راح فراس وهي ناضت دارت فيها دوش ولمدت الحالة هبطت التحت غسلت الماعن وكي كملت مشات تتفرج مسلسل تركي،حتى جات الـ17 ناضت كانت توجد باش كي تكمل العشا تروح تنقي الحالة من بعد عيط تيليفونها وكانت الصدمة سآم يعيط هنا بداو يدخلولها الافكار وتخلطلها كلش
جيجي:يارببي سيدي هاذا مايجي وراه غير المشاكل شاندييير نريبوندي؟ اوووووووووف
دارت الكوراج وريبوندات عليه
سآم:واش عروستنا لاباس؟
جيجي:لاباس ونتآ
سآم: حمدلله،عيطتلك باش نعرضك للعرس نتاعي راه نهار التلاثة تحضري عند تاليا،وقولي لفراس هو يجي نهار لاربعا،وتآني تحضرو فلاصال نتاع لالة مريم نهار لخميس صآي متفاهمين؟
جيجي:اوكي ربي يكمللكم بالخير،عقبال نشوفو ولادكم،وكي يجي فراس نتفاهمو ونشوفو
سام:اوكي تهلي في روحك وسلميلي على نسيبي
جيجي:الله يعيشك،يبلغ نشالله
كوبا سام وجيجي بقات غير تخمم كيفاش رايحة تحكي لفراس على العرس وكيفاش حتى يحضر هو ومايبهدلهاش قدام صحاباتها وليزآمي لخرين نتاوعها،مي فلافان رايحة تبقى تاليا صحبتها ولازم تحضر هي وهو اذا محبش تخليه يروح بلا مو،دارت غنية وشمرت على يديها وبدات تغني وتشطح،غسلت الماعن،سيقت لاكويزين،من بعد طلعت الفوق نقات كلش سيقت ومسحت الغبرا،المهم دارت كلشي من بعد جآ وقت فراس باش يجي،راحت شافت عشاها كيفاش داير ورجعت للصالون تتفرج كاش حاجة بيلاما جآ غاجلها،حتى سمعت الباب ناضت تجري من بلاصتها لقاتو فراس ووجهو غي جروح من الخلعة حطت يدها على فمها برك وبقات تبحلق فيه
جيجي:ففـ ففرآآسسس شننوو هههااذااااا0-0!
فراس:واش خفتي عليا ول(بصوت نتتاع واحد كان يبكي)
جيجي:بركانا متمسخير وش بيك ولله راني سريو
طاح فراس على رجليه وبدا يبكي وماحبش يحبس وهي من الخلعة ماقربتلوش خلاص بقات تبحلق فيه من البعيد برك وعافت روحها كي ششافتو هك وحست بضعف حتى لدرجة ماقدرتش تزيد تسقسيه
فراس:ولله ماقصدي،اقسم بالله
جيجي:وش اللي مش قصدك
فراس:قتلت جوني😭😭
جيجي:😂😂😂😂😂😂😂😂،قاع هاذا على جال جوني؟؟ صافي كون انا نموت ماتبكيش عليا
أنت تقرأ
❆هل_انت_منجدي؟❆||?Are_you_a_savior {باللهجة الجزائرية}
Mystery / Thriller----اليوم جيتكم بقصة بعنوآن"❆هل_انت_منجدي؟❆" انشالله تعجبكم،القصة تهدر على بنت من الغرب معندهآش الزهر كيما يقولو وعاشت بزاف امور مش ملاح،هخخ نحكيلكمش كلش هنا تبعو معآنآ ارنوباتي الفوط والكومنت ماتبخلوش علينا"
