اللقيطه_البارت_الاخير
#بقلم_بوح_الياسمين
#الناشربارق_العراقي
يسحلني ويذبني للجلاب
ورى يوميين كتلها اني موافقه ماما خلي يجوون
نرمين ..الله يرضى عليج بنتي دنيا واخره مثل ما اني راضيه عليج حبيبتي
هبه. بوست راس امي وايديها واني كلي تعاسه ماعرف ليش ممرتاحه الهذه الزواجه احساس بداخلي غريب يكولي راح اشوف ايام اسود من السواد بس عادي اني من اول يوم نولدت واني والمجهول اخوان خو التعاسه صاحبتي وصديقتي الوحيده والصبر رفيق دربي الي مايمل مني
مر يالصبر بس لازم اجرعك ..
وتمت الخطبه هيثم ولد مقبول لكن اكبر مني ب١٠سنوات وقبلت وكلت هذا وعدي من الدنيا طلعت بالعرس اميرة الاميرات ..
اي ياهبه وبعد شراح تشوفيين من العمر..
وبداءت مرحله جديده من عمري من هسه اكوللكم لتتوقعون انسعد وياه لاعيني لا..لا قلبي لا ماخفيه كان اعظم
.....
خلي اسولفلكم ع هيثم شويه
ابن اخت ماما يعني ابن خالتي طلع اسم الله عليكم بخيييييييل الى ابعد الحدود شفت الضيم وياه من بخله وها بطلني من الكليه ع منيين اجيبلج مصاريف الكليه زعلت وانتفضت ورحت الاهلي لكن بكل مره محمد جان بالمرصاد وماما وبابا كبروا مابيهم حيل قبل ويتصدوون لمحمد ماما المسكينه محتاره بملابسي وملابس بناتي صار عندي بنات ثنيين اديان وافنان اغلى شي بعمري ..وما اسولفلكم بالولاده شسوه اوف ياربي ذبني يم اهلي من طبيت السابع ع حجة شنو انتي تعبانه حبيبه
البخيل حتى فلوس منطاني مصرف معاف بيدي
هبه .ادري هيثم انطيني فلوس اقلها
هيثم. منين اجيبلج وبعدين اهلج قاصرين الفلوس ميدرون واين يودونها ده خمطي منهم شبيج جنج بومه وكله تحجين بالمثالايات اي بنت الح....
هبه. انت صدك متستحي ومتخجل وساعة السوده القبلت بيها عليك رجعتني اسفل السافلين ضيعت حياتي انت
اي ديله هسه انتي هم مصدك نفسج بنت دكتور دكومي لج هو انتي خلك لقيطه ولفتج خالتي واني نفكتج سترت عليج
احترم نفسك واكافي لغوة انت متعرف شكاعد تحجي اني بنت الدكتور جمال غصبا عنك..
وجان ينهال عليه بالمسبه والضرب والاهانه الي ماعرف من واين تحي ويردد اني ناخذتج الجمال طوالج بس لان اعرف هاي خالتي الخبله ضامتج ذهب وفلوس
اوف اوف شحجي شكول ياربي تصدكون اني حتى شخصيتي تغيرت من يوم الي اخذت هيثم حسيت نفسي سترجلت واني ذيج النزاكه والانوثى والجمال قلب كياني هيثم دمرني
وتحملت كل شي علمودهم الخاطر اديان وافنان شفت المر
ومرت السنين بحياتي الجحيم ويه هيثم خو بالنسبه للاهل ماسولف احسن ...
هبه.عفيه هيثم االبنات راح يرحون للمدرسه اريد فلوس
هههه وعينكم لتشوف شتى انواع الضرب يمنى ويسرى
اخذت بناتي ورحت لاهلي كلت كافي بعد كافي تجمل واهانه اني هم بشر يارب اني شمسويه جوه ايدك عيبت امي تطلع بيه يارب وتالي ماطول عليكم وجان يتلكاني محمد لا هله ولامرحبه شكو هم جايه بابا ترى انتي مو بتنه روحي دوري اهلج والفي يمهم واذا ع جم فلس ننطيج مو اشكال.هبه وخر محمد من كدامي احسلك تره الشياطين كله بوجهي ودفعته ودخلت جوه..
