اللقيطه.بقلم.بوح.الياسمين الناشربارق العراقي

البارت الثالث

#اللقيطه_البارت_الثالث
#بقلم_بوح_الياسمين
#الناشربارق_العراقي

بعد عدت ايام كمت اتوسل بجمال انو نروح نتبنى الطفله جمال بالبدايه رفض الفكره لكن بعد توسلي والحاحي الشديد وافق ورحنا يم اهله وسولفنالهم على الحاله بالبدايه اهله واخوانه واخواته رفضوا هذا الشي بس عمتي ساندت جمال وكفت ويانا وفعلا رحنا للمركز وردنا الطفله دزونا للملجاءه الي اخذوا الطفله عليه ورحنا اني وجمال وكملنا كل اوراقها وجبناها الهباوي الحلوة
هبه الي وهبه رب العالميين الي جمال مقبل يسميها هبه لكن اني اصريت كتله لا هذا الاسم حلو وهي فعلا هبه من رب العالميين وصارت هبه مصدر سعادتي وحسيت الاول مره بالحياة انو اني عايشه رحت للسوك مبقيت شي مجبته الها من ملابس وممات وملاعيب اي ملاعيب حتى اشتريتلها من فرحتي ماعرف شسوي ومرت سنتين وهبه عندي ملاك يارب شكد حلوة وهادئه بس بقوا اهل جمال ميحبون هبه خصوصا اخو الجبير ودائما يتقصد يجرح مشاعري بيها من يصيحلها اللقيطه وحتى يعلم اولاده يصيحوها هالشكل صارت مشاكل كثير بينا ع هبه ..
ونقطعنا من اهله مده سنتيين صار عمر هبه اربع سنوات
وبيوم من الايام اثناء دوامي بالمدرسه دخت ووكعت بالصف كعدوني المدرسات ونطوني مي كتلهم هاي شي طبيعي ضغطي ينزل باستمرار ..
من رجعت للبيت الدوخه معافتني اجى جمال وسولفتله اخذني للدكتور سوييت تحلييل وطلعت حامل ..
ماعرف شلون اوصفلكم وضعي وشكلي وشكل جمال بسماع الخبر نصدمنا من الفرح جمال راح كبل البيت اهله ونقل الخبر الوالدته وطبعا بهاي الاحداث نذبحت الذبايح والاهل والاقرباء والاصدقاء كلهم اجوي يباركولنا
واني شايله هبه وابوس بيها واكول وجهه الخير وجهه من شفتها شفت كل الخير حتى حمل حملت ..
ومرت الايام والاشهر وعرفت انوا ني حامل بتؤم ولد وبنت وفرحت جمال متنوصف ابدا..
جبت والحمد لله صار عندي محمد وضحى اولادي ونور عيني بس ابدا مفرقتهم عن هبه لا بالعكس هبه هي الاساس بهذه الحياة هي اساس الفرحه بيتي ..
مرت السنوات وكبرت هبه صارت تقريبا 12سنه ومحمد وضحى 8سنوات
محمد جان مو هالكد يحب هبه وهوايه يتعارك وياها والسبب كله بيت عمى الجبير واولاد عمى لان يحجون كدامه ويكلوله هذه مو اختك هذه لقيطه لكوها يم الباب
وجانت هبه هوايه تنقهر ومرات تكعد تسالني
ماما صدك اني مو بتكم ولكيتوني يم الباب
نرمين.لابنتي يشاقوون وياج هذولي ولد عمج علمود يضوجوج وبعديين مو مرات بابا يشاقى ويه ضحى يكوللها لكيناج يم الجامع
جانت هبه صدك كلامي بس هي متعرف ان هي فعلا لكيناها يم الباب
بيوم من الايام ندك الباب واجى محمد يصيحني
ماما ماما اكو رجال ومره يكولون احنا اهل هبه ويريدون يحاجوج
بهذه الاثناء كلبي راد يوكع يارب لتسويها صدك ويطلعون اهل هبه بعد هذه السنوات جايين ياخذوها مني يارب اموت اني ..
كلت لمحمد روح كوللهم ابويه مموجود
