لما قولته كده،،،ماما مروة قالت لي بتأنيب إيناس،،،قولته ليها لا خلي يجاوبني،،قال لي أنتي عارفة مشكلتك شنو ؟،،إنك بتحللي على كيفك،،لما طلبتا منك استفسار بخصوص الشفتو،،اتهمتيني بعدم الثقة،،،وحتى ما كان عندك نفس تتكلمي او تفهميني الحاصل،،،بس بقى همك كلو أنو كرامتك اتجرحت،،،ينعل ابو الكرامة الماخلتك تبرري لي موقفك،،،قولته ليهو وانت ما كان المفروض تديني الثقة،،الثقة البتخليني احكي ليك كل حاجه قبل تسألني،،،بس لا أنت كنت زهجان وعصبي وكل كلمة قولتها جرحتني بيها وحسستني أني خاينة💔،،،،حسام قال لي عاوزة شنو حاليا؟،،،،مش انتهينا من المواضيع دي،،،وابشرك يلا زاتي ماعاوز اسمع تبريرات بعد كده،،،عشان لو بالجد كنتا بهمك كان بررتي ما عملتي فيها دور كرامة وعدم ثقة💔،،،كان بجوط جوطهه،،وأنا دموعي جارية،،،واصواتنا كانت عالية،،ماما مروة قالت لينا خلاص جنيتوا،،،يادوب وعيتو على نفسكم بعد سنتين طلاق💔،،يادوب عايزين تفهموا الحاصل؟،،،حسام قال ليها انا ما عايز افهم ولا بهمني حتى،،،وطلع من الغرفة،،،،،،بقيت أبكي واتنهد،،،ماما مروة قامت وحضنتني،،،قالت لي خلاص روقي،،،ضميتا شديد وبقيت أبكي،،،وهي بس ساكتة،،،،بعد هديت،،غسلتا وشي،،وجيت قعدتا جنب ماما مروة،،،قالت لي وشك دا ح تخربي بكترة البكى،،انتي عايزة حسام ولالا،،نفسك تفهميهوا وتفهمينا الحاصل،،ولا عايزة تعملي شنو بالظبط،،،قولته ليها مانفسي،،،هو لو بحبني كان استوعب الحاصل بدون جوطهه،،قالت لي خلاص ياحليلك،،اصلا ناوي يتزوج،،يعني ضاع عليك،،قولته ليها ماما مروة انتي واقفة معاي ولا معاهو😭😭،،قالت لي واقفة في النص،،،شفع آخر زمن😒،،،اتعولقتي براك وخربتي بيتك،،،،قولته ليها اعمل شنو أنا ياخ،،مشتاقة ليهو😭❤❤ بس ماعاوزة نرجع،،كل ما اتذكر الحصل بحس انو حسام كان بشك فيني💔،،،،قالت لي دا وهم منك ساي،،،،ولو بالجد نفسك ترجعي ليهو اتحركي قبل تجي واحده غيرك وتلفحو،،،وما معروف احتمال البت الح تجي دي تعجبني😪،،،قولته ليها بالله،،،لا طبعا ما ح تعجبك،،وشها منفوخ وعيونا صغيرة وقصيرة شديد وجسمها مليان،،ابدا ما حلوة،،،حتى حسام ماعندو ذوق،،لو كان خلاني اختار ليهو،،كان جبتا واحده بنفس درجه جمالي،،بس لمار دي ما حللللللوة،،بقت تضحك قالت لي حلوة انتي حبيبة امك يا غيورة❤❤😂،،،،فضلتا اتونس معاها،،،وجات زينة سلمت علي❤،،،قولته ليها جهزي لينا قروش الفساتين بلاي،،،قالت لي شوف دي😂👊ماعندي ليكم الحبة😌،،،قولته ليها كويس يارمة،،،،،ماما مروة قامت فتحت دولابا وطلعت لي منو كيس بتاع هدايا،،،قالت لي جبتا ليك ديل❤،،،قولته ليها الله ياخ❤ ما ح افتح الكيس اسي خلي في البيت اضمن🌚،،زينة قالت لي برضو ح اجي اشوفوو😒،،،،
