❆هل_انت_منجدي؟❆||?Are_you_a_savior {باللهجة الجزائرية}

♥7♥

9سوايع وهومآ معآهآ من بعد خرج طبيب مخلوع ومش قادر يهدر حكمو فراس من الكول نتاعو وقاللو:اهدر ماتخلينيش نغلط فيكالطبيب قال 2 كلمات وراح:عظم الله اجرك

بقا فراس يبكي ويقول:لا ماتصراش والو ماتقولوليش بلي صح انا والله نلحقها ونموت

شوشو كانت غير تهدي فيه بصح والو ماسمعلهاش،وهو كي قالولو عظم الله اجرك دار في بالو بلي جيهان ساع الطفل اللي كان في كرشها هو اللي مات واستعصات عملية الاخراج نتآعو باسكو خافو يأذيوه ويخلوه يخرج معوق ولا روطار شوي في راسه،خرجو جيهان وبدلولها الغرفة وحطوها فالانعاش بقات سمانة كاملة وفراس لاماكلة لاشراب ويماها غير تبكي هي وشيرين ونسرين غير تندب عليها بسام نسا خدمتو وقابل ختو باباها مسكين السكر قلعلو القلب،المهم عانو بزاف معاها وهي النهار السابع فاقت وماقدرتش تهدر حست كلش فيها مقطع ويوجع فيها عيطو للطبيب شافها وقاللهم ينقولها لغرفة عادية واللي حب يدخل يشوفها يدخل مي مايطولش ماراهاش قادرة وحالتها مزال ماستقرت مليح،دخل فراس باسها من جبهتها وبقا يبكي عند راسها

فرآس:آآآه ياقلبي شادرتي فيا هبلتيني والدار خاوية بلا بيك وبلا تمهبيلك ارجعيلي قلبي والله نحبك ولاجيسيكا ولا حتى وحدة تنحيك من قلبي وبالي

هنا قدرت تهدر جيهان وقالت:فـ فـ فـرآآسس ننححبكك(وعينها دمعت)،بـ بـ بصحح ولددننآآ رراااحح

فراس:نورمال عمري ارجعي نتي ونجيبو 20 بز ارجعي نتي برك هاذا هو المفيد

هي قدرت تنوض بشوي بشوي جلست وبقاو يدخلو عندها وكانت تهدر بسيف اللي يسقسي كيفاش يسقسي واللي يبكي يبكي واللي يبوس فيها وبسام معنقها ويبكي وحالتو حالة هو وشيرين من بعد قالت هي

جيهان:ماتخافوش ياو راني وليت نورمال وشيرين نوضيني نستحقاك،اديني لوحد البلاصة وكي نقولك ديري

جات شيرين نوضتها وخرجو للجنينة نتاع الصبيطار بقاو تم يهدرو

جيهان:شفتي شيرين ماقدرتش نحققلك حلمك بأنك تشوفي ولد ولا بنت صغيرونة تقولك خالتو ديزولي بب مش غرضي:("

شيرين:ياااااه سمعتي وش قالك فراس تجيبو 20 ايا صاي بصح باغييني نهبل؟

ضحكو ودخلو عندهم لقاو فراس دار ررسوم الخروج وخرجوها قالت نروح لداري داوها وقبل ماتدخل نطق فراس

قال:واخيرا رجع القمر اللي كان منور البيت شوفي كيفاش راها دايرة الدار بلابيك شوفي صاااااامطة كلي مكاين حتى واحد ساكن فيها وتم نطقت شوشو وقالت:ياه يامسيو فراس انا ني طرونصبارون،ضحكو كاملين حطت شوشو العشا تعشاو شبعو وطلعو فراس وجيهان رقدو حتى جا الصباح دخلت تتدوش وخرجت غير هي جلست تدهن في جسمها وناضت تلبس من بعد رجعت تشوف وين كانت مجمعة لقات دم تم عرفت بلي جاتها مدآم غوج وقت اللي رفدت الدرا بدات تشوف فيه خرج فراس من الدوش،هو غير شافها نخلع وجاها يجري