قد سامح الغصن الرياح ولكنه انكسر ..

7

#قد_سامح_الغصن_الرياح_ولكنه_انكسر

قد سامح الغصن الرياح ولكنه انكسر"

البارت 7

.....🌸🌸🌸

وهي تكلم نفسها بدهشه قاطع سكوتهم مره ثانيه : دام ماعندهم شي بكره ان شاء الله بطلعها هنا الصبح
مواده بتردد: محمد ؟ الان منك جد بتدخل بيتنا واحده عليها كل هذا الكلام ؟ محمد بتتزوج واحده حتى اهلها **
قاطعها: البنت صارت زوجتي ي بنت عمي ؟ وانا مابسمح عليها بكلمه ؟
بكره بطلعها ولا اسمع حد يفتح امامها هذا الموضوع هذا شي يخصني انا وهي وانا قابل بها
انتم كلكم هنا بتحترموها هي صاحبه البيت
اي حد يغلط عليها بهذا الكلام ما بتعرفو كيف بتكون رده فعلي !!!
هي تحترمكم وانتم تحترموها
فهمتم او اعيد
موده بنرفزه : مافهمنا عيد ؟ اي بنت بتتكلم عنها
محمد رفع حواجبه وشاف لها بنرفزه: داليا صاحبه البيت وزوجتي وبتحترموها وتقدروها ولا تفتحو سيره الموضوع ! اذا تحبو افعل لكم قدر وقيمه افعلو لها ؟ فهمتي او ارد عليك برد يعجبك
وعلى فكره لسانك طويل اليوم
موده سكتت بقهر
سلوى: اهاا داليا اسمها حلو
شاف لها ووقف وطلع الدور الثاني
وهم يشوفو بعده
سلوى: الان منه جد بيجيب لنا مريضه نفسيا ويشتي نحترمها ؟
شروق: مريضه مثله
ابراهيم: اصلاً كلامكم عيب ما ينفع ذي زوجته
موده : زوجته ؟ انت ماتعرف ايش قالو اهلها عنها وهم اهلها احنا ماكذبنا الا زدنا سترنا
سلوى: هو عارف ي موده والله انه عارف كل شي
بشرى: بدات اشك ان في شي ب الموضوع ؟
........
غير ملابسه وهو يتذكر كلامهم :
من كثر كلامهم ماعندهم طلبات
خذها بلاش حتى
انت منك جد ي محمد اعرفك لو حد شرب من كاس ما تشرب بعده بتاخذ بنت اعلم الله كم واحد مسكها

مسح وجهه بيده :...
وجلس فتح الانترنت شوي
فتح الفيس وتفاجى برساله * السلام وعليكم انت الضابط محمد ؟ اسمع بقدم لك نصيحه مجانيه انا اعرف البنت اللي خطبتها داليا فؤاد عبد الجليل البنت ذي كم مره طلعت معها وكم مره جلست معها .. ذي ماعندها شرف ... انسانه وقحه بوجهه ملاك ... انصحك تتركها مجرد نصيحه من مجهول "

محمد دخل صفحته وصورها ورسلها لحسام : حسام شوف العاملين حقنا خليهم يحددو لي مكان الشخص هذا ومن فين بيرسل
ورجع غلق وهو يفكر :..؟
اخذ جاكته وطلع
دخل المشفى وصل عند غرفتها وهي مفتوحه
وكانت نايمه وعامر جنبها
اشر ل عامر وخرج
عامر: خير في شي ؟
محمد : لا لا مافي شي بس اعتقد البنت خلاص صارت زوجتي بنام انا عندها انت روح
عامر : لا لا عادي روح نام وتعال الصبح اخذها اصلا مافي الا كرسي واحده ونوم الكنب مش حلوه ههههههه روح انا بنام
محمد ضحك : لا بنام هنا طيب
مسك كتفه: يالله روح
عامر ابتسم : طيب
ووجع شاف له: ماوصيك امانتك ب داليا ! هي ما تستاهل كل شي صار معها
طلع وهو يشوف بعده ويفكر: الانسان الوحيد اللي مدحها!!

