عشق سادي
الجزء العشرين
جبر الخواطر
جبر الخواطر علي الله اجبر خاطر اي حد لجأ اليك متكسرش قلب حد مهما كان جبر الخاطر بيكون بابتسامه بكلمه حلوه بنظره عطف مش شرط يكون مادي او باحتياج لحاجه معينه جبر الخاطر معنوي قبل كل حاجه ويابخت من جبر خاطر حد ربنا هيجبر بخاطره في يوم من الايام عشان جبر الخواطر علي الله كله........
في ناس عندها استعداد تعمل المستحيل عشان ترضي اي حد ابتغاء مرضات الله وممكن تساعد حد من غير ما تعرفه بتعاطف معاه بتقدره رغم ان ما فيش بينهم سابق معرفه بس تربيته والبيئه الي نشأ فيها واهله علموه انه ميتخلاش عن حد استنجد بيه او حد محتاجله رغم انه بيقابل ناس في الموضوع ده عندها عزة نفس وكبرياء وشموخ زي الجبال ومبيقبلش المساعده مهما حصل ودول ناس قله جدا بس في نفس الوقت الشخص ده بيطلب منهم انه يساعدهم ولهم حريه الاختار يوافقوا او لا وفي الاغلب بيوافقوا لما بيحسوا ان الشخص ده صادق لو حد غير الراجل ده او الشخص الي بيعمل الخير هيرد ويقول بيتعنتز علي ايه هو فقر وعنتزه بس تربيته الكويسه بتقله اعمل الخير وارميه البحر وده بيكون اكبر جبر خاطر ....
والاهم في كل ده الناس الي بتعمل الخير في الخفاء من غير ما يبين نفسه بيكون جندي مجهول ودول بقا فضلهم اكبر اولا مبيكسروش كبرياء حد ثانيا بيساعدوا لوجه الله من غير شكر ولا كلمه حلوه ولما تقلهم لا بيقلك ( انما نطعكم لوجه الله لا نريد منكم جزأ ولا شكورا) دول بيعملوا كده عشان خاطر ربنا وبس ومبيحبوش يكسروا او يجرحوا حد مهما وصل بيهم الحال ودول بيكونوا جنود الله في الارض...
الخلاصه اوعك في يوم تعظ الايد الي اتمتدلك بالخير او تكسر قلب حد في يوم احتاجلك وحتي لو الشخص ده اساء اليك في يوم من الايام خليك انت احسن منه وقابل الاساءه بالمعروف اجبر خاطر الجميع عشان ربنا يجبر خاطرك وخليك انسان قبل ما تكون راجل لو اجتمعت فيك الصفتين فتاكد ان الي خلف ما متش وربنا هيعوضك خير .....
عشق سادي
هاا ياليلي مبسوطه
في احسن من كده انبساط
قوليلي بقا عاوزه ايه ايه هو طلبك
بس توعدني هتنفذه
مش لما اعرفه واشوف هقدر عليه ولا لا
هتقدر طبعا
طيب اما نشوف قولي عاوزه ايه
عوزاك
هاااااا
عوزا منك .....
هتتكلمي ولا همشي
والله هتكلم
اخلصي يابنتي
عوزاك تبات معايه النهارده ملحقتش اشبع منك
ودي محتاجه كل المقدمات دي
ايوه محتاجه
طيب مش انا قلتلك اني هقعد معاكي ساعتين وهمشي عشان اهلي
بصراحه الساعتين دول مش كفايه خالص
سبحان الله مكنتيش لاقيه دقيقه واحده ولما بقيت معاكي طمعتي
انا فعلا بطمع باكتر من كده
وبتطمعي في ايه تاني
تحضر كتب كتابي بكره
نعم.....
ايوه والله بجد
وبصفتي ايه بقا ان شاء الله
صديقي
انتي صاحيه لكلامك الي بتقوليه ودانك سامعه الكلام الي طالع من بقك
ايوه
لا الظاهر انك اتجننتي بجد
واتجننت ليه ياسيدي
يابهيمه افهمي هحضر كتب كتابك بصفتي ايه وهتقولي لاهلك انا مين
هقلهم انك حبيبي
نهارك ازرق
ليه كده يارب وعدتني بوحده مجنونه
والله منا مجنونه
بت بقلك ايه فكك في الكلام ده ومتعصبنيش وبلاش كلام غبي اتفقنا
حاضر طيب ماشي
ومالك كده بتردي من غير نفس
مافيش طيب حتي بيت معايه النهارده
هقعد معاكي لحد الفجر وهنزل
بجد ياسيدي
ايوه بجد بس اقسم بالله لو قلتي كلام مالوش لزمه لمعلقك في السقف
وعد مني مش هقول كلام يزعلك ابدا
ماشي