محمد.وشكو هيج اكول ليش اجذب خو خلي ياخذون هبه ويخلصونه
نرمين .اسكت ولك ويله روح لتناقشني
وهناك اسمع صوت صياح
افتحوا الباب انطونه بنتنا انطونا البنيه
اني هم خابرت ع جمال وسولفتله الصار
جمال.افتحي الباب ودخليهم وهسه اني جاي
فعلا رحت فتحت الباب ودخلتهم
وكعدت المره تبجي بالكراج وتبوس بايدي
مريم.ابوس ايدج ست نرميين اني بنتي امنتها يمج واريد اخذ امانتي
نرميين.منو بنتج على شنو تحجيين انتي
مريم .احجي ع بنتي هبه الي لكيتيها بابج الصبح والرساله الي كتبتها الج +
كتبتها الج
كالتلي ع كل التواريخ والاحداث عبالك كاعده بينا جانت
اني رفضت كلامها
انتي متوهما اني صح عندي بنيه اسمها هبه بس هاي بنتي مو بنت احد
مريم. لا والله بنتي والله ورحت للجده ردت اجيبها تشهد وياي بس متوفيه اروحلج فدوه رجعي بنتي
وبهل الحجي دخل جمال
جمال من دخل عصبي ومتنرفز وراسا طردهم وبقوا يتلاغوون هو والرجال الثاني لكن اني المريه كسرت خاطري لكن بنفس الوقت ماكدر انطيها قطعه من لحمه صغيره اخذتها من الكاع وكبرتها وصارت عروس تريد تاخذها ع الجاهز
نرميين.شلون نطاج كلبج ذبيها لحمه حمره
مريم .والله جنت مجبوره جنت بعدني صغيره وطالبه وماخذه ابوها عرفي بس هسه كبرت وتزوجنا ومحد يكدر يحكمنا بعد فقررنا نجي ناخذ بتنا
جمال. هاي كطنه وطلعوها من اذنكم هبه بنتي كدام الناس والدوله والكل يشهد اطلعوا بره مالكم شي عندي..
وراح اترك القلم الحبيبتي هباوي خلي تعرفكم ع نفسها
مرحبا ..
اسمي هبه.شكلي ع كولت ماما نرميين زي فلقت القمر
عيوني خضر وشعري اصفر وبيضه وطولي حلو رغم اني بعدني 12سنه بس ابين اكبر ملامحي جبيره وحلوه
نولدت واني اعرف بابا جمال وماما نرميين
لكن بيت جدي وعمي تحديدا يسميني اللقيطه واكثر من مره اسال ماما تكول معليج منه واولاد عمي دائما يكلولي انتي مو بتهم لكوج يم الباب حتى علموا اخويه محمد يكولي هيج وهم من اسال ماما تكولي يشاقوون وياج
دائما من نروح البيت جدو بس بيبي تحبني البقيه كلها تكرهني وميخلوون جهالهم يلعبون ويايه وبنات اعمامي من اريد اللعب وياهم يطردوني اروح ابجي الماما تكولي لتبجيين وتبقى هي تلعب ويايه وضحاوي حبيبتي اني العبها الا ان اجى بيوم رجال يصيح انطوني بنتي ومريه تبوس بايد ماما تكوللها رجعيلي بنتي وتكول اسمي
وبابا طردهم وبعدها مشفتهم نهائيا ..وبيومها اجوي بيت عمي واسمع بابا وعمي يتصايحون على نفس الموضوع وانو ليش منطوني الهاي العائله كعدت ويه نفسي الف سؤال شنو الكاعد يصير ومعقوله اني صدك لقيطه وبنت حرام زين شنو يعني بنت حرام شنو وشنو الف سؤال لكن اجابه وحده ماكو ع هذا كم الاسئله الهائل وكالعاده اشتد النقاش بين عمي وبابا ونطرد عمي ..وصارت سكينه بالبيت وبذاك اليوم سكل ماما وبابا ميتفسر بابا حتى متعشى وكذلك ماماومرت السنوات
وللحكاية بقيه انتظروني بالجزء القادم تصويتكم حبايب🥀🥀وتعليقاتكم تشجعني