شـــهـــگـــة عـــشـــگ

الجزء الثامن

طبعا جدا اعتذر ع التقصير بالتنزيل
وان شاءالله راح انهيهة قبل رمضان
حتى لو صار اكثر من بارت باليوم

لا تزعلين
وبالج بالعرس تبجين
واذا سألوج عني بيوم
اضحكي وكولي هذا منين
احجي براحتج كلشي
بس عن حبنه لاتبينين
هي هيج الدنيا تريد
مافد يوم سوت زين
لاتزعلين،،،،،،

ركــاد:مرت كم يوم ورة المشكلة الي
صارتلي بالدوام وعمامي ظلوا يحجون
وكل اهلي مراضين بلي صار دخلت
بحالة نفسية وكئابة هم شغلي وهم
الانسانة الي حبيتهة تعبت حيل و
صرت عصبي نار ما اتحمل احد ولا
انحمل ع ادنى شي اكب واصيح
وما اخلي تكسير وغلط اكثر من مرة
تلازمت وية اخوتي وامي تعبت وياية
بس هي تحملتني،،،،،
صعبة تشوف حالك بين يوم وليلة
صفيت بلا شي وكل شي تعبت لاجله
وبنيت وعمرت بلحظة ينهدم وبدون
اي سبب كله ظلم بظلم مظلت لا كرامة
ولا شي الحجي طش علية بالمقر
واكو الي صدك والي لااااااااا
بس شنووو الفايدة بعد كلشي ضاع
بس خلص لهناةوكافي صارلي فترة
عايش ومدمر ومأذي نفسي والحوالية
والي ظلمني عايش ومرتاح ومكمل
حياته،،،،،
قررت خلص ان ابدي من الصفر و
احسب كأن توني بديت مشواري بالحياة
صح صعب انسى شغلي الي جان
كل شي بحياتي،،،،
بس مو مهم ان شاءالله كدهة وابدي
من جديد بس ظلت ابالي جورية
ياترى هم راح اكدر ابدي حياتي من
جديد بدونهة اول مرة دك كلبي
وخفق لاجلهة اول مشاعر حب صادقة
وياها،،،،
وياها حسيت بنفسي وغيرت كلشي
بية حسيت بطعم ثاني للحياة
وان حياتي ممقتصرة ع شغل وبس
لاااا اكو هواية اشياء حلوة
مثل ان تحب وتنحب واحساس
حلو وعندك شخص الحياة تتلخص
بيه ،،،،،
معقولة يا ركاد راح تكدر تعيش وتكمل
حياتك وجورية بحضن غيرك لاااااا
ولمنو لاكثر انسان كرهته بحياتي،،،
مرت الايام عادية تشبه بعضهة
وقررت احجي وية حسام وادخل
شريك وياه بتجارة الذهب والصياغة
حسام شاطر بيهج مجال بس محتاج
رأس مال ويكبر تجارته،،،،
وبالفعل فتحت الموضوع وياه وكيف
حسام:وداعت جهال اخذ المحل كله الك
هدية بس كون اشوف ركاد القديم
الجبل الي متهزه ريح
ركــاد:جريت نفس بحسرة ان شاءالله
خوية الله كريم ان شاءالله كلشي
يرجع لمكانه والعافية درجات
بديت وية حسام جنت لام فلوس
الي جنت ناوي ازوج بيهن وامي فدوة
لكلبهة ساعدتني جانت عدهة فلوس
وذهب باعته الحمدلله كلش مشى
تمام وبمرور الايام كبرت تجارة
حسام وكبر الوراد وصرت اكعد وياه
واتعلم كار هالشغلة بس السفريات
كله حسام يطلع بيهة لان لحد هسة
مو كلش ضابط الشغلة،،،
الحمدلله ع كل حال سبحان الله
وعسى ان تكرهوا شي وهو خير لكم
جنت اشوف نفسي ما اعيش بدون
العسكرية بس الحمدلله الي وفقني
وكدرت اوكف ع رجلي مرة ثانية
بس جورية ظلت حلم يتراوالي
وقررت فترة واروح بنفسي واحجي
وية ابوهة وبلكت ربي يسهلهة وينطيهة
لان مستحيل تزوج ابن عمهة الي
اعرفه همة من نوع يجبرون البنية
وهي اصلا مرايدته الله كريم،،،،