اللقيطه_البارت_الرابع
بقلم_بوح_الياسمين
#الناشربارق_العراقي
صار عمري 15صرت بسن المراهقه ماما كلش تخاف عليه ومتخليني اطلع بره ابدا الا هي ويايه وضحى حبيبتي متفاركني بس محمد مزعج عايش دور الاخو يامر وينهي ويصيح ويعيط وبيت جدي منروح ابدا بس بالاعياد والمناسبات واكثر الاحيان بس بابا يروح
فد يوم صادف عيد الاضحى وبيبي خابرت ع ماما تحلفها نروحلهم للبيت ماما متكدر ترفض طلب البيبي لان تحبها كلش وفعلا رحنا وياريت مرايحيين وهناك عرفت تاريخ حياتي الاسود وعرفت ليش يسمووني اللقيطه
عرفت من انا....
انا ذلك الكائن المنبوذ
انا تلك الملعونه التي تسمى باللقيطه
انا ذلك الاجل الغير مسمى
انا تلك الاوجاع التي لا تنتهي
تلك هي اااااانا
رحنا البيت جدو والكل موجود وفرحانيين ومسووين مشاوي بالحديقه وضحك وسوالف وكلنا مجموعين وبابا وماما فرحانين وضحاوي تضحك للهوى بس اني ماعرف شبيه احس غصبه بروحي كل شويه اكول راح يصير شي راح تصير كارثه هناك وجان ماما وبابا وبقية الاهل الاكبار يدخلون للصاله وبقينا احنا الاصغار والشباب بالحديقه..
هناك واسمع صوت ماما تصيح
نرميين. يله جمال كتلك منجي الهذا البيت هذولي يكرهونا ويكرهون بتنا
زوجة عمي .يابت انتي مصدكه هاي بنتج شنو نسيتي
منين جبتيها واين لكيتيها وبعدين ليش منطيتيها الاهلها من اجوي يردونها
نرمين.انتي اسكتي لتحجيين محد كالج ادخلي هبه بنتي وتبقى بنتي ولو يبقى اخر يوم بعمرج وبعمر ابنج متاخذيها
وتعالات اصوات الصراخ في ذلك المنزل
زوجة عمي .اي مو اني وابني ذابحين نفسه ع هاي الساقطه الي مخليتها بنص اولادج نرمين انتي تسودنتي من يوم دخلتي هاي اللقيطه البيتج
امي..اسكتي اااسكتي بعد وياج ثم اياج تحجين ع بنتي عبالج ماعرف شنو النيه مالتج اعرف سوالفج اني تريدين بس تاخذين البنيه وتكسرين بختها هاي اخر يوم بعمرج ومتصير الج
اني والكل مو بس اني صافنين ع الكاعد يصير وشبيها امي وشبي ابويه وعمامي وعماتي وزوجة عمي شنو هالغضب من اهلي ليش هم اني السبب يارب شمسويه اني دائما اهلي يتاذون بسببي
ماشوف الامحمد يجرني من شعري
كله صوجج انتي اللقيطه
هبه.عوفني عوف شعري ماما بابا الحكولي
اجوي ماما وبابا يركضون يريدون يفكوني من ايد محمد لكن بهاي المصارعه محمد حجى كل قصتي فهمني الاشياء الي مجنت افهما عرفت سبب غضب عمي وعدم حبه الي عرفت ليش الهدرجه بيت جدي يكرهوني وخلاني اوكع من طولي صحيت ع نفسي اشوف روحي بالمستشفى والمغذي بايدي وماما وبابا وضحى واكفيين يم راسي
هبه.ماما احجي صحيح الي كاله محمد صحيح ماما
نرميين .تبوس بيه وتكولي اي صحيح بس انتي بنتي مو بنت ذولاك الناس بنتي انتي ربيتج ع ايدي سبحتج وغسلتج ورضعتج وسهرت وياج واقري وادرس وابجي اذا كلتي اخ راسي
وبقينا نبجي اني وامي ويامن يبجي ويانا
جمال.بنتي هبه انتي مو صغيره بعد واذا تريدين اهلج اني اعرف عنوانهم اخذج الهم
نرمين. انت شكاعد تحجي جمال
جمال .رجاءا نرمين خلي نسمع من هبه هي بعد جبيره وتعرف تاخذ قرار
هبه. بابا اني ماعندي اهل غيركم ماعرف غيركم وابجي وبابا يبوسني ويبجي وياي..
