#اللقيطه_البارت_الاول
#بقلم_بوح_الياسمين
#الناشربارق_العراقي
ماباليد حيله كل ماهو مكتوب على الجبين لازم تشوفه العين
انا لم اختر والدي انما هذه الاقدار اترككم مع القصه...
بسم الله الرحمن الرحيم ..
اليوم قصتنا تختلف عن بقية القصص قصة تتكلم عن المجتمع بضلم فتاة واضطهاده بعيدا عن قصص الشيوخ والفصليات وخلي شويه نشوف الواقع..
خلي نرجع بالزمن كم سنه ونشوف الاحداث الي صارت قبل ولادة اللقيطه..
اترك القلم ..
اني مريم طالبه جامعيه اهلي من بغدادواني ادرس بجامعة باحدى المحافظات بالاقسام الداخليه. بالنسبه الشكلي خلي شويه اوصفلكم روحي شكلي مقبول لاحلوة ولامو حلوه سمره طولي حلو كولش يعني مو قزومه ههههه جمالي جمال العراقيه بكل ملامحه.
بداءت المرحله الدراسي واني ممصدكه نفسي عالم غريب عجيب هاي الكليه لا هالنوب اقسام داخليه اهوووو فد شي بداية العام بدينا نتعرف واحد ع الثاني وكل يوم تجي وحده من البنات مصاحبه واحد الا اني بقيت هواي يله تعرفت ع شاب جامعي وياي ويمه يمه شكدحلو وسيم جان اسم ع مسمى اسمه وسيم اني مجنت مصدكه روحي هذا شلون قبل يتعرف علي حبنا بعض بصوره مو طبيعيه لحد الشغف والجنون والعشق وكل يوم حبنا جان يزيد.خلي اترك القلم الوسيم يعرفكم عن نفسه..
مرحبا ..اسمي وسيم وفعلا وسيم موتكولون مغرور من حقي ههههه اشكراني وعيوني خضر خضر عينن حشيش ولحيتي شكره وجهي احمراني من اصول كرديه لكن ساكن بغداد وادرس بالمحافظات وهناك تعرفت على بنيه اسمها مريم رغم هي مو هالكد حلوة يعني مو بجمالي هههه لكن اخلاقها هي الاجمل وحبيتها حب مستحيل واحد يحب مثلي عشقتها متت عليها اخاف عليها من الهواء وهي تنحب بسرعه يكولك الاسمر دمعه يلعب وهي سمارها وطولها سحروني سحر عجبتني كلش كلش والاعجاب تحول عشق وشغف وبعد مرور سنتين ع علاقتنا وحبنا
وسيم..مريم اني اريدج زوجه الي وحبيبه وام بيتي بس حاليا اني طالب وامكانيتي ع كد الحال وتشوفيين انتي العراق واوضاعه من اسواء الاسواء
مريم..واني هم احبك وسيم واريدك تكون حلالي وابو بيتي الله كريم حبيبي الله يحلها والوضع لازم يتحسن وصير بيتك وتمل مني
وسيم..بس اني اريدج مريم بعد ماكدر
مريم ..يعني شنو مفهمت عليك مو داكولك الله كريم اكولك وسيم ليش متجي بس تخطبني ويحلها الله
وسيم ..هي مال خطوبه وبس واهلج يضلون يالله ويالله
مريم ..والحل حبيبيبي
وسيم.. مريم تعالي نزوج عرفي وبعد التخرج اجي اخطبج رسمي من اهلج لان بعد ماكدر ع بعدج عني اريدج قريبه
مريم..انت شكاعد تكول تخبلت شلون تكولي هيج تقبلها ع اختك تقبلها شلون تكولي عرفي هيج اني رخيصه بعينك
ودموعي كامت تنزل
وسيم.. لا عمري لاحبي لاعيوني انتي حشاج وقدرج محفوظ انتي ارفع من كل شي بحياتي عمري انتي بس افتهمي عليه مريم اني اريدج فتهمي شنو يعني والوضع ميسمح وانتي هم تريدين وترغبين بيه فاليش نمنع نفسنا ونرحم نفسنا من بعض خلي نزوج بالحلال لحد منتمكن ونتخرج ونتزوج ياعمري انتي
