عشق سادي
الجزء الاخير
النهايات اخلاق
كل شيء بيتولد صغير وبيكبر مع الايام
الا الجرح بتولد كبير وبيصغر مع الايام
اجمل مقوله ممكن تسمعها في حياتك لان فعلا ربنا نعمه كتير علينا واهم نعمه هي نعمه النسيان انك تنسي وتعيش حياتك وكان شيئا لم يكن الجرح مبيموتش ولا بينقص من عمرك بس بيوجعك ... بيوجعك لدرجه انك بتتالم من جواك ومحدش حاسس بيك او سامعك او فاهمك ... الوجع الي جواك بيكون اصعب من الجرح الحقيقي الي جسدك جرح القلب فتاك ولكن نعمه النسيان بتخلينا اقوي من الاول وزي ما قالوها زمان ....
الضربه الي مبتموتش بتقوي .....
جرحك في قلبك لازم يسيب علامه وبياثر علي كل حياتك بس مع انك تنسي او تتناسي هتعيش وهتبقي انسان جديد ...
مش عيب ان تختار غلط ومش عيب انك تكون غلط في اي حاجه عيبك الوحيد انك ممتعلمش من اخطائك السابقه تتعلم انك متكررش غلطك ده تاني تتعلم انك تكون قوي ومتضعفش الحب بيضعف اي حد بس ضعفه مع الي يستحقه شيء جميل ....
احيانا ممكن تتخلي عن مبادئك عشان حبك يعيش وللاسف في بعض الاحيان تخليك عن مبادئك مع حد ميستهلش بيقتلك كل يوم الف مره ولو تخليت عن مبادئك مع شخص صان عشرتك وعيشك وملحك تبقا من اسعد الناس علي وجه الارض
دايما البدايات في الحب بتكون جميل في اول العلاقه كل شخص بيحاول يخرج اجمل ما عنده يبهرك بجماال وسحر كلامه بس من غير افعال وانت بتصدق ده لانك محتاج انك تصدق وبعد كده مع مرور الايام بتكتشف انك مغفل لانك اخترت بمشاعرك وبس ومخترتش بقلبك وف الحاله دي الانفصال بيكون اسلم حل وبيرضي جميع الطرفين الانفصال الي بيكون بأدب وبنيه صافيه الي بيكون باحترام مابين الطرفين وشعاره
عشنا وعشتم كنا وكنتم
وعشان كده قلنا النهايات اخلاق ....
صاحبي ياغالي انا بحبك اوي وبخاف عليك وبقدرك وانت عارف كده كويس بس بقالك فتره يارائد حالك مش عاجبني من يوم ما رجعت من مصر قالي ياصاحبي واحكيلي في ايه يمكن ربنا يقدرني واعرف اساعدك متسكتش كده وتقلقني عليك
مافيش حاجه ياحسام بس انا مش عارف اعمل ايه انا بحب ليلي جدا ومقدرش اتخلي عنها بس اضطريت اضحي بحبي ليها عشان متخسرش كل حاجه متخسرش اهلها واولادها وبيتها وحياتها وكل حاجه حلوه في حياتها انا عارف اني ممكن اسعدها وهتكون اسعد ست بالكون وهي معايه بس كل يوم كانت هتتعذب عشان ولادها بعاد عنها لان ابوهم مستحيل هيسبهم يتربوا في حضن حد غريب واهلها ضغطوا عليها ترجع وهددوها بولادها لانهم عارفين انها نقطه ضعفها وانا حاليا مش عارف اعمل ايه استمر معاها زي منا ولا ابعد ولا اكتفي بالكلام معاها عارف من يوم ما اتجوزت وانا علاقتي بيها اتغيرت وهي حاسه بكده تقدر تقلي اعمل ايه دبرني ياوزير
الامر صعب جدا بجد بس مافيش غير حل واحد اقعد مع نفسك وشوف الصح ايه واعمله كلمها وتواصل معاها وشوف رده فعلها ايه من كلامك ده
