شهد سلمت علينا وقعدت،،،قالت لزينة مالك يا مزة بتبكي؟،،،انا رديت قولته ليها متشاكلة مع بكري،،،شهد قالت ليها ربنا يهدي سركم يارب💜🙌،،،،زينة قامت وهاجت فيها،،،قالت ليها عاملة فيها ماعارفة يعني،،،ولا بتستهبلي،،حاولتا اسكت زينة بس كانت مصرة،،،شهد قالت ليها يا بت مالك،،،،زينة قالت ليها شهد ممكن تبطلي تمثيل؟،،،،انا عارفة انو بكري كان عاجبك زي ما عاجبني،،بس هو حاليا راجلي أنا،،،،،الخساسة وصلت بيك تلفي من وراي وتلعبي عليهو،،،وانا الخاتاك زي،اختي،،،ليه تعملي كده،،،شهد بقت تعاين ليها بصدمة،،،،زينة قالت ليها وماتحاولي تنكري،،،اخر فترة المكالمات حقتو كلها معاك،،،،وكمان قبل شوية انتي كنتي معاهو صاح ولالا؟،،،اخس عليك وعلى خوتك،،،،قولته ليها زينة خلاص،،،شهد قالت ليها زينة عيد ميلادك متين؟،،،انا وزينة بقينا نعاين لبعض،،،زينة قالت ليها الدخل عيد ميلادي في القصة شنو،،،شهد قالت ليها عيد ميلادك هو كل القصة،،،،بكري اتصل علي فعلا قبل فترة وقال لي انكم متزاعلين وماعارف يراضيك كيف،،،وماعايز يلجأ لايناس لانو الفيها مكفيها،،،وماعندو علاقة مع سوما،،،فلجأ لي،،،وكلمتو انو عيد ميلادك بعد أسبوعين،،وعلى كده بقينا نجهز عشان هو يفاجئك،،،وبكرة عيد ميلادك،،،عشان كده مشيت معاهو اخترنا ليك خاتم💔،،،وحجزنا مطعم كامل عشان يوم بكرة،،،وبكده تنسي الزعل وترجعو،،،ماكنتا ناوية اجيب سيرة حتى لايناس💔،،،،بس يوصل بيك الشك أني ممكن اعاين لي راجلك💔،،،زينة أنتي اختي قبل تكوني صحبتي،،،كيف تفكيرك يكون كده،،،،علاقتنا ليها10سنوات جاية نقارنيها بعلاقتك مع بكري،،،،احيانا عيونا بتخدعنا،،،بس الظاهر إنك كنت مصدقة بالجد اني وسخه للدرجه دي،،،على العموم كل سنة وانتي طيبة،،،بس من اللحظة اعتبري البينا انتهى💔💔وياريت ماتكلمي بكري انك بتشكي فيهو عشان ماتخربي بيتك💔،،،،،،وطوالي طلعت،،،زينة قالت لي مشمش احلقيها النبي😭💔💔💔،،،طلعتا وراها،،،لقيتا عايزة تدور العربية،،،وقفتا قداما،،،نزلت وقالت لي زحي من قدامي،،،،مابعيد حتى انك تكوني واقفة معاها،،،قولته ليها انا يا شهد💔،،،قالت لي انا ما عفنة عشان اخرب حياه واحده منكم💔انتو اخواتي،،،قولته ليها شهد انا مصدقاك وفاهماك،،بس زينة لما شافت المكالمات وشافتكم اليوم،،افكارا جاطت،،،قالت لي بالله،،مش المفروض تكون عندها ثقة شوية،،لو مافيني على الأقل في بكري،،،،ايناس خليني امشي،،،وعلى كده مشت💔💔،،،رجعتا لقيت زينة منهارة من البكى💔،،قالت لي وااي يا إيناس انا كيف قدرتا افكر في شهد كده💔😭😭😭،،،،قولته ليها شيطان ودخل بينكم،،بكرة تصالحيها،،اصلا شهدون قلبها ابيض❤،،،قالت لي لا مستحيل تسامحني💔💔😭انا ما قادرة اسامح نفسي والله💔💔😭،،،،،اتكلمتا معاها كتيير ولما سوما عرفت بالموضوع اتشاكلت مع زينة وسمعتا فارغ💔،،،،،غايتو اليوم داك خفتا بالجد على علاقة شهد و زينة ماترجع💔💔،،،،،تاني يوم كان عيد ميلاد زينة،،،اتصلتا عايدتها،،،،بس ما قدرتا امشي احتفل معاها،،اخترتا امشي لشهد هي محتاجه زول جنبها💔💔،،،،مشيت ليها فتحت لي الباب شعرها منكوش وشايلة علبة السجاير في يدها وعيونها واقعه💔،،،قولته ليها الله،،،مالك يا بت عاملة في نفسك كده،،،معاك زول؟