دخل وغلق الباب وجلس وهو يشوف لها وهي نايمه ويكلم نفسه : عندما اشوف ملامحها اقول ذي البنت بريئه من كل التهم ذي الا ملاك
وعندما اسمع الكلام حتى من اهلها اقول مستحيل بيتهموها ذي الاتهامات كلها كذب
مافيش دخان بدون نار
جلس على الكرسي امامها : لكن صدق لا قالو لا تحكم على شخص الا اذا عشت معه
انا بشوفها بنفسي
بشوف هل هي ملاك برئ او شيطان رجيم ...
وهو يفكر دق له حسام كان التلفون صامت
اخذه ورجع عند الشباك وفتحه وبصوت واطي عشان لا يزعجها : ايوه
حسام : بصراحه ي سيدي الموقع حق الصفحه اللي رسلتها هو نفس عنوان عائله زوجتك ؟ يعني من نفس البيت
محمد غض شفته : اهااا
حسام : اي اوامر ثانيه
محمد : مشكور تسلم
غلق التلفون والتفتت يشوف ل داليا
..........
وهم ب الصاله دخل عامر
فؤاد استغرب: ما بتنام مع اختك
عامر : زوجها جاء وقال بيجلس هو
ام زينه: خلاص مستعجل عليها ما بيصبر الى بكره وبتروح معه يحسب نفسه تزوج ملكه جمال الكون
زينه ساكته
فؤاد: خليه فكنا منها اصلا
ام زينه ساكته بغيض
زينه فتحت الفيس وشافت الرساله * البنت ذي قاهرتكم لذي الدرجه ؟؟؟ موتي او موت بغيضك صارت زوجتي *
انقهرت ودخلت غرفتها وغلقت
جوالها كان يدق فتحت
وكانت نوال : زينوه مالك اليوم مو طبيعيه حزينه وما تتكلمي كثير وسرحانه ووواتسابك مغلق
زينه : ولاشي ي نوال
نوال: انا اعرفك تكلمي تكلمي
زينه: نوال تعرفي الضابط ذاك جاء اليوم وعقد على اختي داليا
نوال وقفت: من صدق 😨 ذا مجنون بعد مادخلت الامن مرتين بتهم مثل هذي وعاده تزوجها
زينه : طلع واحد غني تصوري حتى اشتري لها بمليون ونص ذهب
لانه مافعلنا عرس ولا شي رجع شرطها ذهب
نوال: فووووق هذا كله
زينه : يعني ليش داليا محظوظه اكثر مني ليش
تزوجت واحد وسيم متعلم وغني ويحبها ليش
نوال: لحظه لحظه انا الى الان مصدومه ذي ما تحصل الا ب الافلام
كيف يتزوج واحده قضاياها تشيب  الراس مثل اختك!!
.........
كانت نايمه والغرفه شبهه ظلام فتحت عيونها ب الخفيف وشافت شخص واقف امام الشباك مافي الا ظله وكان طويل
صاحت وحاولت تقوم بسرعه وهي تنادي ب اسم اخوها : عاااامررر عامررر
لصي الضوء هو بسرعه: خير مالك
اهدائي رجلك مكسوره لا تنسي
داليا بتوترلما عرفت شكله : وين عامر
محمد : طلع انا بنام عندك اليوم
داليا : وليش اخي طلع وليش بتنام هنا انا اريد اخي
محمد بهدوء: اهداي اظنه قال لك انك صرتي زوجتي وبعدين ليش صحتي كذا خوفتيني فكرت في شي
داليا : شفت ظلك وهو ظلام وانت طويل اطول من اخي عشان كذا خفت لو يكون حد دخل غرفتي ماجاء في بالي تكون انت
محمد: خفتي اكون حد غريب في غرفتك ؟ عجيبه مش يقولو انك متعوده على الشباب والطلعات معهم ؟
داليا تغير لونها بعصبيه :....
محمد : الان ارجعي نامي لانه بكره الصبح بنطلع بيتنا خلاص انا صرت قدرك ونصيبك لا عاد تخافي مني لانك ببساطه ماعاد تقدري تهربي مني ...!

........