الحجية:يمة مرتضى اخوك لسة
مابين ادك علية ميرد ظل بالي هو
كال ساعة اقل الساعة وراجع وهسة
صار المغرب وهو ماكو
مرتضى:شني السالفة هسة ادك علية
ظل التليفون يدك وماكو رد ظل بالي
اكثر رجعت دكيت ورة وين يلة
رد صدك جذب يا ركاد متكولي
وينك،،،
اجاني صوت رجال غريب،،
عمي هذا ابنكم مسوي حادث ابغداد
وهسة هو بالمستشفى الاوادم اسعفوه
مرتضى:شنووو عمي شدتحجي
وين بيا مستشفى???زين لحظة
عمي حالته شلونهة???
الرجال:والله عمي ما ادري بشي بعد
احنة لكيناها واكع بالشارع مشمور
من السيارة وجبناه ودخلوهة للعمليات
وهاي غراضه كلهة يمي راح اذبهة
بالامانات يم الاستعلامات
مرتضى:مشكور عمي ماقصرت رحمة
الله والديك،،سديته واباوع امي
وجهة اصفر ومخنوكة ركضت عليهة
شبيج يمةةةة???فدوةةة حاجيني
الحجية:اخوك شبيه عايش موو???
مرتضى:اييي والله عايش بس
اهدي شوية هسة اجيج بس اشوف
مضر حتى نطلع لبغداد،،
شوية والبيت انخبص من الاهل والعمام
مرت مضر ومرتضى كلمن راحت
لاهلهة والحجية اصرت تروح وياهم
للمستشفى قفلوا البيت وتحركت
السيارات متوجهة لبغداد،،،،
نرجع لركــاد،،،
ورة مراحت جوري شغلت سيارتي
وتوكلت ارجع لاهلي بعدني توني
حركت دطلع الشارع محسيت غير
سيارة سريعة هفتني والسيارة ظلت
تتكلب محسيت الا وحرورة قوية
براسي وراها صرت بين الواعي
والفاقد سمعت صوت الناس وحجي
ممفهوم وعيوني تغوش وتنسد ويرد
يجي ويروح الصوت واحس احد
جرني روحي طلعت بهالحركة وراها
معدت احس بشي،،،
جوري:خلصت دراستي ورحت يم
اهلي جانوا ديصبون العشة ورة شوية
طب ابوية وياه عمي خالة وداد
سئلت ابوية
بشر ابو خالد شصار خطية بالولد
عرفوا اهله لاااا???
ابو خالد:ايييي ورة المغرب دك تليفون
الولد واني جاوبت وبلغتهم وهاي
وتونة رجعنة اهله جايين
سحر:وانتو شلون تبقون بلكت وكعت
براسكم ????
ردهة ابوية ابرود:مدكاطعت الدنيا
ام خالد ان وكفت اليوم للولد باجر
الله يسخر الاوادم توكف الي ولخلفتي
جوري:بابا ع منو دتحجون???
ابو خالد:ولد شاب خطية جان واكف
يم اسواق الي براس الفرع وجاية
سيارة سريعة ضاربته وفارين السيارة
بية وانكلب والعالم كلهة عايفته
يخافون توكع براسهم المسكين
قرابة النص ساعة مشمور وينزف
ومحد بحاله ع توكع براسنة عاد
ربج سبحان الله صار بطريقي ونزلت
كبل شلته اني وعمج و وصلناه
للمستشفى وجان محتاج دم عاد
تبرعناله وظليت يمه الى ان حصلت
اهله وبلغتهم
جوري:هاي شوكت????
ابو خالد:وية رجعتج من الدوام
جوري:ظليت صافنة وية رجعتي
مجان اكو احد واكف بسسسس،،
يااااا معقولة يطلع هووو لاااا ياربي
خطية زين شلون بلة اكدر اتأكد
هو لو لااا،،رجعت سئلت ابوية
زين شعجب اهله مدروا بيه مدام
يم الاسواق يعني من المنطقة
ابو خالد:لااااا يابة مو منا من العمارة
قريت هويته واهله من اتصلوا مبين
ميندلون لان سئلني كال احنة مو
من بغداد ودليته ورة وين خطية
يلة وصلوا
جوري:مدري شصار بية هووو اكيد
هووو خرب حظج جوري شكد فكر
عميت ع الولد هسة شلون بلة
متحملت اريد احجي كبل اخذت
تليفون امي ودكيت ع رشا وحجيتلهة
كلشي تخبلت
رشا:ولج ام المصايب اعوفج خمس
دقايق تسوين مصايب ولج احجي
شكاتب بالرسالة بالتفصيل حتى النقطة
جوري:اكلج تعالي بحجة تنقلين
الواجب ونسولف،،سديته شوية
واجتي رشا ورحنة للبيت وكعدنة
نسولف وطلعتلهة الرسالة وظلت
مثل الجلب تشمشم بيهة،،،
متكوليلي شبيج مثل المدمنة بس
تشمين
رشا:ولج افيييش شنو هالعطر هذا
ادري غاسل الورقة بالريحة ولج
خطه يجنن هذا الصاك لقطة كلشي
بيه حلوووو حتى خطه،،زين
شراح تسوين???
جوري:بتسائل شسوي يعني???
رشا:يعني ينتظر جوابج وبعدين
هذا رقمه بحجة تسئلين عليه وكذا
وبعدين ابوج نقذه يعني سوي
شوية دراما شبيج ياحظي???
