طلعتا وبقيت أبكي زي الشافعه💔،،،شوية وجوني البنات،،،أول ما عاينتا ليهم مسحتا دموعي،،زينة قالت لي بتمسحي دموعك مننا😒،،،سوما قالت لي تعالي جرتني من يدي وحضنتني،،،وشهد وزينة اترموا من فوقنا👊،،قولته ليهم سمينات ديل،،زحو مني،،شهد قالت لي على فكرة كلامنا التحت كان جس نبض بس ما أكتر،،طلعتي لكة ومابتستحملي،،،قولته ليها أنا ح اكون مبسوطة لو حسام كمل حياتو براهو،،،بس مايكملها مع واحده غيري،،،زينة قالت لي أنانية منك يا صحبتي👋،مهما كان إذا ود خالتي عاوز يكمل حياتو،،يكملها،،،حياتو ما واقفة عليك يعني😌،،،قولته ليها زينة على فكرة انا صحبتك لو ناسية يعني،،،وهو الكان غلطان في حقي💔😭،،،شهد قالت لي خلاص خلاص الحصل حصل يا زولة،،،،لمار دي اوريك فهمها شنو،،عاوزة تحنك مع حسام وتلحق باقي عمرها دا،،،وبعدين انتي مالك بيهم،،،حسام دا لسة مسيطر على ام افكارك صاح،،،قولته ليها لا،،بس هو ليه يقرر يرتبط،،،،قالت لي من حقو،،،إيناس بينا وبينك كده أنتي لسه بتحبي حسام صاح؟،،سكتا مسافة،،،زينة بقت تغني بحبك يا حبيبي اكمني بهواك وبحس انك مني سامعني طرب روحي بغني،،أنا بحكي لكل الدنيا عليك💜،،وسوما شغالة تحرك في عيونا،،،شهد قالت لي جاوبي،،،،قولته ليها ماعارفة،،بس العارفاهو انكم لازم تبطلوا تجيبوا في سيرتو كل شوية،،،عليكم الله أنا ما صدقتا اني اتأقلمتا على حياتي بدونو،،،،وحأحاول قدر الإمكان ما اخلي يشوفني طول فترة عرسها لزينة،،،سوما قالت لي مشمشتنا القوية ياخ❤✊،،،شهد كانت بتعاين لي احساس ما مصدقاك💔،،،نزلنا تحت وشربنا القهوه،،،،سوما قالت لينا رايكم شنو نقص لون لحمي للعرس،،،،شهد قالت ليها بايخ،،،نعمل اسود حدادا على بورتك😹😹😹،،،،،،سوما قالت ليها ع اساس إنك متزووووجه وحاضنة شافعين قدامك،،،قالت ليها هييي يابت أنا مابتاعت الامور دي،،عرس شنوو كمان،،دقيقة ياخ بسم الله👋😌،،،،،بقينا نضحك أنا وزينة عليهم،،،قولته ليهم ابردوا العرس لسه فاضل عليهو شهرين وشوية،،،،شهد قالت لي لا الزمن ح يضايقنا،،عشان كده خلاص ح نقص باللون الاسود وفي الجرتق نلبس كبدي كيف وكيف؟،،،قولته ليها يعع،،ماحلو،،في الجرتق نلبس كوبي بكون رهيب💜،،،فجأه تلفوني ضرب،،،رديت الو،،جاني صوت بت كده قالت لي إيناس؟،،،قولته ليها أيوة،،،قالت لي كيفك تمام،،قولته ليها تمام الحمد لله،،،قالت لي معليش على الازعاج بس انا سلمى عقدي بكرة ووصحبتي ادتني رقمك وبصراحه شغلك عجبني،،بس أنا ساكنة في امدرمان ومابقدر اجيك لحدي المنشية،،،صعبة علي،،،ممكن انتي تجيني،،وأنا والله ظروفي صعبة،،،امي متوفية وخالاتي قالو مابقدروا يودوني كوافير،،الميزانية كعبة💔،،عليك الله حلفتك بامك الغالية تصليني،،،نفسي بالجد تمكيجيني،،،وبديك قدر البقدر