قضينا احلى ايام مع زينة وهي محبوسة😂😂❤❤،،،وماكنتا بشوف حسام الا من بعيد لبعيد،،،جهزنا الفساتين الح نلبسها للحنة كانت باللون الكحلي💜،،،سوما قصت كت،،،وشهد استرابلس،،،قولته ليها اصلا ما نافعه❤❤😂😂😂😂وأنا قصيتو طويل ويدينو نص كم،،،،الحنة كانت الاربعاء والعرس الخميس،،شهد قالت لي تعال ارسم ليك يدينك ورجولك،،قولته ليها يابت جنيتي،،المزز ح يطيروا،،،قالت لي بطلي اساسا القلب مافيهو غير حسام❤💃،،،قولته ليها فعلا فعلا😂😂🙌،،،،،بعد عوارة مني ومنها،،رسمت لي يديني بس،،،،وسوما قالت ما عاوزة ترسم عشان تحس بي بورتها😂😂😂❤،،،،،يوم الحنة انا اللبستا زينة ومكيجتها❤،،بس العرس قولته ليها تمشي للاكبر مني واكتر خبرة❤❤،،،،،،،يوم الحنة كنا قرض طبعا💃❤😌،،،،رقصنا رقيييص لما فترنا😂💃،،،،واصلا ما كان في ناس كتار،،،شوية بنات من دفعه الجامعه والثانوي وبنات اهلها لزينة❤الحفلة كانت في البيت،،،،،،بعد الحفلة خلصت كنا لازم نبيت عشان البيت كان جايط،،،شهد قالت لي ارح نلبس من بجامات زينة،،وبالمرة نعمل رايحين،،وربي عندها حلات بجامات❤😂،،،قولته ليها ارح طيب،،،،طلعنا غيرنا الفساتين،،انا غايتو لبستا لي جلباب قصير كده ما لقيت غيرو،،،،شهد لبست ليها بجامه وطلعت لسوما واحده😂،،،،،لما جات طالعه مع العروس،،قالت لزينة صحي دولابك دا نزلي لينا في شنطة محتاجين لملابسك😂❤،،قالت لينا طوالي ياخ😂ماعندكم مشكلة بس يدكم على القروش،،،شهد قالت ليها ااا بت هوي👊😒،،،،،زينة قالت ليها خلاص خلاص بدون مقابل،،،،سوما شالت البجامه وغيرت بيها،،،،،بعدها قولنا لزينة نحنا طالعين ننوم في السطوح،،،قالت لينا لا ما جادات وانا انوم وين؟،،،شهد قالت ليها مع بنات اهلك،،،،قولته ليها أيوة ما ظريفة،،تخليهم وتنومي مع صحباتك،،،،،سوما قالت لينا يلا يلا عشان بالجد نعستا،،،،،شلنا مفارشنا وطلعنا خليناها،،،طلعنا فوق وفرشنا والجو كان بارد وفي هدوء غريب❤،،،شهد قالت لينا الله هواء يرد الروح،،،سوما قالت ليها اي وربي❤،،،يابنات بفكر بكرة امشي حنة العريس😌 ،،،شهد قالت ليها لالالا حالتك بقت متأخرة،،ماشة بمناسبة شنو من بقية اهلك هو😒👊بطلي حركات البايرات دي،،،سوما قالت ليها المشكلة انا مابعمل حركاتهم،،انا واحده منهم😭😭😭،،بقينا نضحك فيها،،،،فجأه زينة جات ووقعت من فوق علينا❤👊،،،شهد قالت ليها يقطع يومك ياسمينة،،،سوما قالت ليها بالجد سمينة ياخ،،،الواحده اول ما تكون عايزة تتزوج تسمن زي البقرة👊😒،،،،،قولته ليهم حرام عليكم،،خلو بقرتنا براحتها،،اقصد زينتنا😁،،،شهد قالت ليها مالك ما نومتي مع بنات اهلك؟،،،قالت ليها حابة أقضي الليلة دي معاكم،،انتو أولى❤،،،سوما قالت ليها طيب تعالي نعمل ليك طقوس هندية،،،كلنا عاينا ليها باستغراب،،،قالت لينا ثواني نازلة وجاية،،،،،قعدنا وبقينا مستنين،،،جاات شايلة ليها صحن فيهو كركم وصفق شجر😁😂😂❤،،،،قالت لينا يلا نمسح جسم عروستنا الجميلة❤،،،،زينة قالت ليها لالا بتهظري وكانت عايزة تجري،،مسكنها انا وشهد❤😂😂،،،جلبطناها جلبطة السنيييين وجلبطنا روحنا❤😂😂،،،وسوما تشيل وتغني ليها اغاني هندية❤😂😂😂😂😂😂،،،،في الاخر سوما وشهد ناموا،،،وانا وزينة بس كنا صاحين،،،زينة قالت لي عطشانة ياخ،،،قولته ليها انزلي اشربي🌚،،،قالت لي لاا انزلي انتي،،،قولته ليها عروس غلباوية خلاص،،،نزلتا تحت ومشيت المطبخ شلتا جك بتاع موية،،وانا طالعه اتلاقيت مع حسام ومعاهو ولد تاني اول مرة اشوفو،،،،حسام لما شافني بالجلباب القصير قرب يكفتني😂،،بس بقى يحمر لي،،،،ضاراني من الولد وقال لي اطلعي فوق سرعه،،،،فعلا طلعتا بخطوات سريعه من المطبخ وانا مبسوطة بموقفو دا،،،،،،بعد زينة شربت الموية حكيت ليها،،قالت لي حليلو حسام ياه😂😂،،لسة بغير عليك،،،قولته ليها شكلو كده🌚،،،،انسينا،،المهم انتي حاسة نفسك كيف وانتي داخلة على حياة جديده؟