،،،قالت لي قاعده براي،،،دخلتا معاها غرفتها وكانت مبهدلة،،،قولته ليها بشتنة شديييده،،،،نضفت ليها غرفتا وطلعتا ليها غيار،،قولته ليها استحمي ح اعمل ليك حاجه تاكليها،،ماردت علي،،،مشيت المطبخ عملتا ليها شوربة خضار وعصير ليمون،،،،جيت لقيتا طلعت من الحمام،،وقفتها قدام المراية وسرحتا ليها شعرها،،،،قالت لي بتعملي كده ليه؟،،،قولته ليها عشان اختي زعلانة ومضايقة،،،،قالت لي مشمشة انا كل ما افكر في كلام زينة بقول معاها حق،،أي واحده في مكانها ممكن تعمل كده💔،،بس معقولة هي للدرجه دي مابتعرفني؟💔،،،،قولته ليها شهد انسي الموضوع،،وبعدين ماف زول مابيغلط،،،والمفروض كنتي تدخليني في الصورة،،،،قالت لي خلاص اهو الحصل💔،،،،قعدتا معاها لحدي المساء وحاولتا اغير مزاجها بس ابدا ما كانت شهد اللي بعرفها💔💔،،،،لما جيت طالعه قدمتني لحدي برة،،،،قولته ليها خلي بالك من نفسك وحاولي انسي طيب،،،قالت لي بشوف،،،،،بعد رجعتا البيت،،،سوما اتصلت علي،،قالت لي أنا وزينة عند شهد💔،،،قولته ليها اتصالحوا،،،قالت لي لا،،،زينة بتحاول معاها بس شهد رأسها قوي،،،،قولته ليها الا ما يتصالحوا ماتشغلي بالك،،قالت لي ان شاء الله💜
وفي يوم كنت قاعده بشرب في قهوة،،بابا جاا من الشغل،،،قولته ليهو يمين مشتاقين،،،قال لي هههه كتيير،،قاعدين في نفس البيت بس مابنقعد كتيير،،،،قولته ليهو هااا اخبارك شنو،،،و ماناوي تعرفني على العروس،،،قال لي انتي بتعرفيها كويس جدا❤،،،،انا خلاص قررتا اعقد يوم الجمعه،،،قولته ليهو بابا بعد بكرة قصدك😨،،،اجلو شوية،،،قال لي ليه😂😂،،،ماف سببب للتأجيل،،،،المهم انها وافقت❤،،،،،قولته ليهو منووو هي؟،،،سكت شوية وبعدها قال لي مروة،،،مروة ام حسام،،،،لما قال كده بقيت اعاين ليهو بعدم تصديق،،،،قال لي شنو ما موافقة؟،،،،قولته ليهو لا طبعا موافقة❤❤،،كنت متحمسة كده ومبسوطة😂❤❤ بس هي ولا مرة ما لمحت لي على الموضوع،،،،قال لي أنا طلبتا منها كده،،،وبما انو هي وافقت وانتي مبسوطة كده معناها هي الاختيار الصح❤،،،،قولته ليهو فعلا ياخ ماما مروة ماف زيها،،،ربنا يسعدكم❤❤،،،بعد بابا طلع غرفتو،،اتصلتا على شهد كلمتها،،،قالت لي وووبعععليا يلا الف الف مبروووك😂❤❤❤،،،،قولته ليها الله يبارك فيك،،،المهم تجي عشان نظبط البيت،،قالت لي قدام،،،لما كلمتا سوما قالت لي وااي يا مرارتي العجايز بتزوجو😭💔 وانا لا😭😭،،،قولته ليها عجايز في عينك،،،انقعلي تعالي،،،قالت لي حاضر،،،،،وكلمتا زينة برضو،،،،في اقل من ساعه جوني❤😂،،،وشهد بتحاول بقدر الامكان ماتتكلم مع زينة💔،،،،زينة قالت ليها شهد قلبك اسود ياخ معقولة لسة زعلانة مني💔،،،شهد قالت ليها في الوقت البقدر انسى فيهو نظراتك وكلامك،،،انا اكيد ح اسامحك،،بس حاليا اعتبريني زي زي اي واحده عرفتيها وطلعت خسيسة على قولك💔،،،،،،
الظلمتو شهد اعملوا احزنني💔😂🙌
#باقي_اخر_حلقتين🌚