علي،،،قولته ليها اولا ربنا يرحم والدتك حتى انا امي متوفية💔وبالنسبة للقروش والله أنا ما عايزة منك ولا فلس،،،،بس رسلي لي عنوانك في رسالة وانا من النجمه بكون عندك،،،قالت لي تسلمي ياخ ان شاء الله،،وصوتها كان متغير💔،،،قولته ليها انبسطي يلا ح تبقي احلى عروس💜😘،،،،قفلتا منها وسرحتا شوية،،،شهد قالت لي سجمك دي منو الماشة ليها دي،،،حكيت ليهم القصةة💔،،شهد قالت لي ربنا يكتر من أمثالك💜،،،قولته ليها وامثالك برضو لانك ح تمشي معاي😹😹،،،،قالت لي منو دي،،لالالا أم درمان بعيده علي،،،وانتي عارفة أمي ح تقول شنو،،،إيناس اختيني،،،قولته ليها أنا ما بشاورك ح تمشي غصب،،،،زينة قالت لشهد امشي امشي،،،البت شكلها مسكينة،،،،،سوما قالت ليها اي وربي اتاثرتا بيها،اريت لو بعرف ارسم،،،،شهد قالت لينا خلاص خلاص،،،بس ربنا يستر أنا قلبي ما مطمن،،،،قولته ليها اطمني ساي يابت😹👊،،،،،،اتونسنا لحدي ما بابا جااا،،سلم عليهم،،وبارك لزينة،،،،زينة قالت ليهو لو ما جيت العرس ما ح اعملوا،،،بابا بقى يضحك قال ليها لالا أول الحاضرين💜،،،،طلعتا معاهم لحدي برة،،،،شهد قالت لي طيب الح يجي لاخو منو؟،،،قولته ليها أنا بجي اسوقكك،،،قالت لي ظابط يلا باي،،،،سوما قالت لي يلا يا نوسة نتلاقى،،،قولته ليهم طيب حبيباتي😘،زينة خلي بالك من الدبلة حلفتك💜😹😹😹،،،قالت لي برميها اسي واريحكم😹✊،،،،،بعد مشوا أنا دخلتا،،،،لقيت بابا بعمل في الغداء،،،،،يعني حسام نسخه من بابا في الطبع💜ودي الحاجه الخلتني اتكسر فيهو❤،،،،،قولته ليهو اساعدك في حاجه؟،،،قال لي طلعي العصير من الفريزر بس،،،،قولته ليهو طيب،،،بعد طلعتو،،،رصينا الاكل مع بعض،،،،،حكيت لبابا بقصة البت💔،،في الأول رفض،،عملتا ليهو قهوة ظابطة وبقيت احنس فيهو،،،قال لي طيب موافق،،،بس تجي بدري وح اضرب ليك كل ساعه ولازم تردي فاهمهه ولالا؟😒،،قولته ليهو فاااهمه ياخ والله❤😘،،،،،،،تاني يوم كان الجمعه،،،صحيت بدري،بعد صليت،،جهزتا لبابا جلابية الصلاة،،،صحى صلاة الصبح،،لقاني جاهزة،،كنت لابسة اسكرتي اسود وتي شيرت كحلي وطرحه بيضاء وشبط ابيض مع اكسسوار بسيط وماعاملة شي في وشي غير روج،،شعري كان مثبت بمشبك صغير❤،،،بابا قال لي بدري كده،،قولته ليهو يب يب،،،قال لي خلي بالك من نفسك طيب،،وتلفونك خلي عام،،قولته ليهو حاضر،،شلتا الميك آب في شنطة كده،،وفستان اسود مع اكسسوار فضي💜 قولته لنفسي اهديهم للعروس💜واتصلتا على شهد،،،أول ماردت قالت لي صباح الرطوبة نتعرف ولا مخطوبة،،،قولته ليها مطلقة يا بيبي😘يلا فزي قومي،،قالت لي لما تصلي بتلقيني في الشارع،،،قولته ليها ظابط،،،،دورتا عربيتي،،وفتحتا رسايلsms,,لقيت عنوان البيت،،كان في امبده،،،على حسب أني بمشي مرات مرات لصحباتي الهناك،،،،،شهد