شـــهـــگـــة عـــشـــگ

الجزء التاسع

#شـــهـــگــة عـــشــگ

شلون انطاك كلبك تبتعد وتروح
جاوبني بعذر يقنعني من اسال
مات الكلب بعدك موتت فراك
وبس يسمع بجيتك ينهض ويعدل
واذا انت رحت المن اكول اهواك
وبعد ياهو الاوصفه ويامن اتغزل
لغيرك ماتوسل كلبي فد يوم
ولان هو يحبك بيك يتوسل،،،،،

جوري:تعبت نفسيتي حيل بعد ما
شفت ركاد وحجيت وياه والي دمرني
كلامه،،،،
ركــاد:جورية انتي هسة ع ذمتي غيري
وما اريدج تأذين نفسج مخابرتج الي
غلط انسيني يا بت كلبي وعيشي حياتج
وان شاءالله يسعدج اكثر مني
صدكيني ردتج بالحلال بس القسمة مصارت
وان شاءالله ربي يقدملج الي بيه
الخير،،الي صار لااااا ذنبي ولاااا
ذنبج  انسي،،،،
جوري:مداكدر انساك ركاد شلووون
ظليت ابجي شلوووون انساك فهمني
وكلشي بيه يحن الك تدرين كل كلمة
وكل نظرة منه اقارنهة بيك،،،،
ركاد انت اول دكة گلب جانت الك
انت اول شخص دخل حياتي وحبيته
تعلقت بيك حيل،،،ما ادري شلون
وشوكت حبيتك بس هذا الي صار
ركــاد:اسمعهة شلون تحجي وتشهك
بالبجي كلبي تكطع عليهة بس مابيدي
شي عليهة ما اكدر اتصرف اي تصرف
راجع كله عليهة حاولت اقسي عليهة
بالحجي بس مكدرت رغم جنت ناوي
احجي عليهة واخليهة تكرهني بس
مكدرت هاي روحي وقطعة من كلبي
شلون انزل دمعتهة،،،
كاااااااافي بجي ياعيوني انتي مو
راحت عيونج
جوري:ما اكدر والله اني تأذيت هواية
ولحد هسة اتأذى ركاد علي سوة
كل هذا لان درة بية اميلك وراديتك
لحد هسة يحجي بيك كدامي
ركــاد:صدك تحجين???زيييين خما
يمد ايده عليج????
جوري:زدت بالبجي
ركــاد:فهمت جوابهة صرت نار،،،
صحت ادري وابوخ واخوج شنو شغلهم???
جوري:هو يحجي علية كدامهم وهمة
يصدكون بية لان يدرون بية ما اريده
ركــاد:استغفرالله شسوي ايدي مربطة
فوك القهر والظيم عاقد عليج مو
بس خطبة وافركشهة
جوري:خلص اني يمي الحل اني راح
اخلص روحي من كل هالعذاب لان
مال علي يتركني مستحيل والاكثر
ابوية مينفذلي الاريده
ركــاد:لعد شراح تسوين???
جوري:ماعليك انت الك الصافي والي
هو مستحيل اصير لغيرك،،،
ركاااااااد،،،
ركــاد:گلبه وروحه وعيونه،،،
جوري:احجي وابجي ترى اني احبك
والله وابد مجان ابالي اخون الوعد
بس صدكني الظروف اقوى مني،،،
ركــاد:ادري والله ادري بس صدكيني
كلبي جان محروك،،،
جوري:خلص يا روحي انت معاش الي
يحرك كلبك اطمن من هاللحظة جورية
كلبك الك ومتصير لغيرك بس خلي
ابالك شي واحد ان اني احبك وراح
ابقى احبك للموت،،،وادعيلي كلما
تصلى لاتنسى
ركــاد:استغربت كلامهة مو طبيعي عبالك
دتودعني،،حبيبي شبيج صاير شي???
جوري:ضحكت بألم اطمن مصاير ولا
راح يصير
ركــاد:ردت افهم شي منهة كبل سدته

جوري:نزلت جوة للمطبخ بكل هدوء
اخذت علبة الادوية وصعدت قفلت الباب
خليت العلبة كدامي ع الميز بوقتهة
عقلي فصل ع الاخير ما ادري شلون
تجرأت وفكرت بهيج شي بوقتهة
بس حسيت هاي هي خسرت ركاد
للابد ومستحيل اخلص من قبضة علي
الا بالموت فتحت كل الاشرطة
مال الحبوب شكو شريط موجود
كلهن فتحتهن وجمعتهن بطاسة وبلعتهن
كل حفنة سوة ابلع وابجي لحد مفرغت
العلبة اخر شي اخذت التليفون دزيت
لركاد،،