_مشمشة يلا اطلعي وربي زينة ح تقتلنا،،أنتي ناسية انك ح تمكيجيها،،،يلا ياخ،،كلها ساعتين بس وأهل خطيبا يوصلوا،،،قولته ليها سوما خلاص طالعه ياخ أوف،،،جات لزت باب الحمام ودخلت لقتني شبه ببكي،،،ضمتني عليها ومسحت دموعي،،،قالت لي بيبي ماتبكي ياخ،،،وبعدين حاولي اتأقلمي على إنك ح تشوفي حسام كتير،،لانو ود خالتها لزينة،،فحاولي إنك تكوني طبيعية،،قولته ليها سوما انا مشتاقة ليهو❤😭،،حاليا لي سنتين وما قادرة اتجاوز الموضوع💔،،لي سنتين ماف في بالي غيرو،،،نفسي اضمو بالجد زي زمان،،نفسي نرجع يا سوما،،،،سوما عاينت لي مسافة وهي ما عارفة تقول لي شنو،،،قالت لي كرامتك ح تسمح ليك ترجعي؟،،،ناسية الشكلة الطويلة العريضة العملها ليك بسبب موضوع انتي ماعندك فيهو اي ذنب،،يلا قومي نلحق البت دي ياخ،،قولته ليها طيب يلا❤،،،ظبطتا الميكب حقي وطلعنا،،لما نزلنا تحت لقيت بابا طالع من المطبخ وشايل فنجان القهوة في يدو💜،،،قال لي سوقي على مهلك وخلي بالك من نفسك،،وماتنسي أنتي أقوى من أنو يرجع يكسرك زول،،فاهماني صاح؟،،قولته ليهو أيوة فاهمه،،،ربنا يخليك لي يابابا،،،يلا لحدي بعدين،،،قال لي سلمي على زينة وباركي ليها بالنيابة عني،،،،سوما قالت ليهو خلاص يا عمو الزمن نحنا طالعين،،،بابا حمر ليها وقال ليها امشوا يلا😒،،،،،بعد طلعنا برة البيت،،سوما قالت لي جيبي المفتاح ح أسوق أنا،،قولته ليها يستحسن❤شالتو مني واتحركنا،،،،
_أنا ايناس آدم،،متحررة في طريقة لبسي وحتى في طريقة فكري،،،عمري 23سنةة،،درستا it،،،،أمي اسمها سعاد اتوفت من وانا عمري 10سنوات،،،،أبوي هو الكان متكفل بي وبعاملني كأني صحبتو،،،ما اتزوج خالص،،بس كرس حياتو كلها لي أنا،،،وكان دايما بقول لي فيك شبه كبير من أمك❤،،،،،صحباتي سوما وزينة وشهد❤،،،درسنا الثانوي سوا،،«وهم المطلعين لي لقب مشمشة»وفي الجامعه أنا وزينة وشهد قرينا مع بعض ونفس المجال💜بس سوما كانت بتدرس في جامعه تانية ومجال مختلف،،،،،عموما في طبعي بحب الهظار والضحك والطلعات،،،وتقريبا من وانا في أولى جامعه مارستا هوايتي وبقيت ميك أب ارتيست❤،،،شغلي كان مالي لي زمني والاجازة،،بابا كان رافض حكاية أني اشتغل في مركز او كوافير وكذا،،،فكنتا بمكيج البنات في بيتنا،،،بابا مخصص لي غرفة وصالة وجايب لي فيها كل الميك آب💜واي حاجه بطلبها منو هو بلبيها،،،شوية شوية عملتا الغرفة دي شبه المركز❤😹،،،،جبتا كم فستان زفاف من دبي وكم فستان سهرة على شوية اكسسوارات❤ وكل حاجه بحتاجها،،،وشهد كانت ماسكة لي موضوع الحنة وشغلتا معاي تاني بتين مهتمين بحكاية الشعر والجسم وكذا💜،،،،قبل سنتين كنتا متزوجه،،،أيوة متزوجه عن حب كمان❤ بس لاسباب ح تعرفوها قدام انفصلنا انا وحسام💔،،،،
وصلنا بيت ناس زينة قبل المغرب كده بساعه،،كان في كم عربية واقفة برة ومن ضمنهم عربية حسام،،،سوما قالت لي وبعلي لو الخطيب وأهلو وصلو،،قولته ليها يابت ما ظنيييت،،يلا نلحق البت دي ح تكون دعت علينا،،،،دخلنا جوه،،وعلى طول طلعنا غرفة زينة،،،كانت لابسة فستانا وكذا،،،أول ما شافتني بقت تكورك يا كلبة يا حقيرة،،دا كلو تأخير حتى شهد الزفتة ما جات لسة انتو صحبات أنتو،،ولاب لاب لاب😪،،،،سوما وزنتها ليك بحلاة كف🌚👋😹😹😹،،،قولته ليها يلا قومي سلمي أول بعدها أبدا امكيجك يسجم،،،،قامت ضمتني وهي لسة ماسكه خدها😹😹،،،قالت لي حبيبي ياخ،،،عمو آدم جا معاكم؟