ساكنة في قاردن سيتي،،يعني تكلة،،،،،،،وصلتا عندها،،،،فضلتا اضرب بوري ما طلعت،،،نزلت،،،وضربتا الجرس،،،فتحت لي الحبشية،،مشيت غرفة شهد،،لقيتا يادوب صاحية،،،قولته ليها ااا كذابة ااا حيوانة،،بقت تضحك،،،قالت لي أديني 5دقايق بس اسي بجهز،،،،فعلا استنيتا لحدي ما خشت ليها في بنطلون،،،وشالت معاها مكووة السيراميك،،،والبيغن،،،قالت لي يلا،،،قولته ليها كلمتي امك؟،،،قالت لي اي،،نايمة ياحليلا،،ارح طلعينا،،،قولته ليها طيب،،،،،،اتحركنا،،وشهد الطريق كلو بتقول لي البيت وين،،،،عذبتني عذاب،،،،وصلنا امدرمان،،وقفنا في مطعم كده،،،نزلنا وطلبنا أكل،،،،شهد قضت على الأخضر واليابس😹،،أنا بس شربتا عصير،،،،بعدها اتحركنا،،بابا اتصل علي في الشارع،،قال لي هااا وصلتي؟،،،قولته ليهو قربتا شوية كده وح أصل،،قال لي تمام،،،،،واصلنا وشهد شاماني شديد طبعا🌚😹😹😹،،،،،لحدي ما وقفتا جنب دكان كده،،وسالتو من بيت حاج الطاهر،،وصفو لي،،تقريبا بعد شارعين،،،شهد قالت لي اول واخر مرة نجي لبت لحدي عندها،،،قولته ليها طيب طيب انزلي،،،،نزلنا وكان في اولاد برة،،،وجوطه شديده ،،،دخلنا البيت،،وقفتنا مرة كبيرة قالت لينا البنيات السميحات جايات لمنو؟،،،قولته ليها لسلمى العروس،،مش دا بيتهم،،قالت لي أيوة،،بس هي في بيت الجيران،،بدورن بيها شنو؟،،صحباتا انتن،،،شهد قالت ليها لا جاين نجهزها للعقد يا خالة،،ممكن توصفي لينا البيت،،،نادت لينا بت كده،،،قالت ليها وصليهن لسلمى،،،،البت بقت تعاين لينا من فوق لتحت،،،،قالت لينا تعالن وراي،،،مشينا وراها،،،وطلع البيت التاني فيهو العروس،،،دخلتنا غرفة كده،،قالت لينا اسي سلمى بتجي،،قولته ليها اوكي،،،،بعد مشت،،شهد قالت لي البيت مليان ناس ح نحننها كيف وكمان ح نقعد هنا لحدي المغرب،،قولته ليها العشاء😌،،،قالت لي بتبالغي،،طيب كان نجي بعد الصلاة،،قولته ليها هشش،،،،البت جات ومعاها سلمى،،،سلمت علينا سلام حلو💜وما شاء الله كانت حلاتا تهبل❤😘،،،،قالت لي ما عارفة اشكرك كيف والله،،قولته ليها يقلبي اشكريني بعدين بطريقتك ما اسي😘 ،،،بقت تضحك،،،،شهد قالت ليها ياعروس شعرك فيهو زيت او كده،،قالت ليها اي،،،شهد صرت وشها وقالت ليها امشي غسليهو طيب لانو لازم يكون نضيف تمام،،،شكلو طويل ماشاء الله ح اتفنن ليك في التسريحة،،،،قولته ليها ما تنداحي👋😒،،،،،سلمى قالت ليها سمح بغسلو وبجي،،،،بعد طلعت جاتنا بت ادتنا موية،،،،،،،قعدنا مسافة بعدها سلمى جات،،،،شعرها كان لين،،،شهد قالت ليها طيب ارسم ليك أول مش شلتي جسمك؟