اللقيطه_البارت_الثاني
#بقلم_بوح_الياسمين
#الناشربارق_العراقي
ودخلت
وهل الاثناء دخل الدكتور وبيده كومة اوراق
الدكتور .اني اعتذر البنيه عابره مرحلت الاجهاض
وسيم .يعني شنو دكتور
الدكتور.يعني عابره الثلاثة اشهر ومن المستحيل الاجهاض لان تموت
مريم.عزه العزاني وسيم راح انفضح راح اتخزه
وسيم. كومي مريم ولتحجيين
طلعنا من الدكتور واحد يباوع للثاني شراح نسوي
مريم.وسيم اني راح احتفظ بالجاهل وانت لازم تعقد رسمي عليه
وسيم انتي اكيد تخبلتي ومنيين اجيب اعيشكم واشيل مسؤوليتكم واني ع كد حالي
مريم وهسه جاي تكولي هذا الكلام واضرب حيل ع اروحلك
وسيم .هاي هيه حبيبتي مريم احنا راح نحتفظ بالجنيين لحد متولدي ونذبه باي ميتم واوعدج ان بس نتخرج روح نجيبه من الميتم ونعترف بي
مريم. انت اكيد مخبل شلون تريدني اشمر طفلي من كل عقلك
وسيم.لعدددد شنووو الحل شنوووو
واني ماعندي وسيلة بس الدموع والبجي عقلي ميشتغل توقف عن التفكير ..
وقررنا اني وسيم ان اولد الطفل ونذبه ميتم مال اطفال قبلت ع كلام وسيم وطاوعته وفعلا بقيت حامل وكمت مانزل الاهلي حتى بالاجازات واتحجج الامي بانو الطريق طويل والمصاريف مكلفه وبطني مبينت لان اني كولش ضعيفه يادوب تبين ومن يسالوني البنات اكوللهم اني من اسمن يصير عندي كرش ..
وعدت التسع اشهر وحان موعد الولاده
اتصلت ع وسيم
وسيم الحكي راح اجيب عندي اوجاع
وبلحظات اشوف وسيم واكف يم باب القسم وياشرلي
نزلت والحارس واكف بالباب وضليت اتوسل بي علمود اطلع ميقبل اخر شي سويت نفسي اتخربط واجى وسيم يركض عليه والحارس ميقبل اطلع وسيم كاله اني اخذها اقرب مستشفى خطيه البنيه
صدره
وابجي بكل حركه
وسيم والله اهلي يكتلوني خلاص ويكتلوك شوفلي حل فدوة
مبينه كولش تعبانه والله عاد الله حنن كلبه عليه وقبل
مريم.وسيم واين راح اجيب
وسيم.حبيبتي اتفقت ويه قابله هي راح تولدج وشرحتلها ع حالتنا وقبلت تولدج
مريم.وسيم اني خايفه....
لزم ايدي وسيم وكال لتخافيين عمري الكاتبه الله يصير حياتي ما اتخلى عنج بتخافيين
وصلنا البيت القابله دكيتا الباب طلعت استقبلتنا دخلتنا الغرفه معزوله عن البيت هي الي تولد بيها النسوان وقبلت وسيم يدخل ويايه لان ماكو احد وياي ..
وبعد معاناة الولاده واوجاعها وشدتها جبت بنيه مثل الكمر لا بعد احلى من الكمر
القابله.مبروك جبتي بنيه تجنن شراح تسميها
مريم .اسميها اهات
وسيم .لا اهات شنو نسميها هبه لان هاي هبه من رب العالميين.
كمت ابجي لا ارادي دموعي تنزل واحس روحي تريد تطلع من مكانها وبهذه الاثناء اشوف وسيم يلملم بالبنيه وغراضها يريد ياخذها للملجاء..كمت اصيح ع وسيم
وسيم اوكف فدوة اروحلك خلي اشوفها خلي اشبع منها فدوة فدوة حباب عوفها لتاخذها
وسيم.عوفيها بعد مريم احنا شنو اتفقنا ياعمري
مريم .لعد لتخليها بالميتم عفيه عفيه ارجوك ..