زي العصر كده جاا غبار والجو اتغير بقى كعب شديد،،،أنا بقيت اكح،،زينة قالت لي الغبار ضايقنا نحنا مابالك بناس الازمة،،،قولته ليها اي والله ربنا يعينهم،،فجأه قولته ليها حسام وين،،،هو عندو الازمة بس مايكون طلع من البيت،،قالت لي ماعارفة والله،،،ثواني اشوفو برة،،وانتي شوفيهو في غرفة ناس ريان،،،قولته ليها طيب،،،مشيت الغرفة،،لقيتو راقد في الكرسي بس ماقادر يشيل نفسو💔،،،،قعدتا جنبو وقولته ليهو حسام😨،،،،بخاخك وين؟،،،،طبعا ما كان قادر يجاوبني حتى،،بس اشر لي على المفتاح بتاع العربية،،،شلتو بسرعه وطلعتا برة،،،،لقيت زينة في وشي ومعاها لمار💔،،،،،زينة قالت لي مافيش برة،،،قولته ليها لا خلاص لقيتو،،،مشيت على عربية حسام،،فتحتها ولقيت البخاخ في الكرسي،،،شلتو وبقيت ماشة بخطوات سريعه،،،أول ما وصلتا الغرفة لقيت لمار قاعده جنبو وماسكه يدو💔،،،وزينة واقفة بعيد منهم،،،،قربتا منهم،،ومسكتا حسام البخاخ في يدو،،،،لمار قالت لي شكرا،،كان ح يتعب اكتر،،،،ختيت المفاتيح وطلعتا💔💔،،،كنت طالعه من البيت بالمرة بس ماما مروة جات ومسكتني،،قالت لي ماشة وين يا بت،،،قولته ليها راجعه البيت،،عاوزة اجهز لبابا الغداء،،،،قالت لي اولا انتي يادوبك بتعرفي تعملي شيبس وفطاير،،،وانا عارفة انو ابوك طباخ بعرف يظبط امورو،،،،ثانيا دموعك وغيرتك فاضحنك،،،عاينتا ليها وانا وشي على وشك يقع مني،،،قالت لي تعالي نتغدا وندردش بعدها ارجعي طيب؟،،،،قولته ليها طيب،،،،لمار جات طالعه من الغرفة،،،وسلمت على ماما مروة،،،،قالت ليها حمد لله على السلامة،،ماما قالت ليها تسلمي😊،،كيف ناس بيتكم طيبين؟،،،لمار قالت ليها بخيير،،بس هم ما معاي في قطر،،،،ماما مروة قالت ليها اها،،وانتي قاعده هنا مع منو؟،،عندك اهل هنا؟،،،قالت ليها لالا قاعده مع صحبتي،،،،المهم ماما مروة ماحبت تديها وش ما حلو،،لانو طبعها كده❤،،،،،بعدها خالتو أمل جهزت الغداء،،كلهم قعدوا في السفرة إلا أنا،،قولته ليهم ما عاوزة،،،،حسام اداني نظرة😪انتهت من ابو أهلي❤،،،،ماما مروة قالت لي لو ما اكلتي ما ح اكل،،،قولته ليها بس انا شبعانة،،قالت لي كلامي واضح،،وح ارجع لحركات زمان،أأكلك في خشمك،،،قولته ليها في داعي للفضايح قدام الناس💔😂،،قالت لي تعالي يلا،،،مشيت قعدتا جنبها،،،،وبقيت أكل،،،ومرة مرة هي بتأكلني❤،،،،لمار قالت لماما شكلك بتعزيها شديد هههه،،،ماما قالت ليها ماهي بتي❤،،،قولته ليها ربنا يخليك لي يحرمني منك أبدا،،،قالت لي ولا منك حبيبتي🙌❤❤،،،،،لمار بقت تكح وتكح،،،،حسام اداها كباية موية،،قال ليها بالشفاء،،،،طبعا اتغظتا منو غيظه،،،بحاول يعمل ليها نفس الحاجات الكان بعملا لي👊👊،،،،،بعد اتغدينا،،،قعدنا نتكلم عن موضوع عرس زينة والبرامج الح نعملها،،،،قولته لزينة والله حبسة العرس سمحه سماحه،،نصيحه لو عاوزة اطلعي حلوة خلي ماما مروة تحبسك😘،،،زينة قالت لي ودي