كملو طلعت لشومبرتها مي لحقتها ريحاب قالتلها:جيهان جيت نخبرك على كمال
قالت جيهان:آقتشي واش بيه ثاني
قالت ريحاب:كمآل ماراهش قاع يمشي نيشان ملي نتي تزوجتي كون تشوفي حالتو ياويلي تقولي قاع ماشي كمال
قالت جيهان:ياويلي يانا،بصح سمعت بلي خطبوله هو ثاني
قالت ريحاب:خطبوله وي مي مابغاش وقال والله غير نغتصبها ونخليها معلقة ومانتزوجش بيها وكون تشوفي يماه مسكينة راها غير تبكي وقلبها محروق على ولدها وبوه داه معاه لترك وفتحلو شركة تماك مي ماراهش كامل يخدم فيها
قالت جيهان:ونتي منين جبتي ذي الهدرة
قالت ريحاب:ياسر خبرني كلشي عليه واستني ماقتلكش شفتي تاليا اخت ياسر؟؟
قالت جيهان:وي وش بيها؟
قالتلها:جا سام وطلب يدها للزواج وقاللهم ماتديرو والو كلشي عليا وكل ذا باش يغيضك زعما تولي تغيري عليه
ضحكت جيهان وقالت:ربي يكمللهم ويهدي كمال نشالله
خرجت ريحاب وجيهان رقدت حتى خمرت،جات الـ7 نتاع لعشية ناضت ومش طايقة قاع وقلبها طالع راحت تجري للصالدوبان وبدات تتقيا حتى راسها وجعها،غسلت وجهها وجات تكات في بلاستها بقات شوي حتى دخل فراس لقاها صفرة كي الليمة ومش قادرة جا يجري مفزوع عندها وقاللها:شبيكي جيهان؟؟ قالتلو:رايحة نموت،راهم سكرات الموت بداو(وهي تترشق بيه برك) قاللها:قيلك من التمسخير نتاعك قوليلي مالك،قاتلو:مارانيش نكذب شوف كيفاش راه صاريلي،وهو جمع ينوح ويبكي و يضرب فالسرير حتى جات يماه قاتلو:ياويلي مالك ياولدي شاكاين قاللها:يما جيهان،جيهان،قاتلو:مالها جيجي وش عندها،قاللها:شوفيها كيفاش راه صاريلها،امو غير قربت وشافت وجهها تبسمت وقاتلو:ياودي ماتخافش راني عارفة مالها،هو ناض يجري وقاللها:الله اكبر وليتي طبيبة وتعرفي،قاتلو:ياولدي راني مرا كيفها ومرتك انشالله تكون اونسانت،هي غير سمعت هاذ لكلام تفكرت نهار لوتال عافت روحها كرهت اللي في كرشها قالت نقتلو ومانخليهش يانا ياهو فالدنيا هاذي،حلفت ماتخليهش في كرشها وتم وين فراس رجعو عينيه قلوب وجا عندها:ياعمريي راني نتخيل شيطان ول شيطانة كيف يماهم يجرو قدامي ياربيي نحمدك ونشكرك على هاذ النعمة،قالت جيهان:حبس عندك صافي كي نولد تولي تبغيه خير مني ياك صحا،وناضت وخلاته موراها ويحلل فيها من بعد دوشت ولبست وراحت لتحت تتقهوى جمعت معاهم ضحكو ولعبو من بعد قال فراس:جيهان اطلعي لمدي صوالحك لازم نروحو للدار،هي ستغربت وقاتلو:علاه رانا برا يخي رانا فالدار،قاللهآ:لاا ماشي هنا نروحو لدارنا ايا نوضي،ناضت لمدت صوالحها وصوالحو ولبست ومكيجت وجات خارجة هو تم نخلع قاللها:سمعي نتي روحي عيطيلي لجيهان وين راكي جاية نتي،وهي غير تشوف فيه وميتة ضحك من بعد قاتلو:اركب اركب بركاك متكعرير الصامط،ركبو وراحو لبيتهم كان كيما هك
أنت تقرأ
❆هل_انت_منجدي؟❆||?Are_you_a_savior {باللهجة الجزائرية}
Mistério / Suspense----اليوم جيتكم بقصة بعنوآن"❆هل_انت_منجدي؟❆" انشالله تعجبكم،القصة تهدر على بنت من الغرب معندهآش الزهر كيما يقولو وعاشت بزاف امور مش ملاح،هخخ نحكيلكمش كلش هنا تبعو معآنآ ارنوباتي الفوط والكومنت ماتبخلوش علينا"