بابا اريد اطلك
محمد .اي علمود تزوجيين متعه براحتج مو هذا مو جديد عليج سوايت امج اسمعي لج طلاك ماكو خلاص الوحيد من هيثم النجف من نروح نطمرج هناك سمعتي لو لا
هبه.انت واحد متستحي ومتخجل ادبسزز
ونهال عليه بالضرب والمسبه والاهانه والغلط والمساكين امي وابويه لاحول ولاقوه كبار بالسن وعلى هذا الاساس قررت ارجع الهيثم اقلها ابوهم غصبن ما عليه يحمل بناتي ..ويجيبلي لكمه لكن حتى الكمه كطعها استاذ هيثم
رجعت ومتت من الجوع انتظر شوكت سلفتي تصبلي كف تمن علمود اوكل بناتي الله لاينطيك محمد مسلمتك بيد الله وبيوم اجتي حماتي الجبيره
اكولج هبه ليش متشتغليين وطلعيين مصرف بناتج ومصرفج احسن ماتمدين اديج ساعه لاهلج وساعه الهيثم
هبه .واني قابل عندي شهاده اخوج حتى مخلاني اكمل دراستي الله لينطي
هسه لدعيين عليه اعرف مريه تنطيج مليون وانتي سدديلها بالشهر 25الف ها شكلتي واشو انتي تعرفين تمكيجيين وتصبغيين وتحفيين شبيج حركي روحج
هبه .اي صحيح اني بنت العز والدلال تعلمت اسوي هاي الاشياء النفسي من ورى بخل اخوج
هسه معلينا ها شكلتي
فكرت بالموضوع وكلت خلي استشيره
اي حبيبه ع راحتج كليله
هبه .هيثم اكو مره تنطيني فلوس بالقسط واني اشتري بضاعه واصبغ احف اشتري غراض ها شتكول
هيثم .اي حبيبتي سوي الي يريحج
هبه😭☟😕😕حبيبتي من شوكت هاي
اشو هذا مكال باطل قبل رئسا وفعلا يوم عن يوم كمت احف واصبغ وصار عندي معاميل تحولت من هبه النازوكيه الخجوله الشخصيه ثانيه اني ماعرفها خصوصا من اباوع ع نفسي بالمرايه اتعجب من روحي معقوله هاي اني عموما اجى راس الشهر دنطي الفلوس المتفقيين عليها جان تكولي مو تزعليين هاي الفلوس من هيثم هو صاحب الفكره كال بمكان ماكاعده عطاله بطاله بس تتطلب خل تشتغل وتسددلي
شكوللكم شنو شعوري شحسيت بهذيج اللحظه متصدكون اجتني لحظه من الذهول وكانما سطل مي بارد ندار ع راسي بعز البرد .بس الغريب بالامر محجيت ولا شكيت وستقبلت الامر عادي كل شي صار عادي بحياتي
وصار عادي من حياتي وكمت ما اشتكي الامي ولا احجي
بابا تمرض كلش صابته نوبة قلبيه وتوفى وبقت ماما تحت رحمة محمد واني من المستحيل اروحلهم للبيت لان يطردني محمد وضحى تزوجت وحضها حلو ومعدل الحمد لله ومرت السنين بناتي صاروا صف ثالت ابتدائي فد يوم ده احف لمريه اشو هاي شبكتني وكامت تبجي
هههه جان تطلع امي تصدكون مملات هاي سنيين وهي متابعه حياتي والله خلفه عليها كلفت نفسها يله ماعلينا اني مكدرت ارفضها بحياتي وخصوصا بعد متعرف هيثم عليها ودرى حالتهم زينه لان بعد كام ميستفاد من ماما نرميين محمد بالمرصاد كيف ع امي الجديده..
وانا اريد وانت تريد والله يفعل مايريد
بيوم مثل كل يوم اني تعبانه من شغل الصالون والزبونات اجى هيثم يريد يروح للكهوه وياه محمد حضرتله الملابس بدل وطلع ...وندعيت عليه من كل قلبي ان يطلع بعد ميرجع..
وهناك نسمع دووي انفجار والدنيا نقلبت قلاب وجان الانفجار بنفس الكهوة الي يكعد بيها هيثم والقدر الي خله محمد بهذا اليوم يروح ويه وجابوا علومهم
صحيح اني ماحب هيثم وشوفني الويل وكرهني بالحياة بس يبقى ابو بناتي ونقهريت عليه ونقهرت ع ماما نرمين مو ع محمد لان محمد هو سبب زواجي من هيثم وطيحان حظي بس هاي هيه الحمد لله ع كل حال ..
ورجعت يم ماما نرميين ..
بذاك البيت الحلو الي احبه واحب كل تفاصيله عشت بي اجمل سنيين عمري رغم امي الولدتني يعني اقصد امي مريم توسلت بيه اروح يمها اني وبناتي بس مرحت لان الام مو الي جابت الام الي ربت وماما نرميين تسوه الف ام مثل مريم...ومريم او اهلي مثل ميدعون زرتهم كم مره اني وبناتي لكن محسيت باي شي يربطني بيهم حتى كلمة ماما اوبابا متطلع من لساني شثكلها ..ااي اي الدنيا هاي حيل قست علي وشوفتني ضيم يابو ضيم بس انا املي بربي جبير ولابد بيوم هالغيوم تتبلد وتطلعلي شمس دفي حياتي +
العمر خلص وكلشي ما فتهمت منه لا عشت طفوله لاعشت مراهقه لا عشت امراءة متزوجه ولا عايشه هسه ولا مرحله عشته بس قهر وركض ومشاكل اباوع على روحي بالمرايه وابجي عليه اكول ليش انخلقت ما شفت شي بحياتي المشتكى لله ع كل حال الحمد لله...
الواكف عالنهاية يچلب بأي ايد
وتدريها الكرامة تأذي اهاليها
واني غير ايد امي نرمين ماكو ...
حكايتي منتهت بعدني اعاثر بيها وبعدني اعيش تفاصيلها ...
وللعلم قبل لا اختم القصه بقيت ١٠ سنوات اني ارمله بيت والدي الدكتور جمال وشجعتني الوالده اكمل دراسه بالبدايه رفضت الفكره لكن بعدين قبلت ورجعت كملت دراستي وحصلت شهادة المحاماة وتعرفت بالكليه ع عميد القسم مالتي والاول مره بحياتي احس اني بشر مثل خلك الله اتعلم الحب او اجربه وانا بعمر 35والثلاثين
وشفته اجمل شي بالحياة .
واتمنى اكمل حياتي ويه جمال لان حبيبي الاربعيني اسمه جمال ع اسم والدي الدكتور الله يرحمه..
وعسى ان تكرهوه شي وهو خيرا لكم
هذه قصتي ويه الزمن ..
أنت تقرأ
اللقيطه.بقلم.بوح.الياسمين الناشربارق العراقي
ChickLitماباليد حيله كل ما هو مكتوب على الجبيز لازم تشوفه العين انا لم اختر والدي انما هذه الاقدار
