؏ـندما تعشق الذئاب
البارت الرابع
للكاتبه ريتاج الموسوي 💜
بنات اني جاي اكتب واتعب واشوف البارت الثاني تصويته قليل والثالث هواي
يعني الي صوتو للثالث البارت الثاني معجبهم ؟؟
ليش متصوتون محتخسرون شي وهيج حتشجعوني اكتب
واذا عدكم شي او نصيحه بالكتابه گولولي واتقبل نقد ❤
»»»»»»»»»»»»»»»»»»»»»»»»»»»
خليتهم لمن يمشون وتأكدت منهم طلعو من البيت
واني اروح ركض
للمرايه
زحفتهه عن مكانها لگيت علبه صغيره
فتحتهه وجان الگه بيهه خط و رام
واني ماصدگت خبر
رحت طياره لغرفتي سديتهه
وطلعت تليفوني الخذته من مصطفى
خليت بيه الخط وفتحته
دورت بالأسماء ماكو شي
مكالمات من رقم واحد طلعت منها ورحت ع الرسائل
لگيته متروس رسائل حب وغزل
بقيت صافنه ومستغربه معقوله هاي فاطمه
انوب لگيت بيه رصيد هواي
زين من منو هالرسائل خليت ببالي شي واحد
وهوه صديقاتهه
لانو هيه هواي عدهه صديقات ودائما تتواصل وياهن
بس بقى شك عندي
فتحت تليفوني وخليت بيه الرام
اول شي طبيت ع الصور
اتعجبت من الشفته
صور ولد غريب ماشايفته ابد صح فاطمه غريبه علينه
ومانعرف اقاربهه
بس اعرف اخوانهه وولد عمهه وولد خالهه يعني بشكل
عام المقربين عليهه اعرفهم شايفتهم بصور جانت تجيبهم وتراوينياهم
بس هذا ابد ولا شايفته
وما مار عليه اصلا
بقيت اگلب بالصور وگلبي يدگ حيل
وايديه ترجف
لگيته صوره مكتوب عليهه اسم بسام وفاطمه
ويم الأسماء قلب
طلعت الرام والخط ورجعتهن للعلبه وضميتهه بكنتوري ويه ملابسي
بس انقهرت وضليت ابجي
ماجنت متصوره
ولا عندي ذرة شك بيهه وبحبهه تجاه مرتضى
يطلع من الصبح لليل
أنت تقرأ
؏َـنِدُمِآ تعَـشق الذئاب (مكتمله)
Roman d'amourنعلم انه لايوجد ذئاب بشريه ولكن يوجد بشر ذئاب لم نسمع يوما عن ذئب نجح في دور إنسان ولكن سمعنا كثيرا عن بشر نجحو في دور الذئاب اذا كانت الذئاب متعارف عليها الغدر والخيانه فهل سيكون كذالك؟
