
يعني مستحيل امشي ومستحيل اگدر اكمل حلمي بدراستي
الي تعبت عمري وسهرت اليالي
ومستقبلي كله يدمر
وكرار اكيد راح يعوفني من يدري بيه حكون مقعده
ياربي دخيلك امتحانك صعب

ماحسيت الا ايد مرتضى تهزني من كتفي
مرتضى »» ميسم ميسم
انزلي يالله وصلنا للبيت

نزلت واني احسب خطواتي واباوع الرجليه
معقوله بعد ماامشي
ومااگدر اعتمد على نفسي

دخلنا للبيت امي تلگتنه تريد تعرف شگال الطبيب
اني عفتهم وركضت الغرفتي ابجي

حميده »» شبيهه اخيتك
ليش تبجي شگاللكم الطبيب

مرتضى دنگ راسه ورفعه»» يمه
گالهه العلاج سببلج هشاشه بالعضام
ومفاصل رجليج متهششه
راح تصيرين مقعده

حميده تلطم على وجهه »» عمت عيني
ولك خاف هذا الدكتور مايعرف
شنو تتگرم
سوده بوجهي يايمه ماعندج حظ من يوم الصرتي بيه مشلوعة گلب

راحت على ميسم
حظنتهه يمه لاتبجين شنو هذا الحجي
الدكاتره يجذبون يخوفون بالعالم
لو اعرف ابيع عمري مااخليج
انوديج لغير دوله ونعالجج

ميسم ايديهه على عيونهه »» يمه يادوله
اني راح اصير مقعده تعرفين شنو يعني مقعده، ، يعني مااگدر امشي
يعني مااگدر اروح للحمام الوحدي
مااگدر اگوم اشرب ماي الوحدي
انتظر شفقة الناس عليه
يعني مستقبلي يدمر

حميده تبجي »» لا تبجين موزين عليج الضوجه يمه فدوه عيني گلبي تره روح ماضلت بيه

دخل ابوي
سلمان بتعب »» صدگ هذا الحجي السمعته من مرتضى
»» اي صدگ الدكتور گايللهم

سلمان »» لا تبجين يابعد ابوج
ماتطيح دمعتج وانه موجود
واحد من جماعتنه يعرف
دكتور بتركيا زين نروحله ونشوف حته لو ابيع البيت

ميسم تحظن ابوهه وتبجي»» بويه
بعد ماامشي

»» لا تصدگين حجي دكاترتنه كله جذب شيعرفون ماتگليلي
اوديج للخارج واعالجج واجيبج مثل الحصان