شوشو:مسكينة هي من الصباح وهي تخبط باش تراضيك وتعجبك ودارت كلشي وقالت انو الكادو هو ريزيلطا نتاع التاست بصح نتا حمار وناقص عقل ماستنيش وش رايح يصير ملخر،ستعجلت ودوك تحمل وش درت
وراحت شوشو بعد ماقاتلو هك فراس تبلوكا من راسو مافهم وآلو بقا واقف ويستنى في خرجة الطبيب باش يسقسيه وش دارو فيها وكيفاش راي حالتها وبعد 4 سوايع عاد باش خرجو سقساهم
فراس:واش طبيب كاش جديد؟
طبيب:واش نقولك بعد ساعتين يجي طبيب مختص فالامراض النسائية ورايحين نحاولو نخرجو الطفل ونتفاداو الموت نتاعها
فراس:واش موت؟ دوكتور راك عارف وش تقول؟
طبيب:وي ميسيو مارانيش نكذب عليك ايا انا نروح
فراس ماقدرش لهدرة الطبيب وحلف بلي ماياكل مايشرب حتى تفيق جيجي وتكون عادية وتسامحو عاد باش ضميرو يريحو ويسامح روحو حتى هو،وحد الشوي حتى جاو دارهم ودارها كاملييين لي يندب يندب ولي يبكي وينوح ولي واقف ماعارفش وش يدير ولي قلبو باغي يطير من الفرحة على لي صرا هك
سامية(بنت عمة فراس):واش فيراسو راهي مخلطتلك):"يخي متخافش تفوت
فراس:نشالله تفوت،وزيد وش بيك لاصقة فيا قاع هك وخري عليا ضرك يشكو فينا مانيش قاد لي فيا يكفيني
سامية:علاش فوفو وش بيك خبرني ولله غير نعاونك
كي جا يرد فراس جا الطبيب يجريي بأقصى حد كي سقساو قالولهم بلي ذا هو طبيب الامراض النسائية،دخل وتقول لصق ماحبش يخرج وهوما غير يستنو وبعد 8 ساعات وهو الداخل خرجلهم
الطبيب:سمحولي مي لوكان ننزلولها الولد الثاني رايحة تروح فيها
فراس:ايا وكيفاش دوكتوور؟
سعاد:ياوخذي على بنتي وش راه صاري فيها
سيليا:ولله ياماما بلية بلية
عليا:بلية دارها مخواك غير خلينا ساكتين
فراس:راني عارف ايا زمي حلقك يخي دصارة يخي
سعاد:يالولاد ماشي وقتكم سكتو خلو الطبيب يكمل،كمل دوكتور
طبيب:سمعوني مليح راها في حالة مستعصية لازم من بعد ماتفيق كل يوم تجيبوها هنا عندها إبرة سبيسيال وكل يوم تضربها وحاولو ترجعوها لعقلها
فراس:خاطيك دوكتور تفيق ولباقي علينا
طبيب:ربي يصبركم انا نخليكم اتهلاو فالمدام
سعاد:وي دوكتور على العين والراس
راح الطبيب والكل راح بقا غير فراس من بعد قالو طبيب تقدر تدخل تشوفها مي ماتهدرش اسكت شوفها شوي واخرج،دخل فراس بقا واقف ويبكي حتى مقدرش من البكا ولا يشوف كلش فلو،خرج من عندها ومشا طريق للدار كسر كلشي حاجة مخلاهاش وشوشو غير تشوف فيه وتبكي
ـ ـ ـ ـ بعد اسبوع ـ ـ ـ ـ
كان فراس جاي كي العادة على الصباح باش يشوفها مي مالقاهاش فالانعاش،حكم فرملي
فراس:وين راها المريضة جيهان سعد؟
الفرملي:راها في تحسن وضعي وديناها لغرفة عادية هاهي
نعتلو الغرفة وراح تم وهي كانت جسد بلا روح مجايباش للدنيا خبر غير تشوف وصاي عينيها برك لي يتحركو جا عندها فراس ودار يدها في يدو وباسها وجمع عندها وحط جبهتو عند جبهتها وبقا هك وحد الـربع ساعة ولا،وفاق على حركة يدها لي جات فوق راسو وبقات تمسح عليه وبسييفف باش هدرت
جيجي:فـ فـ فـرآآسس..صصححح؟
فراس:وي فراس جيجي حب وش بيكي ولله ماقصدي سمحيلي
جيجي:ممسسآآممحح..ووولللهه
ناض فراس باسها من راسها وداها للبيت وتهلاو فيها وماعدتش ترجع لبيتها وباعو فراس وكان ناوي يشري فالخارج،من بعد 4 ايام دارو كي الصدقة تلايمو فيها كاملين ودارو كل خير على الشدة لي كانو فيها وفاتت وكي عليا خطبوها تاني صافي كلشي جابوه في نهار
ضرك نفوت بيكم الوقت حتى بعد 4 شهر وين بدا الوحم نتاعها فراس مسكين طيباتو كل مايدوش ويخرج تقولو ريحتك ترهج روح زيد عاود دوش اجري يروح مسكين وكل ليلة مفيقاتو على جال المسمن(ماتلومونيش توحمت على المسمن)،عذبتهم مساكين كل حاجة تشوفها مش في بلاصتها تدير عليها حرب قد وهرآآنن،حتى جا النهارـ ـ ـ ـ ـ ـ ـ ـ
💮------------------------💗------------------------💮
هاذا بارت اليوم وبعد شوي اذا لقيت تفاعل نحط البارت ونقرر اذا يكون الاخير ولا اللي مقبلو المهم تهلاو وربي يدخل علينا رمضان بلخير والصحةة"
بآآيي☻
🔱-------------------------------💖-----------------------------🔱
أنت تقرأ
❆هل_انت_منجدي؟❆||?Are_you_a_savior {باللهجة الجزائرية}
Misterio / Suspenso----اليوم جيتكم بقصة بعنوآن"❆هل_انت_منجدي؟❆" انشالله تعجبكم،القصة تهدر على بنت من الغرب معندهآش الزهر كيما يقولو وعاشت بزاف امور مش ملاح،هخخ نحكيلكمش كلش هنا تبعو معآنآ ارنوباتي الفوط والكومنت ماتبخلوش علينا"