،،قالت ليها اي،،،شهد قالت ليها ظااابط طيب ح ارسم ليك يدينك الاتنين واعمل ليك حجل❤،،،،،أنا وقتها شلتا تلفوني ودخلتا الفيس،،،أول بوست لاقاني في وشي حق حسام💔،،،كاتب عليهو«سأبقى أمتلك ذلك الجزء الصغير من قلبك دائما❤»،،،،قولته في نفسي اكيد كاتبو للمار،،،طوالي كتبتها بوست،،«انا أنثى تتجول داخلك،،لن تستطيع التخلص من ذكرياتي معك💔»،،،،،ماعارفة كيف الكلام دا طلع مني،،،،بس بقيت سرحانة ومودي كلو أتغير💔،،،،،،قريب للاذان شهد خلصت من الرسم وبدت في الشعر،،،،قولته لسلمى جبتا ليك فستان عشان تطلعي بيهو بعدين،،مش عاملين حفلة؟،،قالت لي اي،،بت جيرانا ح تغني،،،،قولته ليها تمام،،،،بعد الصلاة كده سمعنا العقد❤،،،لحظة حلوة حلاااا،،،طوالي اتذكرتا حسام في اللحظه دي❤،،،،سلمى بقت تبكي بقينا نهدي فيها وكذا،،،وانا منعتا الناس يجو يباركو ليها،،قفلتا الباب من جوه😹،،شهد قالت لي السخانة يا ديش انتي،،قولته ليها البنات البرة ديل ح يشيلوا نورة المزة دي،،،كلو يهون عشانها❤،،،،،،
قريب المغرب لبستها الفستان والاكسسوار كانت فظيييعه ماشاء الله بدون المكياج❤شهد قالت لي اخلي ليها الشعر استريت بس صاح،،قولته ليها اي ظابط،،،،بعد المغرب كده ح ابدا امكيجها،،،قالت لي وربي أنتي ملاك😭❤عمري ما اتوقعتا البس فستان زي دا،،،قولته ليها ربنا مابنسى زول،،،وبعدين حتى العرس انا ح اهتم بكل تفاصيلك مفهوم،،،قالت لي انتي جاده😭❤❤ قولته ليها اي وربي😘،،،،،شهد قالت لي طالعه ادخن وجاية،،قولته ليها شهد ماقولنا اقلعنا،،قالت لي نو اقلاع،،طيارة أنا🌚،،،شالت شنطتا وطلعت،،،،،سلمى بقت تشكر فيني وأنا اتحرجتا عديل،،،،،،،بعد شهد جات راجعه،،قالت لي الحفلة شكلها ح تبدا،،جهزي المزة دي،،،قولته ليها عيوني❤،،،،ابتديت ليها مكياج وحرصتا بالجد انو ما يكون اوفر،،،،،وطلعت رهيييبة ياه ونااايرة❤❤،،،صورتها بتلفوني كم صورة،،،،،شوية وخالاتا جو،،،قالو لينا العريس جاي يسوق عروستو الحفلة بدت،،،قولته ليها خلي يجي يسوقا،،،،النسوان بقوا يزغردتو❤،،،،بس اتصدمتا لما شفتا العريس💔كان كبير كده وقصير وعندو كرش💔،،،،ما جاي معاها ولا باي شكل من الاشكال،،،،،شهد همست لي دا شنو يمشمش،،،قولته ليها هسسس خليك ساكتة،،،،،،طبعا العريس بقى يعاين ليها قرب ياكلها،،ساقوها وطلعوا،،ونحنا كنا وراهم،،،،،،عاملين صيوان كده صغير،،والقونة بتغني،،،،شهد قالت لي لا ثواني ارح رجعيني،،مستحيل نحضر حفلتهم دي،،،قولته ليها تقعد نبارك ليها بس ونتخارج،،،قالت لي ماشي،،،،فعلا خلينا لحدي ما الامور هدات،،ومشينا باركنا ليها،،،قالت لي ما ح انسى ليك وقفتك دي❤،،ربنا يديك الفي نيتك ويحبب فيك خلقو❤،،دعواتها دي كانت بالنسبة لي أقيم من القروش بألف مرة❤،،،،،شهد قالت لي يلا يا ماما قدامي،،،،أنا كنتا حاسة بدوخه وبطني طامة شديد،،اتذكرتا اني من الصباح ما اكلتا،،،بقيت ماشة بسرعة فجأه عيوني ضلمت وجيت واقعهه،،،شهد صرخت مشمشه😨💔
#بكرة✊
