***أحببت... عمياء ***
الجزء الحادي عشر.........................
أحمد انسحب بهدوء.... نزل انتظر نزول يحيى.... أول ما يحيى ركب عربيته ... لقى الباب اتفتح.... ودخلوا أحمد يبتسم ابتسامته الخبيثة
تعجب يحيى لكنه عارفه...
يحيي''مش انت ابن الشريف اللي فوق عايز مني ايه''
احمد''تؤتؤتؤ.... سيب الشريف ف حاله... مصلحتك معايا انا... تعالي بس نقعد ف حته هاديه... ونتكلم بهدوء وروقان ''
***********************
دعاء رفضت تفطر... أو تتغدي... امها من خوفها عليها... قالتلها
''طب انتي عايزه ايه دلوقتي وانا هعملهولك بس تبطلي عياط... وتنزلي تاكلي لقمه معايا.... ''
دعاء كانت هتتجنن وتقابل أحمد... من امبارح تلفونه مغلق... هيه اللي حذرته يتصل بيها....
لكنها كان نفسها تسمع صوته... قبلت تتفاوض مع امها... وقالت
''هنزل معاكي... بس عايزه اروح النادي... نص ساعة بس واكون هنا.... ''
الأم '' نص ساعه بس... زي امبارح كده ساعتين بس... ''
دعاء '' ط واللهي هيه نص ساعة مش اكتر.. ''
الام''خلاص ماشي... ط يلا بقى عشان تاكلي اي حاجة ''
سلمى مكانش عاجبها دلع امها الماسخ في دعاء..... قالت لنفسها
'' اشمعنا امي بتقفلي على الوحده وسايبه دعاء هانم على راحتها طب والله لا اروح انا كمان عند هيما اقعد مع صاحبتي و لو اتكلمت اقولها اشمعنا دعاء هو انت عندك خيار وفقوس ''
و غيرت هدومها و قالت لامها
'' انا خارجه ''
امها قالت لها '' على فين ان شاء الله'' بصت سلمى الارض و فكرت شويه قالت لها
'' زي بنتك هروح النادي شويه العب اي رياضه بدل قعدتي في البيت''
كان رد سلمى وقح قليلا لكنها كانت تشعر بالغيره من اختها الصغيره أنبت نفسها...........
وهي تحدث امها بهذه الطريقه لكن امها قالت
'' بس متتاخريش عشان خاطر ربنا ما توقعونيش ف مشكله مع ادم ''
قالت سلمى'' ادم النهارده هيعلم على الشغل اكيد مش هيرجع يعني قبل 12 واحده بالليل انت عارفه ابنك من ساعه ما جينا هنا و احنا مش بنشوفه غير كل فين وفين ''
دخلت سالي على الحوار ده وقالت
''في حاجه يا جماعه''
لكن سلمي قالت
''لا انا خارجه شويه بس ماما واقفلي على الوحده '' سالي قالت لها
''رايحه فين''
قلت لها'' تعالي يا سالي انا هقولك''
و خرجت معها الى الحديقه و جلسوا على ترابيزه صغيره و قالت سلمى عن مكنون قلبها افصحت لسالي عنه
سالي الصديقه الوحيده لها حاليا..... قالت لها
'' انا مش عارفه اتصرف ازاي يا سالي انا بحب ابراهيم زي ما قلتلك قبل كده وكل يوم اتصل ب رحمه اتصل اطمن على مامته عايزه اروح اشوفها ''