عايزة كلام،،أنا منزلاها من السعودية عشان كده😂😂😂😂❤،،،،طول الونسة كنا مهمشين لمار،،،رغم انها بتحاول تتونس مع ماما مروة،،بس هي بترد حسب السؤال،،،،،لحدي ما زهجت وقالت لحسام ارح وصلني،،،،ماما مروة قالت ليها معليش يا بتي،،بس أنا طالعه مشوار كمان 10دقايق،،،خلي يطلب ليك ترحال،،،حسام قال ليها مشوار شنو يا أمي،،،،قالت ليهو عندي صحبتي ماشة اسلم عليها،،،،،لمار قالت ليهو ماف مشكلة ياحسوم،،،اطلب لي ترحال وبس،،قال ليها طيب،،،،طبعا انا كنت قاعده في رجول ماما مروة❤❤😂،،،،،،ولمار بتعاين لينا ساي،،،احساس أنا كيف متفقة مع ام طليقي!،،،،،حسام جاا راجع،،قال ليها يلا بتاع الترحال قريب،،،،،قامت باست زينة وقالت ليها ح اجيك تاني يا عروس،،،زينة قالت ليها لالا ما تتعبي نفسك🙂،،،طبعا انا قربتا اضحك في وشها،،،،بعدها ودعت خالتو وماما،،وأنا كأني سراب ولا عاينت لي حتى،،،،،بعد طلعت قولته لزينة بالغتي يا صحبتي👊👊👊😂😂😂،،،،قالت لي هي دي عاوزة تصاحبني مصلحه😒👊،،،،بعد حسام جاا راجع،،قعد في الصالة التانية ومسك تلفونو لانو عارف امو ما عندها اي مشوار ،،،،كان لابس ليهو شورت اسود وفنيلة رمادية،،،ماعارفاهو بتكلم مع منو،،بس كان بين الثانية والتانية بيضحك😪💔،،،،وانا بعاين ليهو،،اتذكرتا لما يلقاني شايلة التلفون ومشغولة عنو،،،بشيل مني التلفون وبرقد في رجولي لحدي ما انتبه لوجودو❤،،،ولما اغيظو في حاجه واقعد اكاوي بيها،،بشيلني بالمقلوب💔👊😂😂،،يعني راسي بكون لتحت😂😂💔،،،،ولما اكون بغني بشيل الكمشة ويختها قدامي ويقول لي فنانة العرب الحمارية❤😂😂😂،،ولما أحضر فيلم حزين واكون ببكي زي الهبلة برقدني على كتفو،،ويخت يدو على خدي،،ويقول لي ابكي براحتك يلا👊👊❤😂،،،،،أنا حرفيا اشتقتا ليهو ولريحتو ونفسو،،،اشتقتا لما اكون صاحية من النوم،،وهو يجي طالع من الحمام ويحضني،،،اشتقتا ليهو لما اكون عاملة فيها جاده وبذاكر وهو يجي يبوسني،،ويقول لي اساسا معدلك ح يجي زي ما عايزة❤،،،اشتقتا لما اكون طالعه مشوار مع صحباتي،،بوصلني لحدي عندهم ويستناني في،العربية،،،،كل حاجه وكل تصرف كان بطلع من حسام أنا بفاجئني❤،،،انا ضيعتو من يدي وخلاص💔،،،،،،قومتا من رجول ماما مروة،،قالت لي على وين؟،،قولته ليها المطبخ،،،،،،فعلا مشيت المطبخ وكان في شوكلاتة❤❤😭،،،النوع اللي بتجي ساااخنة دي،،،،مشيت عليها وبقيت اكل منها،،،تقريبا مليت وشي ويديني بيها❤😂😂،،،،حسام جاا شكلو عايز يشيل قهوة،،،عاين لي وبقى يضحك،،،قولته ليهو خير يا طير،،المضحك شنو؟،،،،قال لي الشوكلاتة المجمله بيها وشك دي،،،بقيت اهبش وشي لخبطتو زياده،،،قال لي ثواني خليك مكانك،،،،طلع برة جاب مناديل وجاا،،،بقى يقرب مني لحدي ما وصلتا الحيطه،،،حبسني بيدينو وبقى يعاين لي،،،بعدها مسح لي وشي بالمنديل،،لحدي ما وصل شفايفي،،وقف مسافة وهو ماسك المنديل،،،مسح لي شفايفي ورمى المنديل،،،قرب مني لدرجه ما كان في بينا مسافة،،،قولته ليهو ح ح حسام،،،،،قال لي متوترة ليه؟