اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كي جات الـ5 نتاع لعشية عيطلها وقاللها توجد روحها باش كي يجي يروحو يتعشو برا
راحو ودارو فيها تقصيرة طوب هي وزوجها العزيز(☻) من بعد ركبو فاللوطو ودارو لغنا وقلعو يشطحو ويتمهبلو،فراس مات ضحك على جيجي وكيفاش ترقص وتتمهبل وهو كلشي فيها عشقو مايقدرش يفوت عليه نهار بلا مايسمع صوتها وبلا مايشوفها وبلا مايتعشا وهي قدامو،خلاص رجعتلو ادمان،دخلو للدار راحو لشومبرتهم بدلو ورقدو هي شربت دواها باش يحبس عليها الوجع،غدوة الصباح ناضت جيهان هي لولا لقات فراس راقد
جيجي:يآعملي يآعملي على شيطاني كي يرقد يبان كي الملاك وطبعت بوسة على شواربو وناضت راحت غسلت وجهها وبدلت قشها وهبطت للكوزينة قالت لشوشو ماتدير والو خص هي تطيب اليوم،دارت كآيكك(اللي نحبووو♥ بالشوكولا)،قهوة بلحليب والقاطو والjus،المهم طابلة وعليها الكلام تحفتها غير وحدها،بقات وحد الربع ساعة هبط لقا الحالة تغوي،جلس قدامها
جلسو كاملين كلاو وضحكو من بعد طلع فراس ووراه جيجي عطاتو وش يلبس كواتلو صوالحو جابتلو الصباط ديالو لبس وباسها من راسها وراح لشغالاتو رجعت جيجي مع شوشو يغسلو لماعن وينقو الحالة جلسو مع بعض من بعد ما كملو
جيجي:شوشو وش نديرو لفطور
شوشو:ولله ماعلابالي مدام اللي حبيتيها ديريها
جيجي:شووووشوووو ماتقوليليش مدام تحسسيني اني كبيرة بزاف عيطيلي باسمي اوكي؟