سكتت واباوع عليه واني ماعرف شحجي هاي من كل عقله
اسمع وسيم راح اسوي نفسي لاسمعتك ولاشفتك من الاساس اخاف انت عندك تجارب قبل وعبالك بنات الناس لعبه فاحب اكلك اصابعك مو سوه وعفت ومشيت بقى يصيحنين واني منداريت عليه ابدا وكمت مانزل اروح للجامعه وتمرضت ضربتني صخونه للموت وكبت حساسيتي وماعرف صار بيه وصلت للموت وهناك وجتي وحده من البنات جايبتلي رساله منه كاتبلي بيها
اني اعتذر منج حبيبتي واتوسل بيج ارجعي للدوام لتضيعين تعبجج واوعدج بعد متشوفين خلقتي والبنات كالوا انتي مريضه وتمنيت اكدر اجي ازورج واشوفج عمري انتي انتي هواي ودفايه وروحي كل حياتي انتي لتصدكين اريد اذيج لو اتركج بنص الطريق ابدا لان انتي طريقي كله .مع حبي وسيم
قريت رسالته لو شاغت روحي شوغ تمنيت اشوف طوله بس المحه لمح وقررت ثاني يوم اداوم حبي الوسيم مثل المدمن ماكدر اعوفه شكد اتعالج بس هم ارجعله ورجعت علاقتنا مثل قبل واقوى وبعد فتره من الزمن رجع فاتحني بنفس الموضوع هاي طبعا بعد مرور سنه تقريبا ع اخر مره فاتحني بالموضوع +
وبعد محاولات وسيم والحاحه عليه وافقت اتزوجه بالسر او زواج متعه اني ما اكول بس هو السبب لا انما اني هم جنت ارغب بي وافقت ع اقتراحه صديقه جان عنده شقه خارج المدينه جنا نروحلها اثناء الدوام لان بعد الدوام ممنوع نطلع من الحرم الجامعي لكن وسيم وعدني وعد شرف ان نزوج رسمي بعد منكمل دراسه وجنا ماخذيين احتياطاتنا ولكن شاءت الاقدار
مريم.وسيم الحكلي اني حامل
وسيم .انتي شكاعد تكوليين ع شنو تفقنا احنا
مريم .ماعرف وسيم شوفلي صرفه شوفلي حل
وسيم .خلي اشوفلي دكتور او دكتوره تسويلج عمليه اسقاط انتي متقصده هالشي مريم متقصدته مو
مريم .انت من كل عقلك تحجي شنو متقصده واسكت لتحجي اني الدنيا طالعه من عيني ماعرف شوف حل تحجي صدك عود تريدني اسقط وسيم هاي شبيك انت وبعدين اذا متت اثناء الاسقاط شتكول شتحجي جنت ماخذها عرفي
وسيم. شكو شكو شبيج تفاولين ع نفسج ياحبيبتي
وسيم .معليج شي شكو من هسه تفاولينه بالشر كولي يارب عمري كولي يالله
وبعد عدت محاولات ويه عدت دكتورات ودكاتره باءت محاولاتنا بالفشل وبهذا الحجي وبعد فتره لكينا دكتور قبل يسوي العمليه واني جهزت نفسي
مريم .وسيم امانه بركبتك اذا متت لتفضحني واكتب عليه رسمي يم السيد وشوفها الاهلي فدوة حبيبي
وسيم .عمري لتخافيين العمليه بسيطه شغلة دقايق وطلعين عمري بس كولي يالله..الله يجعل يومي قبل يومج حياتي انتي نور عيوني وبوسني من راسي ودخلت وحدي للغرفه
وللحكايه بقيه ..
اتمنى تدعموني بتعليقاتكم وارائكم وجودكم وكلامكم يسعدني ولاتنسوون التصويب حبايب
أنت تقرأ
اللقيطه.بقلم.بوح.الياسمين الناشربارق العراقي
Genç Kız Edebiyatıماباليد حيله كل ما هو مكتوب على الجبيز لازم تشوفه العين انا لم اختر والدي انما هذه الاقدار
