الرجل الاربعيني باللهجة الليبية

البارت السادس عشر

البارت 16

#الرجل_الاربعيني

#جميلة_جاسم

ليها زمان لا غفت لا نوم جاها....
لا عزم لقت ولا دواء دواها.....
ما با النوم ايجيها.....
ولا بت تغفئ فاقدة غاليها.....
تنظرهن خلا لوهام واحل فيها....
جميع الوسائل ما تفيد معاها.....
نحايل عليها قلت و انساهيها......
العين عالبكاء ما قدر شيئ ينهيها.....
رقيق عزمها تدرف الله يهديها.....
خايف علئ غايب يصير عماها.....

رعد... وااقف نشبحلها لا بيا انقيمها ولا نطلع ونخلييهم اني عارفها من صغرها عينها عليا واكيدة سمعت لكلام الي قلته لعمتي ساالمه وااقف ونمسح في وجهي من لعرق وربكه في ربكه ..

قتلها لبسيها عبايتها واني في سيارة نرفعوها للمستشفي ..

طلعت وقفت في الفم جو خواتها المتزوجه والبنت منعرفش اي وحدة منهم...
دخلوها وطلعت عمتي سالمه مسكيينه مش قاادرة تحرك فتحتلها الباب السيارة فورد متعليه ساعدتها ركبت ..وصكرت اعليها الباب التفتت ..
لأيه لقيتها .
ساندتها اختها فتحت الباب وركبت ..

لابسه خمار متنقبه مش عارف نوري فارضه اعليهم ولا من تلقاء نفسهم لابسيينا ..

سقت بسرعتي هيا بين النايضه والراقده ..
وجها اصفر معقووله من كلامي ..
ايدي ساندها علي الروووشن وعمتي سالمه تبكي وتكلم ..

سالمه...والله الا عرفتها بلهون ليها تلات اياام اتقول اندوووخ ومرييضه واني انقلها من الكليه ولقرايه وهيا اتقول لا اني تعبانه..

رعد..ان شالله خييير عمتي ان شالله خيير ..سكتت مش عارف شن انقول فقري اني اقسم بالله فقري وين نعطي وجهي نلقي لمصااايب

وصلنا للمستشفي درست السيارة دااخل زحمه ونااس الساعه تلاته والباين انه فيه دوشه وحركه مقلووب قلاااب المستشفي نزلت فتحتلهم الباب ونزلو ورايا ..

نمشي ونلتفت نلقااهم وراي المشيه بطييئه وقفت علي الرسبشن سالت علي دكتوور عام عطااني رقم الحجرة ..مشيت لقيت عمتي سااالمه وااقفه اشرتلها علي كرسي ..

تعاالي قعمزي اهني عمتي تعاالي  ان شالله مافيها شي ..تمشت معاي قعمزتها علي الكرسي واشرت للبنت دكتورة قتلها تعالي وصليها لحجرة الانتضاار ..

اني وقفت مع عمتي سالمه معش قدرت تحرك وايه واختها مش زابطها وحدة منهم خشو لدكتوورة قعدو ربع سااعه وطلعت الدكتورة وهما قعدو الدااخل ..

شبحتها ادور بعيونها اكيد تبي من معااهم
مشيت لعنده سلمت شني دكتوورة شن صاار معاك البنت شن فيها ..

الدكتورة .. انت شن تقربلها..

رعد ...قريبها اني ولد عمها وجايبهاوالتفتت اشرتلها علي امها..وهذيك امها تعباانه شوي معش قدرت تمشي ..قعدت نشبحلها عييونها مش طبيعياات ..