شـــهـــگـــة عـــشـــگ

الجزء الأول

يا نسمه هوى شمدريني راح اهواك
كلت مثل الهوى وماأدري شميتك
من ذاك الوكت ماغبت عن البال
الكلب بسمك تسجل وانحسب بيتك....

قصتنة تتحدث عن(ركـــاد) شاب حب من اول
نظرة وتزلزل كيانه بهالحب ،،،
واجه حبه الكثير من الصعاب والرفض
ولكن هل ينحني وينهزم أم يستمر
ويحارب لاجل حبه????
تابعووووووا...........

احداث القصة بسنة ال2013 البارت
الاول تعريف للابطال وحياتهم،،،،

السلام عليكم،،،

اني ركـاد عمري 30سنة عسكري المهنة
(ضابط أستخبارات)من اهل العمارة
عايش وية اهلي ربي يحفظهم
الحجية واخوتي ثنين اكبر مني
مضر ومرتضى مزوجين وساكنين يمنة
بيت طابقين مشتمل فوك لمضر والجوة
لمرتضى تجنب للمشاكل وهالسوالف
الي تخص النسوان اني اصغر اخوتي
الولد وبعدي يجن سهى ومها توم
عمرهن16سنة ،،،ابوية متوفي الله يرحمه
انغدر الله يرحمه جان هم عسكري
وبالاستخبارات وسجن شخص مطلوب
ومن صار السقوط طلع وكتل ابوية
وانهزم كلش جنت متعلق بيه واني
الوحيد الي حذيت حذوه ودخلت
السلك العسكري وطبعا الحجية
زعلت علية اسبوع وشافت ماكو
امل وارد عن شوري استسلمت
احس حياتي بهالمهنة كلش احبهة
وحتى زواج رفضته ما اريد اذب
مرة زجهال بركبتي واني ادري شنو
خطورة شغلي،،،،
اني حنطي ع سمار شعري اسود قاتم
طويل ومعضل جسمي جثيث و
بالاضافة للرياضة والحركة مهنتي
تتطلب هيج شي الدافع النفسي مهم
يعني لمن يطبلي متهم اول ميشوفك
جثيث وصارم ودم اعروكك فاير
اكيد راح يخاف ويرجع ويحاسب
نفسه كبل كل كلمة،،،
عصبي بشكل وما اتفاهم وهذا الشي
تعلمته من ابوي الله يرحمه امي
تكلي انت كلك ع ابوك الشكل والطباع
والتصرفات هواية جنت اخالطه
اكثر من اخوتي وهو قدوتي ومثالي
الاعلى،،،،
حياتي هادئة مرتكزة ع شغلي والبيت
عندي صحبان ثنين مهيمن و حسام
ذولة اعزاز كلبي جيراني صحبان
من زمن الابتدائي ولحد هسة سوة
مهيمن عنده محل جملة ومفرد نسائي
ملابس ع كوزمتك ما شاءالله شغله
ماشي وحسام صايغ ثنينهم بنفس
السوك من انزل مجاز اكضيهة يمهم
مهيمن ممزوج بس حسام مزوج وعنده
توم بنية و ولد اني ومهيمن كاضيهة
هيج صداقات لا اكثر بس ابد
ملاعيبن ع بنية يعني النتعرف عليهة
من السوك وهي الي ترغب ابد
موعدت ابنية بزواج او شي بس
مهيمن حب وحدة ونوى يخطبهة
بس ربك همزين كشفهة مو خوش
وطلعت مصاحبه غيره ثنين وربك
ستر جان راح بيهة بعدهة حلف ميورط
روحه ببنية،،،،
جنت دوم اضحك ع الحب والي يحب
واكو بطرانين وين اكو حب هسة الى
ان طحت فرد طيحة وما وعيت ع
روحي طلع عشگ ابنادم صعب لو عشگ
حد الروح والي طيحت گلبي موش
حوى لااااا ملاااااك ونزلي من السما
جذب لو كلت حلوة عمي احلى من
العسل ذبت بيهة وبكل تفاصيلهة من
الجدم للراس ،،،،،،،
ويااااااا عـــشـــگ الـــصـــغيـــرونة
يشــيــب الـــراس،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
السلام عليكم،،،
اني جوري عمري 17سنة طالبة
سادس علمي عايشة وية اهلي
ابوية مزوج ثنين امي الاولى ومرة
ابوية وداد الثانية وابوية سوة بيتين
لان امي وخالة وداد هواية يتعاركن
بس الشهادة لله امي تعيل هواية
بالمرة هي حبابة وفقيرة وامي
كلش وكحة ودوم تتعارك حتى ويانة
طبعا اني عندي من امي اخ واحد
خالد عمره20سنة طالب جامعي
مرحلة ثالثة صيدلة وبعده مروة
عمره19طالبة جامعية تربية عربي
مخطوبة لصديق خالد،،واني وبعدي
سماء عمره13طالبة متوسطة
ثاني متوسط اما خالة وداد عدهة
3ولد يوسف8سنين وماهر7سنين
واصغر واحد سرمد 6سنين وهسة
حامل وامي ع هاي متخبلة وشكد
رادت تحبل بس تمرضت وشالولهة
الرحم وابوية يدري بيهة تغار
ويسكت ميأذيهة هواية بس خطية
خالة وداد متخلص من السانهة
وشكد نحجي وياها يابة تغيري
شوفي خالة شلون هادئة وشلون تتلكاه
وتتلكانة ابد متضوج من انطب بيتهة
بس هي تغار كلش بس تحب
اخوتي ابد متأذيهم احنة كلنة واحد
يحب الثاني وابد ممأثرة علينة
مشاكل امهاتنة،،،،،،،
اني بيضة ع شكار شعري اشقر وبية
خصل جوزي فاتح من الله هيج
لونه عيوني زرك فاتح طولي زين
متناسق وية جسمي وعمري مربرة
شوية وصاحبة خدود لو شكد
ما اضعف تبقى خدودي عندي رصعات
بخدي وبحنجي خفيفة اشبه بيبتي
ام ابوية هي كردية واخذهة جدي عن
حب طبعا جدي هم ماخذ ثنين وحدة
عربية بنت عمه والثانية ام ابوية
من زمان يصيحولهة الكردية ولحد
هسة ظل وياها الاسم جدي لحد
هسة يموت عليهة ويحبني لان
اشبهة وهي هم تحبني اكثر الكل
حياتنة الحمدلله ماشية ماعنده
مشاكل جبيرة حالنة حال اي عائلة
عراقية عادية طبعا احنة من بغداد
مدرستي قريبة من بيتنة اروح وارجع
مشي وية صديقتي جيرانه من
وعيت ع الدنيا ومن ومنة سوة من
الاول ابتدائي لحد هسة وحتى دوم
نسجل نفس الصف اسمهة رشا
البنية الوحيدة لاهلهة وعدهة
خمس اخوة 3اكبر منهة وثنين اصغر
علاقتنة وياهم كلش قوية،،،
ملتهين بدراستنة ماعدنة زايدة ناقصة
ولا سوالف حب وتعارف بس شقى
وتصنيف وننعجب بالشكل بس
بيناتنة عادي سوالف بنات،،،
لحد ما بيوم تغير كلشي بحياتي
وانكلبت رأسا ع عقب واحتاريت بروحي
والي راح يصير مجنت متوقعهة
بيوم احب  او اتعلق بشخص ممكن
يكون هو الدنيا بحالهة وتتلخص
الحياة بشخص واحد.......

