❆هل_انت_منجدي؟❆||?Are_you_a_savior {باللهجة الجزائرية}

♥1♥

نعرفلكم بطلتنا**:" 
جيهان هي بنت من الغرب عندها 18 سنة وهي تقرا فلافاك،بوها ويماها موفرينلها كلش عايشة مع ختها-شيرين- اللي جاية بلوندا وعينيها بنيين وشعرها كحل وخوها-بسام-وهو جاي سبورتيف وبلا لحية(الله غالب الخدمة اللي حطيتهالو ماتقبلش اللحية هخخ)وجاي شعرو كحل نورمال وعينيه سود كانو عايشين في قمة الرفاهية بوهم ويماهم معيشينهم احلى عيشة كل واحد يتمناها،جيهان جاية مارقيقة ماسمينة بزاف {تقدرو تقولو طاي 38} شعرها كحل وطويل عينيها خضر والطول نتاعها على حساب كل بنت في نفس العمر نتاعها،اما شيرين  في عمرها 23سنة تقرا فالطب وبسام في عمرو 26 سنة مي مزالو مش مزوج وخدام فالبوليس برتبة محافظ شرطة

-كانت جيهان تروح تقرا كيفها كأي بنت في لافاك اللي ماشي بعيدة بزاف على دارهم وخطراتش يديها بوها وخطراتش خوها،وحد المرة بوها كان عندو خدمة ايغجو، وخوهآ راح بكري يخدم باسكو والي الولاية فايت لعندهم تحتمت عليها تروح آبيي،كانت ماشية عادي وحاطة الكيت وتسمع لغنا باش متحسش بالطريق،حتى من بعيد شافت وليد عمها{سآمي هاذا جاي طويل وسمر وشباب بزاافف ومرفه عندو الدرآهم وكان ناوي يخطبها من عند دارهم مي كي شافها ماقبلتش ماحبش يسيف عليها حاجة باسكو يحبها يموت عليها ومايحبش يزعفها}

قالت جيهان:"يالاطييف ذا وش جاب كمارته هنا ضرك صباح ربي نتلاقا بهاذ لوجوه"

دورت وجهها ودارت روحها مشافتوش،بصح هو عينيه كيما القط كلش يحكمو شافها ماشية لحقها بلوطو نتاعه وحبس قدامها كلاكصونآ عليها دارت روحها ماسمعاتوش وكانت لابسة شوميز وسروال دجين مدخلا الشوميز ف السروال والسانتوغ  نتاع البونطآلو باينة وصاكودو بيض كيمآ الباسكات البيضة نتاعها،شافها بذيك اللبسة زاد تربب

 قاللهآ:"ماشي من صبحية ربي وانا نزمر؟ وذنيك مالهم؟"

 دارت هي شافتو واومام طون بغات تكالمي الحالة وهي عارفة بلي تذوبو هخخ

قاتلو:"اوووووهه شكون سآمي شحال توحشتك آلمك،كيراك داير(وعنقاتو باش يهدى برك)"

 هو تم حس روحو صاي مات قدامها ماقدر يدير حتى حركة ولا يكمل وش كان يقول بلعتلو فمو نيشان مزادش قاللها ولا كلمة وهكك وركبت معاه ووصلها وباستو وراحت هو مسكين راح فالاوهام نتاعو وحسب بلي صاي بدات تحبو، نرجعو لجيهان دخلت للافاك شافوها صحاباتها{سارة،اميرة،ياسمين،ريحاب،اريج} جاو عندها بقات معاهم وحد الـ5 دقايق وجا ياسر و كمال(هاذو ليزامي نتاع جيهان من الابتدائية) جاو عندها خمسو معاها وسقساوها كيدايرة وكملو للونفي باش يقرو،هومآ دخلو حتى لقاو استاذ جديد سموه اسامة،

قاللهم:"اهلا شرفتو وين كنتو حتى لضروك؟ تدخلو ولا نرفدوكم وندخلوكم؟"

ضحكو كامل ودخلو راحو كل واحد لبلاصتو وبداو فالدرس،

واريج قالت:"ويآآآآ جيهان استاذنا كي شبااب صاي مت ذبت مقديتش نتبع معاه"

وجيهان تضحك من قلبها عليها حتى وقف على راسهم الاستاذ

وقال:"يااااا داخلين روطار اونبليس مزال تضحكو وتتمسخرو؟"

ناض ياسر وقالو:"ماشي لافاك نتاع باباك باش تحسابنا وهاذا بروحو اختياري لوكان ماشي والدينا كون رانا حبسنا من زمآن

"قالو:"اسكت ماهدرتش معاك نتا ني نهدر معاهم صافي مكان مادخلك"

 سكت ياسر ورجع بلاصتو،اما الاستاذ قال لاريج وجيهان يخرجو من الحصة ومايزيدوش يدخلو حتى يصاوعو رواحهم ويتأدبو قالت اريج:"وايلي كي قال اسمي تم وين زدت ذبت ماقديتش ياجيهان حمبوك شوفيلي حل"

قالت جيهان:"اتشو نخطفوه ونجيبهلك وديري معاه ليلة العمر وانا نعاونك😂😂"

قالت اريج:"اتفوووووو التخمام الناقص نتي دايما هكك"

قالت جيهان:"هاو تتمسخري ول انا هكك عجبك صحا معجبكش ماعلاباليش بيك"

 قالت اريج:"......

-------------------------------------------------------

انوشاتي نقبل تفاعلكم مع القصة راو لبارت قصير مي رح نجرب نطوللكم البارت الجاي وبعد شوي نحطلكم الشخصيات ماتنسوش وماتبخلوش عليا بـ"تصويت+كومونتاغ+مشاركة في الفيسبوك ولا اي موقع ايا تهلآو الزينات