،،قولته ليها عمك آدم مستكين في البيت،بس بسلم عليك ومبسوط شديد❤،،،سوما سلمت عليها وقالت لينا ح انزل اجيب عصير واجي،،قولته ليها بتفكري انتي يقلبي،،،،نزلت وأنا طوالي بديت امكيج في جميلتنا❤،،،،،اخدت حكاية 50دقيقة كده،،ظبطتها ظبوطة😘،،،بعدها سوما الكلبة جات شايلة العصير،،،قولته ليها بدري يا مدام،،قالت لي اللهم وااااي يبنات،،،مزز فظيعين ياخ،،،قولته ليها احلفي؟😒،،آسي دا الاخرك،،قالت لي معليش بايرة وعايزة اضمن لي واحد،،،قولته ليها وضمنتي،،،حمرت لي وقعدت😹😹،،،شربنا العصير،،،وزينة تمت باقي لبسها من اكسسوار وغيرو،،قالت لي طالعة حلوة صاح،،،قولته ليها قمر ياخ،،حلوة شنو😿❤،،،،،،قالت لي بس انتي ليه لابسة بنطلون يا حقيرة😒،،،البسي فستان حلفتك،،،قولته ليها ابييييت😹،،،،البنطلون احلى،،اصلا لو ما بابا ما كان لبستا طرحه😿،،،سوما قالت لي البركه في عمو آدم😘،،،،،،،شوية كده وجات شهد،،،طبعا من تحت بتزغرد😹😹💔،،جاتنا فوق وهي آخر حماس،،قالت لينا مززي مالكم حلوين كده يا ديش❤،،،قولته ليها شايلين من حلاوتك أقسم😿،،،،قالت لي لقد تأثرتو كسيرا😹😹💔،،،،على العموم العريس وصل وهيكا،،،وخالتو أمل على أعصابا،،يلا ننزل،،،،وحتى بنات خالاتك يا زينة طالعين ليك،،،انزلي معاهم احسن ما ظريفة تنزلي معانا،،،قالت ليها بكرهم🙂،،عايزة انزل معاكم😪💜،،،،قولته ليها ههههه لا نحنا ح ننزل نهتم بضيوفكم يلا يا بيبيهات،،،،فعلا نزلنا تحت وسلمنا على الضيوف،،،ومشيت سلمتا على خالتو أمل،،قالت لي كده يا كلبة تطلعي لصحبتك بدون تجي تسلمي على امها😒،،قولته ليها هي أولى يا غيورة👋🌚😹😹،،قالت لي طيب طيب،،امشي المطبخ مع شهد وشوفو الناقص شنو،،قولته ليها حاضر،،،سوقتا شهد من يدها ومشينا،،اتفقدنا الحاجات كلها،،كانت تامة،،،شهد قالت لي شوفتا حسام برة،،قولته ليها جد،،،كويس،،،قالت لي سألني منك،،بس ما اديتو وش،،،قولته ليها احسن😹،،،شهد اعصابي ح تبوظ ماتجيبي سيرتو،،قالت لي أوك أوك،،بس أنتي عارفة إنك لو كذبتي على زينة وعلى سوما وعلى ابوك زاتو،،،ما ح تقدري تكذبي على حب قلبك شهدون❤،،،،قولته ليها فعلا ما قادرة اكذب،،،شهد أنتي عارفة أني جاية عشان حسام،،لي سنتين ماشفتو،،،صح ما حظرني لا واتس لا فيس،،بس ما بقدر اخش صفحتو،،بخاف اضعف💔،،بخاف ارسل ليهو يا حسام خلينا نرجع،،،،بخاف من ردة فعلو،،،،ربنا يلهمني الصبر بس،،قالت لي متكابري،،،الموضوع ابدا ما موضوع كرامتي وكرامتك،،،،،الموضوع أنو لسه في حب بينكم❤،،لسة عندكم فرصة ترجعو،،،،قولته ليها لا خلاص،،،سنتين دي كفيلة تغير الجوانا يابتي،،،انسي انسي،،،،قالت لي ما ح اضغط عليك،،بس ياريت وانتي بتفكري في حسام ماتختي هو وكرامتك في تحدي،،وانا قولته ليك الكلام دا زمان،،،،،فجأه سمعنا صوت الزغاريد،،طلعنا برة،،لقيناهم لبسو الدبل❤،،وانا عيوني كانت بتفتش على حسام،،بس ما شفتو،،،،مشينا باركنا لزينة وبكري،،كانو حلوين حلا ولايقين على بعض💜،،شهد ادتني الكاميرا حقتا،،قالت لي مابعرف اظبط صور زيك،،يلا ظبطيهم،،قولته ليها بحساب فاهمه❤😹،،،صورتهم كذااا صورة❤،،،،سوما قالت لينا عقباااااالي يخوانا عقبالي،،،شهد قالت ليها سوما اهدي يابيبي،،كلو ملحوق،،المهم البزنس😎،،،،قولته لشهد بالظبط كده😘،،،،،بعد ضايفنا الناس،،،وتقريبا معظمهم طلعوا،،،،بابا اتصل علي عشان اتحرك قبل الدنيا تليل،،،،،،باركتا لزينة تاني،،،قولته ليها يلا انا ماشة،،سوما وشهد ح تطلعوا؟،،،شهد قالت لي بعدين ما اسي،،ح اسوق سوما معاي الليلة،،قولته ليهم طيب أنا ماشة،،،وبلييز رسلو لي الصور،،،،طلعتا فوق غرفة زينة،،شلتا شنطتي وأنا نازلة اتلاقيت مع حسام في السلم،،،للحظة حسيت أنو العالم وقف وحتى رجولي غلبهم المشي،،،فبس بقيت أعاين ليهو.....💔
#نتلاقى🐾