احيانا نصادف اشخاص يمرون بحياتنة
ويكون مرورهم مرور الكرام،،،
واحيانا اخرى نصادف شخص يترك بصمته
للابد ويكون هو طعم الحياة وجوهرهة
لكن للاسف مو كل شي نحلم بيه ممكن
نحصل عليه او يمكن نحصل عليه بعد
معاناة او دفع ثمن لاجل نحصل عليه،،
مرات الحب يكون حلووو ومرات
لاااااا مر ومراره امر من المر
بس هم تبقى بية حلاوة،،،
ومرات يكون وسيلة تحببك بالحياة
وممكن يكون لاااا عكس هالشي
الحب حظ ويرادله بخت ويرالده
زلم كدهة وتخون،،ويرالده نسوان
كدهة وتوافي،،،
الحب مو كلمة تكولهة والسلام لاااااا
الحب كيان يعيش بداخلك ويكبر
ويزيد وية كل نبض ودگة گلب
الحب حلوووو للي يوافيله ويصونه

ركــاد انسان عاشر هواية بنات وشاف
الزينة والشينة بس كلبه ما هوى اي
وحدة منهن،،،،

جوري بنية خام ابيض ممتوغلة بالحياة
حياتهة محصورة بين عائلتهة ودراستهة
وصديقتهة الي هي نفس ثوبهة شلون
راح تكدر تجابه الدنيا وصعابهة وشلون
راح تكدر تواجه الناس الحواليهة ،،،
مالهة اي تجربة بالحياة تعرف الصح
والغلط اييي بس متعرف شلون تميز
البشر الزين من الشين،،،

يتببببببببببببببببببببع