جوري:لا يولي شبيج تخبلتي اذا
اهلي دروا والله تقوم قيامتي،،وبعدين
ماعندي تليفون وما اكدر اجازف بتليفون
امي،،،
رشا:اييي صحيح شلون بلة باعي
جوجو هذا مبين عليه خوش ولد
لان صارله بالشهر لليوم مسوة
شي غلط وهاي ديكلج مستعد اجي
اخطبج
جوري:بابا شبيج منو يكول يحجي
صدك وبعدين ما اكدر اجازف بشي
والله اهلي يطيحون حظي
رشا:والله ما ادري بس اني اشوفه
حباب
جوري:فتحي مخج شجاج اول مرة
تشجعيني ع هيج شي بنتي من
يريد فرصة شنو يعني???يعني
تليفونات ورسايل ومكالمات تالي
الليل،،ايييي بنتي شعبالج لعد
شلون بلة اطيه فرصة??
رشا:كوليله تعال احجي هالحجي
لاهلي وشوفي رده
جوري:صعبة رشو لان ما اعرفه
ولا اعرف طبعه ممكن يكون ابن ناس
ومحترم وصدك غرضه شريف بس
شمدريني طبعه شنووو
رشا:جوري لاتصعبيهة ترى كل
الي يزوجون هيج انتي وحظج بعد
اسلوبه وطريقة تعامله ترى بسيطة
يكدر يمثل كدامج اهم شي سمعته
هو واهلهة واصلهم وبعدهة يجي
وضعه المادي يكدر يعيشج مثل
عيشتج او لا،،ولا الباقي كله يمشي
بالتمثيل يكدر يدللج ويشبعج
حبيات ويحترمج ورة الزواج بفترة
ينكشف اسلوبه الحقيقي،،
جوري:ايييي والله كلامج صحيح
بس شسوي هسة يعني???
رشا:عوفي كلشي لاتسوين واذا
رادج صدك وبعده عد وعده يرجعلج
حتى لو تمر فترة ويتحسن،،،
جوري:الله كريم،،
رشا:الصدك جوجو الولد عاجبج???
جوري:ما ادري بس عبالك اتعودت
علية من اطلع الصبح والظهر عيوني
كبل تروح لمكانه عبالك اطمن من
وجوده،،
رشا:والله وكعج هالركاد هذا،،،يلة
اني اروح اتأخرت،،بااااااي
جوري:باااااي طلعت اوصلهة وراحت
طبوا امي والبنات وامي مو ع بعضهة
مروش شبيهة ماما???
مروة:والله امج راح تموتني تعاركت
وية ابوية علمود خالد تريده يرجع
للبيت وخالد مقبل كلهة جماعتي
يجون وهناك البنات هنا احسن
وخالة هم كالتلهة احسن اله ليش
خطية البنات مياخذن راحتهن
وامي هم كبت ع قريتوا بعقل ابني
وغيرتوا علية وكالعادة الله لا ينطيج
ولا يوفقج مكفاج الاب النوب لفتي
ع الابن
جوري:صدك تحجين هاي شبيهة امي
شلون تحجي هيج
مروة:اني ادري ابوية تخبل وعاط
بيهة وظل يحجي عليهة وخالد
صار اعصاب ويسب ويلعن يريد بس
يهج وتعالي شوفي المصايح الي
صار وعبالج امي جازت لا والله
الا زهكت ابوية وطردهة
جوري:لااااا شلون سوة هيج???
مروة:مجبور جوري امي طلعته
عن طوره احنا دنطلع وراها ابوية
صاحنة والله حتى تعذر من عدنة
ومن خالد كال مو بقصدي بس
سوتني عصبي والمة ظلت تبجي
وتكول والله مجان قصدي شي بس
مكيفة بيكم يومية نكعد سوة
واكلنة سوة ،،،لج جوري النوب
كل حجيهة صار كبال عمتي ومرضت
ع امي وظلت تذب حجي حتى
عمار صفن عليهة كلي امج من كل
عقلهة اخوج صاير نار وكاره حتى
روحه ظليت ساكتة شريد احجي
جوري:طبت امي ويمكن سمعت
حجي مروة ونزلت نزلة علينة وخطية
قهرت مروة ظلت تحجي عليهة
وع خطيبهة اني كبل انهزمت وعفتهة
مالي خلك مشاكلهة،،،اني وسماء
ومروة بنفس الغرفة تمددت بفراشي
واجة ع بالي ركاد ابتسمت اسم
غريب وبنفس الوقت ظل بالي
كمت اتخيل شكله وهو مدما بالشارع
ظليت اتعوذ من الشيطان ومدري
شوكت غفيت محسيت غير الصبح
سماء تكعدني متأخرة اليوم ب7:30
كمت ركض ركض غسلت وبدلت
ونزلت شربت جاي ورشا فوك راسي
تغمزلي
رشا:خيييير اليوم متأخرة الشاغل
بالك يتهنى
جوري:جريتهة كبل وطلعنة وظلينة
نسولف،،،
وهيج مرت الايام وركاد ماكو مختفي
ظل بالي بس ظليت ادعي كون
مو هو الي سوة الحادث،،،،
أنت تقرأ
شـــهـــگـــة عـــشـــگ
Roman d'amourقصتنة تتحدث عن(ركـــاد) شاب حب من اول نظرة وتزلزل كيانه بهالحب ،،، واجه حبه الكثير من الصعاب والرفض ولكن هل ينحني وينهزم أم يستمر ويحارب لاجل حبه????
