شـــهـــگـــة عـــشـــگ

الجزء السابع

تمنيتك نصيبي بس الله ماراد .
ورضيت بحكم الله وهاي هيه..
خسرتك ياحسافه والف ياحيف.
ورحت مثل الحلم من مين ايديه
ضل بس الونين ودمع العيون.
ابجي بكل وكت غصب عليه.
حضي ماحواك وكعد وياك.
وردت اكضي وياك العمر يمك سويه....

جوري:كاعدة بنص الهوسة والهلاهل
خنجر وتطعن بكلبي شلون وشوكت
صار كل هذا شكد جبانة وخاينة مكدرت
ارفض بس بنفس الوقت شكدر
اسوي اني بنية وامري مو بيدي جنت
صافنة وحاجتني مرت عمي،،
ام علي:خييييييررر شبيج هيج ضايجة
حبيبة اليوم المهر مالتج خيرج وحدة
تكيف وتفرح وين تلكين واحد مثل
علاوي فدوة لطوله الف وحدة تتمناه
سحر:ايييي حبيبتي طبعا واحد لايك
للثاني وجوري هم مقاصرة واكيد
تعرفين شكد تقدمولهة ورفضنة
جوري:باوعت بحقد ع امي لاول مرة
بحياتي هيج اتغير وية امي شكد
جانت مروة تشكي منهة بس جنت
اكلهة غلطانة امي تحبنة وادور
سعادتنة بس الي داشوفه هسة لا
سعادة ولا شي الله يساعد كلبك
ركاد شلون حالك هسة،،،،،

قبل شهر،،،،،،

بعد الموقف الي صار وية علي من
دخل علية للغرفة،،،
صار يتقربلي هواية وكل حجاية والثانية
خطيبج وما خطيبج واني بودي
اقتله خلاص والشي الي مخبلني
امي فرحانة ومكيفة بية شنو السالفة
شديصير???
لحد ما اليوم العصر جنة كاعدين
وعلي ويانة كالعادة امي فتحت موضوع
وية ابوية
سحر:ابو خالد شسويت وية ابن العمارة
جوري:حسيت حرارة تطلع من اذني
وظليت ملتهية بالتليفون مال مروة
كأن الموضوع مو يمي
ابو خالد:مصار شي كلما يجي نفس
الرد عدهة امتحانات ومن هالحجي
سحر:وليش متكله هي مخطوبة??
هي اول وتالي جوري لعلاوي
جوري:انتفضت شنووووو???
ماما انتي شدتحجين منو كلكم
اني موافقة???
ابو خالد:اششششش ولج اشو انتي
متحترمين شلون هيج تعلين صوتج
واني موجود
جوري:متحملت كبل بجيت اسفة بابا
مو قصدي بس امي....
سحر:شبيهة امج ليكون حاطة براسج
ابن العمارة???
جوري:تحجي وعينهة بعيني،،معقولة
امي تدري بركاد،،،
علي:عمي اني اكول خل نسوي خطبة
رسمية هسة حتى ع الاقل هالچلب
يولي يومية داك الباب هيج الناس
راح تحجي يكولون اكيد عدهة شي
وياه ولهيج درجة متمسك بيهة
جوري:رجاءا انت لاتدخل وبعدين
انت منو وتقرر بكيفك هاااااا???
لو تبقى اخر ولد ع وجه الارض
ما اقبل بيك فاهم???
ابوخالد:جووووررررري ادبسز
جوري:كام ابوية علية وضربني راشدي
ابو خالد:شلون هيج تحجين وية ابن
عمج???
جوري:بابا هي مو كوة وغصب ما اريده
سحر :وليش متريدي شبيه شناقصة
هم ابن عمج وخريج ومتعين وجمال
واخلاق شنو عيبه????
جوري:مابيه اي عيب وهاي الدنيا
متروسة ترس بنات الا اني???
علي:اييييي انتي بت عمي ومستحيل
الكه وحدة غيرج تصوني،،،
جوري:فقدت وصرت عصبية ايييي
مثل ما علي كامل مكمل ذاك الولد هم
مناقصة شي،،،
ابو خالد:ولللللجججج حيوانة منين
تعرفيه وشعندج وياه اليوم موتج
ع ايدي،،،
جوري:هجم ابوية عليه وضربني ما
مااااا اعرفه والله صدكني وكف
علي كبال ابوية وظل يهدأ بية
وابوية ظل يهدد ويتوعد اخر شي
كال،،،
ابو خالد:سمعي لج اسمعيني زين
وخلي هالحجي ابالج بس تخلصين
امتحانات علي يعقد عليج
جوري:لااااا بابااااا الله يخليك شتريد
تسوي بية سوي بس الله يخليك لا
تسوي بية هيج باااااابااااااا،،،
عافني وطلع ومروة وسماء حاضنيني
واني ابجي دنك يمي علي وكعد
بمستواية
علي:تحملين اخليج لذاك الچلب،،،
انتي الي،،،،الي وبسسسسسس
جوري:رديت عليه بحقد،،،انت هم
تحلم اصير الك اني لركاااااد وبسسسس
علي:متحملت جوابهة كبل ضربته
راشدي وعفتهة وكمت،،،
جوري:صعدوني البنات للغرفة وظليت
ابجي حايرة شسوي بحالي شكول
لركاد شلون اكله ابوية نطاني لابن
عمي،،،
مروة:جوجو احجي الصدك اني وياج
لاتخافين انتي تعرفيه للولد
جوري:هزيت براسي،،اييييي
مروة:شلوون????
جوري:حجيت كلشي لمروة،،،
مروة:والله مبين الولد من صدك يحبج
وشاريج زين وهسة شراح نسوي???
جوري:احجي واشهك بالبجي ما ادري
اخاف اكله ليروح يسوي شي ويتهور
ويزيد الطين بلة
مروة:شيريد يصير اكثر اشو ابوية
كدامنة وكدام علي نطاج لابن عمج
هاج تليفوني احجي وياه واني راح
اراقب الجوة
جوري:اخذت تليفونه وظليت مترددة
بعدين تشجعت وسجلت رقمه
ودكيت عليه بس سمعت صوته زدت
بالبجي بس بصوت مكتوم،،،