#أحببت_عمياء
#فريده_احمد_فريد
الجزء الثاني...............................
آدم لم يستوعب ما يقوله المحامي... قال له
''اتجوز مين.... ''
اردف المحامي يوضح الوصية لآدم
''بنت عمك سالي.... اتعرضت لحادثة خلتها عميا من حوالي 3 شهور.... عمك رحيم داخ بيها ع الدكاتره.... لكن ردهم كان واحد..... العمى اللي أصابها.... نفسي اكتر منه عضوي.... عمك سافر بيها لبلاد بره واجرلها عمليه لكنها فشلت..... عمك لو انت ما تعرفش توفي بالمرض الخبيث.... كان عارف انه هيموت... ويسيب بنته وابنه الصغير لوحدهم ف الدنيا مع ملايين هتخلي الكل طمعان في سالي..... عشان كده انت كنت أمله الأخير..... ف الاخر هيه دمك ولحمك.... وهتحافظ عليها.... وع اخوها زياد.... مقابل رعايتك ليهم وهبلك نص ثروته..... وده شرط الثروة.... قلت ايه يا آدم ''
آدم الكلام ع بنت عمه لم يؤثر فيه نهائي.... هوه بيكره عمه... واكيد بيكره بنته.....
كان لسه هيرفض... أمه لحظت رفض ابنها.... قالت للمحامي بسرعه قبل آدم ما يعترض......
''ممكن يرد عليك بكره.... اصل دي مسؤلية كبيره وأمانه... بس احب اعرف الأول ايه اللي مطلوب من آدم بالنسبة لبنت عمه.... ''
''المطلوب انه يتجوزها.... أول ما يكتب عليها هسلمه الورث... ''
الأم
''ع كل حال... استنى اتصال بكره آدم هيفكر ويرد عليك ''
ف كل الكلام ده.... آدم سهم الله نازل عليه مش عارف امه بتتكلم من دماغها ليه......
بعد ما مشي المحامي.... آدم ثار ف وجه امه
''انتي بتتكلمي من دماغك ليه... مش عايز الورث ده انا بكره عمي... ولا نسيتي انه كان السبب ف موت ابويا بعد ما سرقه.... ''
الأم
''يابني فكر كويس دول ملايين ''
''مش عايزهم... تغور الفلوس اللي تخليني اتجوز واحده بكرها من غير ما اشوفها....... عيزاني ارعي ولاد قاتل ابويا''
الام
''يابني طب عشان اخواتك''
''اخواتي عايشين بالورث من غيره احنا عايشين... خلاص اقفلي الكلام ف الحوار ده ''
هنا اخته اتدخلت لما حست أن الثروه هتضيع قالتله
''بقولك ايه يا آدم.... المحامي قال شرط الورث انك تتجوزها.... انا لو منك اتجوزها... واسيبها زي اي خردة ف البيت.... وانت عيش بفلوس الحرامي ده .... ونتمتع ونعيش اللي اتحرمنا منه.... وسالي دي.... كبر دماغك منها خالص.... اكتب عليها وسيبك منها وصاحب وحب واتجوز انت حر ايه رأيك ''
آدم سكت شويه وفكر ف كلام سلمي اخته.... قال
''عندك حق.... بس انا مش هسيبها في حالها.... لازم اذلها.... واعرفها اد إيه أنا بكرها وبكره ابوها ''
الام
''ياولاد حرام عليكم دي عاجزه ف الأول والاخر''
دعاء الصغيرة
''والنبي انتي اسكتي يا اما انتي غلبانه... دي واحده عاشت عمرها كله ف عز ونعيم... واللي زينا بالنسبة لها مجرد خدامين ''
آدم صرخ ف اخته
''بس يا بت... اوعي تقولي كده تاني مش هسمح لها تتجرأ ع واحده فيكم... هندمها ندم عمرها''
.....................................
اتصل آدم بالمحامي وبلغه بموافقته.... واتفق معاه يعدي عليه يوم الخميس عشان يروحوا بيت عمه سوا مع المأذون...............
............................
الايام مرت بسرعة... وكل ساعه آدم بيفكر هيعذب بنت عمه إزاي
لازم تدفع تمن غلطات أبوها....
عدي المحامي عليهم.... اخدهم كلهم لفيلا رحيم بيه.......
نزلوا من سياره المحامي.... مبهورين
إنما آدم كانت الضيقه والخنقه كاتمه نفسه..... كان كاره اللي هيعمله
لكن عشان خاطر اخواته يعيشوا مرتاحين باقي العمر............
الكل دخل البيت ..... لكن آدم بيقدم رجل ويأخر رجل
لكن وهوه داخل سمع المحامي بيقول
''سالي حبيبتي احنا جينا''
ردت عليه سالي
''اهلا اتفضل يا عمو.... ''
لاحظ آدم انها ما طلبتش منهم يتفضلوا.... حس ان كرهه ليها ف محله... مغروره متغطرسه زي ابوها
لكن الأم ابتدت الكلام موجهه كلامها لسالي
''ازيك يا سالي اخبارك ايه يا بنتي ''
سالي ردت مستغربه
''اهلا مين حضرتك... ''
ف اللحظة دي آدم رفع عينه يبص ع بنت عمه يشوفها هتكلم أمه ازاي.... لكن
لقى نفسه سهم مره واحده.....
لقى بنت ايه ف الجمال.... شعرها طويل جداً.... اسود ناعم
جسمها متناسق تماماً.....
عيونها خضرا بصفاء.... جمالها سمع عنه ف حواديت زمان
مش قادر يصدق ان ف جمال بالصفاء..... دا
الأم قامت بالتعريف عن نفسها وقدمت بناتها..... سالي رحبت بيهم كأنهم ضيوف اغراب عنها
آدم اتضايق من الترحيب.... الجاف
لكن ما اتكلم ابدا....
سالي كانت عارفه بالوصيه وعارفه اللي هيتم.....
حضر المأذون وكتبوا الكتاب
واستلم آدم أوراق ميراثه رسمياً.... أول ما مسك الورق ف ايده
بص لسالي اللي بدأت تتطمن للضيوف وتعاملت بلطف أكبر نسبياً
لأنها عارفه ان الناس دي زي ما ابوها قالها عنهم.....
انهم لصوص..... اخوه وعيلته سرقوه
وحاولوا يقتلوه عشان الفلوس....
...................... يتبع