،،،،قالت لي مبسوطة،،وحاسة انو بكري ح يعوضني بايام حلوة❤،،،،قولته ليها ياخ انتي تستاهلي كل الخير يقلبي😘،،،قالت لي تتذكري ايام كنتا منبرشة فيهو❤😂😂🙈،،،قولته ليها يب😂،،،،واهو ربنا جعلو من نصيبك،،قالت لي الحمد لله❤،،،ننوم بعد كده؟،،،،،قولته ليها اي النوم وجب😘
اليوم التاني قومنا بدري ورتبنا البيت❤،،،كان جايط جووطهه،،،،زي العصر كده طلعنا منهم،،،،سوما قالت لينا ح ابيت لحدي ما يخلص العرس،،،شهد قالت ليها ما جاده،،،،عاوزة تعزلي بدري بدري يابت اللذينة👊👊😂😂،،،سوما قالت ليها على قول تامر حسني ااااايوة اااايوة😂😂❤❤،،،،قولته ليها يازولة احسن ليك،،يلا نتلاقى بكرة بليل،،،،،وعلى كده اتخارجنا،،،،،،شهد قالت لي طبعا زينة الهبلةة قالت ما عاوزة تسافر،،،،قولته ليها خليها😂 يومين بس وح تنق ليهو عشان يسفرها،،،قالت لي عاد دي لو انا،،كان خليتو يوريني عجايب الدنيا السبعه❤😌،،قولته ليها انتي بتعمليها😂😂👊👊👊،،،،أنا رجعتا البيت وكنت نعسانة فعلى طول نومتا،،،صحيت نص الليل على صوت بابا،،،قال لي قومي اتعشي،،،قولته ليهو طيب،،،قومتا غسلتا وشي وقعدتا اتعشى مع بابا،،،قال لي في موضوع عايز رأيك فيهو،،،قولته ليهو اي موضوع؟،،،قال لي بعد عرس زينة ح نقعد ونتكلم،،قولته ليهو طيب❤،،،،بعد خلصنا عشاء،،أنا دخلتا الفيس،،بقيت احوم في القروبات زي عربية البيبسي،،،لقيت بوست حلو مكتوب عليهو«سأبقى ثقب في قلبك وربما عقلك ولن تستطيع تجاوزي❤»طوالي شيرتو،،كان بمثلني💜،،،،،،،صباح الجمعه،،صحيت بدري وصليت الصبح،،دعيت انو ربنا يتم لبكري وزينة على خير💜،،،،قضيت اليوم عادي،،،وبابا طول الوقت كان بتكلم بالتلفون وشكلو مبسوط،،،،لحدي المساء شهد جاتني واتظبطتنا❤،،،بابا كمان كان متشيك💜😂،،،شهد قالت ليهو ح تكون اتلومتا لو ما طلعتا ليك بعروس ياعمو💜😘،قال ليها لالا ماتخافي ح اطلع😂😂،،،ويلا خلونا نتحرك،،،،،،طلعنا على الصالة،،،،لما وصلنا شهد مسكت يد بابا الشمال وانا اليمين ودخلنا،،الناس كلهم بقوا بعاينوا لينا💜قعدنا في أقرب طاولة،،،،جات ماما مروة سلمت علينا ومشت،،،شهد قالت لي تعالي نرقص لحدي ما زينة توصل،،،،قومنا رقصنا،،،،وفي نسوان كده كانو مركزين معانا،،بعد قعدنا،،،بقوا يتكلموا فينا،،،،،تقريبا واحده كانت عاوزة عروس لولدها،،،التانية قالت ليها هيي ولدك يبرى،،دي مطلقة💔،،،كنت عايزة ارد ليها،،شهد مسكتني💔،،،،،بعد زينة جات مع بكري💜 كانو عاملين رقصة،،ونحنا واقفين حلوينهم،،،انا والبنات من جهه العروس،،وحسام وريان وريحان واخو بكري من جهه العريس❤،،،حسام كان طااالع أنيق في الاسود💜،،،حرفيا ما قدرتا اشيل عيوني من عليهو😢❤،،،فجأه جات لمار ومسكتو من يدو،،بقت تضحك معاهو وترقص وهو كان مبسوووط،،وانا زي الهبلة بعاين ليهم💜💔،،شهد جات جرتني قالت لي يلا نغير للجرتق،،،مشينا غيرنا،،وزينة ماشاء الله طلعت احلى بالتوب❤😭،،،،حسام كمان غير بدلتو بجلابية❤،،،وكان محنن يد واحده،،،،،بعد الجرتق خلص،،،ودعنا زينة وهي تبكي زي المعلقين مشنقتها👊😂😂،،،،،،بعد مشت خلاص ودموع الاهل اشتغلت😂😂❤❤❤،،،ماما مروة قالت لي كأنك ما اخدتي خطوة اتجاه حسام،،واشرت لي عليهو هو ولمار،،،،،،💔
#يوتبع