ومرت الايام ومرت الاسنيين ودخلت للجامعه اول سنه حقوق..وهذولاك اهلي مبين منهم خبر اصلا بالجذب بعد مجوي ع بابا جمال يطالبون بيه بالعكس اصلا عبالك وفوا مابالذمه وريحوا ضميرهم ساعات وساعات اكعد ابجي ع حالي مو من قصور من اهلي بالعكس بس انقهر ع تصرف اهلي الحقيقيين شلون نطاهم قلبهم يرموني هاي بدل ميواجهون الناس بحبهم بدل ميوكفون كدام الكل ويدافعون عن ثمرة حبهم لا بالعكس ذبوني ونسوا وعاشوا حياتهم وكملوا دراسه
والله ماعرف اضحك لو ابجي ع حالي
ماعندي نقص بحياتي كل شي موفريلي ماما وبابا بس اني دائما احس بالنقص نقص بشخصي والنقص اكثر يطلع من محمد هواي يحسسني بهذا الشي او لولا ماما وبابا جان من زمان لزمني الباب...
من زمان لزمني الباب...
امي كانت تخاف من الهوى عليه وتلفون ممنوع متقبل بس من ارجع للبيت كدامها لازم اخابر صديقاتي تكولي انتي متعرفيين الحياة بعدج صغيره ..بس اني احس خوف ماما نابع من حياة امي مريم وتاريخها الاسود امي نرمين تخاف لا اسوي سوايت امي ...
وصراحه مالومها من حقها تخاف لان هي تحدت العالم بيه وتريد تثبت للكل ان هي عرفت تربيني.وان شاء الله راح ارفع راسها دوم هي وبابا
الو الو
نرمين حضري نفسج نروح للاهل عرس ابن خالد باجر
اي حبيبي وناخذ الاوالاد
والله بكيفهم ساليهم
عيني يابنات عرس ابن عمكم خالد تجون
ضحى. اوي اني ماروح اكرهم هذوله اهل بابا
هبه. ماما ماكدر عندي امتحانات ..
لعد اني هم ماروح ماكدر اعوفكم
رحنا بوسناها اني وضحى ونشاقيها وندغدغ بيها شراح تطلعين عيني نيرو راح تطلعين احلى من العروس يمه فديت امي اني ضحى .لج لا راح تاخذ العريس مو بس تكسر ع العروس امي امي الحلو فديت
نرمين. اسكتي انتي وياها حيالات مكارات يمه من البنات عشره وكول كليلات..وضلينا نضحك وفرحانين
راحت ماما وبابا للعرس
اجتي ماما هبه تعالي اريد احجي وياج
نعم ماما
شوفي حبيبتي انتي بعد مو صغيره كبرتي وجايتج قسمه زينه ابن اختي هيثم طالبج للزواج والولد مثقف ومتعلم ويكول اخليها تكمل دراسه احسن من هيج ماكو بعد
هبه. ماما اني مافكر بالزواج
نرميين.هبه انتي تعرفيين وضعج واني وابوج مدايمين العمر كله الج وتعرفين اخوج محمد وتصرفاته شايل كل حقارت عمج اني اخاف عليج يابنتي والله بس يصيرلنا شي هذولي يشمروج بره بالشارع فريحي كلبي الله يوفقج وكاعد تشوفين بعيونج شلون محمد مسيطر ع كل الشغل والمسؤوليه والفلوس ماماتي اني احبج اكثر من خلفتي الي من دمي ولحمي صحيح مو اني الي جبتج بس والله انتي قطعه من قلبي فكري بكلامي بنتي وبعدين اني ماريد اذكرج بس شوفت عينج اهلج بالكذب مرجعوا يطالبون بيج علمود اني اسكت وارتاح واكول عدها ظهر يابنتي ياحبيبتي..
فكرت بكلام ماما
كلامها صح محمد هو هسه بحياة امي وابويه يعيرني كل شويه لعد اذا لاسامح الله صارلهم شي شيسوي بيه يمكن يسحلني ويذبني للجلاب
وللحكايه بقية
أنت تقرأ
اللقيطه.بقلم.بوح.الياسمين الناشربارق العراقي
Chick-Litماباليد حيله كل ما هو مكتوب على الجبيز لازم تشوفه العين انا لم اختر والدي انما هذه الاقدار
