الرجل الاربعيني باللهجة الليبية

البارت الثالث والعشرين

البارت 23

#الرجل_الاربعيني

#جميلة_جاسم

يمكن أتزيد أشواقي ،،،
ويمكن ربيــع العــمر ماله باقــــي ،،،
ويمكن ايكون الحبر فـــوق اوراقي ،،،
كاتب قصايد عـــــطرهن يمشيلك ،،،
ويمكن مع صوبك الخاطر شـــاقي ،،،
سكنتى وملكتي ما اقدرت انشيلك ،،،
ويمكن مع غــــيري ربيـــع اتلاقي ،،،
وانا انمـوت مـوت وما اندير بديلك

حوراء... اني عندي دليييل اعلييه شبحته كدي مرة مع بنات ونساوين
مرة اني مداومه في المستشفي جي ومعاه زوز متنقبات معرفتش شن يبو
بس ايعامل فيهم مش كويس ويهزب فيهم ويتكلم بصوت عالي اعليها بعدين طلعو روحو
ومعاهم مراء عزوزة كبيرة ....

وامس لقيت معاه وحدة عيونها زرق وشكلها كانها مش ليبيه بييضه هللبه
واخدة حاجاات هللبه
ولما سألته ..ماردش اعليا ..

نحكي وانحس انه في شي غلط انحس في رووحي من الغيرة نتخييل في حاجات قدامي ونحكي ..

اقسم بالله لو يطلع مش متزوج ولا عنده نساوين في حوشه وهكي قاالي اني بعدين نتحااسب اني وياه ..

مش عارفه شن شعووري لما كملت وقالي بوي ..

توة انتي متأكدة منه لكلام ولا انديرو حشمه لعماارنا ..

امي... انتو خيييركم دايرين راسكم وراااس هالمسكيين هذا ..المرة الي فاتت بوك والمرة هذي انتي .. بعدين انتي اعلاش محرووقه هكي وتحكي وتأشري بغل كان قدامه راك قتلتييه ...

حوراء ... اني معندي معااه شي الي استغربته انه هو مش متزوج ومعنداش اقاارب غيييرنا وبوه متبري منه شن كل مرة يطلع بي بنت شكككل ...

امي... ريحو ارواحكم وخلو الولد في حاله .. وانته ياحاج هذا وصية زهرة راهو ايحاسبك بييه ربي بدل ما اتعاااونه ولا اتجي معااه جاي ضده..عيييب عاد

حوراء.. لاله مش مستحق من ايعااونه بروووحه ساااد عيين الشمس ...

بوي .. اني نعرف نصرف مش بكل اني بنضره بنمشييلا في حوووشه ونتفااهمو ...

حوراء.. بوي اهم شي اعرف انه متزوج ولا لا نبي نعرف الشقراء هياا مني هكيي هكيي ياااكل فيا الفضوول ..

امي... تحشمي ونوووضي جيبي لعشي ... بنوت اخر وقت شن عندك فييه انتي ..

حوراء.. نضت مشيت للكوجينه وانحس في روحي ناادمه اعلاش هكي درت
معقوله ايكون ماعنده شي هكي اني بدل ما انقربه مني
بعدته نبي نفهم بس الايام الاولي يجري وراي وتوة ولا كأني قداامه ..

دخلت لعشي وقعمزت ناكلو وقال بوي غدوة نمشيلا الصبح
...خشيت لداري بعتلا رسااله ورنيت اعليه مقفل ..

تو شن نبي منه اني .. عمري جو المراهقات مادرته الحق لاكن يلا ...
لين انجييبه لطريق ..