،،،مش أنا طبيعي بعمل كده،،قولته ليهو في فرق حاليا،،،حسام نحنا م متزوجين💔،،ختيت يدي على عيونو،،،وقولته ليهو حسام نحنا انتهينا،،،،البينا بقى زي الضلام اللي حاليا انت فيهو،،،،،زحيت منو وطلعتا برة،،،حسيت نفسي مخنوقة،،،كنت مشتاقة ليهو ونفسي احضنو،،وكان قدامي بس ما قدرتا💔،،،،،،بعد صليت المغرب،،شهد اتصلت علي،،قالت لي أنا طلعتا من البيت،ماشة على مطعم()،،قولته ليها طيب جايه عليك،،،،قالت لي سرررعه،،،،،،،،شلتا كيس الهدايا وودعتا ناس البيت،،ماما مروة قدمتني لحدي العربية،،قالت لي سوقي على أقل من مهلك،،،قولته ليها حاضر،،،يلا بظهر عليكم في الايام الجاية،،قالت لي طيب حبيبتي💜،،،،دورتا عربيتي واتحركتا،،،،،طول الطريق بفكر في منظري أنا وحسام💔،،،،وصلتا المطعم،،،واتصلتا على شهدون،،،،وصفت لي طاولتها،،مشيت عليها،،قالت لي الشوق يبت الكلب،،،قولته ليها شوقق خرافي💜😂،،،قعدنا وطلبت لينا العشاء،،،قالت لي لقيتي خالتو مروة كيف؟،،قولته ليها كويسةة،فرقت لي كتيييير❤ قالت لي ياحليلك،،،،بس انتي عارفة وجع فقدان الأم لا يطاق💔،،صح أنا فقدتا ابوي كمان،،بس حاسة أنو وجود أمي نعمه❤،،قولته ليها ربي يطول عمرها،،،،قالت لي امين يارب ويحفظ ليك ابوك،،،صحي أنتي ليه ما متواصلة مع اهل امك؟،،،،قولته ليها بابا هو اهلي💜،،،هم قطعوا تواصل معاي من كذا شهر،،فماحاولتا اتصل عليهم،،،انسينا،،،،،بقينا نتعشى ونتونس،،،وحكيت ليها بحركه حسام معاي،،،،قالت لي يييععع افتكرتو رومانسي وح يمسح ليك الروج بي بوستين تلاتة🙂،،قولته ليها هشش يا منحرفة،،،بس زمان لما كنا متزوجين كان رومانسي❤🙈،،،قالت لي واااااتية😂😂💔💔،،كان اليوم يعمل ليك نفس الشي،،،قولته ليها هو كان ناوي،،،بس أنا وقفتو،،،لانو حرام يا شهد💔،،،قالت لي حيييااا قلبي،،،غايتو لو كان طليقي وبحبو زي حبك دا،،ما عارفة كان ح اعمل فيهو شنو😪👊👊😂،،،،،بقيت اضحكك،،قولته ليها عارفاك ح تعملي شنو،،يلا هسسس😂😂😂💔👊،،بعد اتعشينا،،،طلعنا،،،اي واحده بعربيتا،،،شهد قالت لي لما اكون ماشة لزينة ح اتصل عليك،،،قولته ليها وهو كذلك😘،،،،،،،،،
وصلتا البيت،،لقيت بابا نايم يحليلو،،،طوالي طلعتا غرفتي،،غيرتا ملابسي،،شوفتها الهدايا الجابتا لي ماما سبحه،ومصلاية ومصحف ملون وعبابتين بطرحهم💜💜💜وخاتم فضه💜عجبوني شديد،،،دخلتهم الدولاب ورقدتا،،وكالعاده صورة حسام ما ناوية تفارقني،،،اتذكرتا اول سبب وصلنا لطريق الطلاق وهو كان مانعني منو،،،،اللي هو ما اتواصل مع اي ولد في الجامعه مهما كان السبب،،،،بس انا ما سمعتا كلامو💔،،ودي الحاجه الخلتو يفقد الثقة فيني،،،،💔
#اتفقنا🙂