مريم .خاله الله يخليج متعرفين عائله ماعدهم اطفال هنا اخلي بنتي بيها لان بس نزوج رسمي اني وابوها نرجع نرجعها
وشدت النقاش بيني وبين وسيم كام هو ميقبل ينطي البنيه ومتمسك بيها واني الي اريد اتخلص منهاعموما بعد نقاش طويل
القابله اقترحت علينا اقتراح
القابله..يمه اني اعرف عائله ماعدهم خلفه وحالتهم ميسوره المره مدرسه والرجال دكتور والله فاتحها عليهم من اوسع ابواب بس خلفه ماعدهم فاليش منخلي الطفله عدهم احسن واقلها تبقوون تندلون مكانها وبوكت ما الله يسهل امركم تكدرون تجوون وترجعون بنتكم
فكرنا بالموضوع اني وسيم شفنا هذا هو الحل الامثل واقلها يم عائله مو بالملجاءه وهذولي الله موفقهم
وفعلا لمينا الطفله وسيم والقابله حظروا اشياء وجنطتها من فدوة اروحلها واني كعدت وكتبت بورقه اسمها
(هذه بنتي هبه امانه اامنها يمكم والله والله بنتي بنت حلال مجايبتها من زنى اوحرام لكن ظروفي متسمحلي احتفظ بيها الله يخليكم خلوا بالكم عليها امانة الله ورسوله) ....
وراح وسيم وخلى البنيه يم بابهم لان هم يطلعون للدوام وبقى وسيم والقابله يراقبون العائله الا ان دخلوا البنيه البيتهم ...
وهسه راح اترك القلم ويه عائله الدكتور جمال والست
تصير بنت عمي بس الله مقسمالنه يكون عدنا اطفال ومثل كل يوم طلعت الصبح للكراج احظر السياره واشغلها علمود نطلع للدوام اني ونرميين واسمع صوت طفل يبجي طلعت بره واشوف طفل مملفوف كدام الباب ويبجي ص نرميين..
مرحبا اني الدكتور جمال من محافظه عراقيه....متزوج من الست نرميين حبيبتي وام بيتي بس الله مرزقنا بالذريه وماعندي اطفال بس اذا اني او زوجتي قانعين برزق الله ونكول لابد بيوم الله يفرح قلوبنا ..
وزوجتي نرميين مدرسه لغة عربيه اخذنا بعض عن حب
صحت باعلى صوتي نرمين نرمين
نرمين .اسمع صوت جمال يصيحني بطريق مو طبيعيه وكانما شافله كارثه رحت اركض للكراج اشوف جمال واكف وبيده طفل يبجي وجيرانه واكف بصفه
هاي شنو جمال
جمال .من طلعت للكراج سمعت صوت طفل كدام الباب يبجي فتحت الباب وشفت هذا الطفل كدام الباب وهذا الوقت نلمت الجيران علينا وبقوا يسولفوون ويحجون الي يسب اهلهم والي يغلط والي مقهور ع الطفل واني بين هذا كله عيني ع الطفل الي بايد جمال رحت لا ارادي اخذته من ايد جمال وفتحت القماط (الحظينه)وتاكدت انو الطفل بنيه ماشاء الله شكد حلوة وملامحها بريئه حبيتها بدون مقدمات دخلت كلبي حسيت روحي متعلكه بروحها وشفت الرساله الي مكتوبه من اهلها وشوفتها الزوجي جمال بهذه الاثناء قرر جمال ياخذها للمركز علمود نبلغ ع الحاله والجيران ويانا تشهد اخذها جمال من ايدي عبالك اخذ روحي واحجي ويه نفسي شلون لعد امها انطاها كلبها تعوفها شنو هالقدره والكلب القاسي تعوف لحمه حمره وصله من قلبها بالشارع ...
وللحكايه بقية
أنت تقرأ
اللقيطه.بقلم.بوح.الياسمين الناشربارق العراقي
ChickLitماباليد حيله كل ما هو مكتوب على الجبيز لازم تشوفه العين انا لم اختر والدي انما هذه الاقدار
