قد سامح الغصن الرياح ولكنه انكسر ..

20

"قد سامح الغصن الرياح ولكنه انكسر"

البارت 20

🌸🌸🌸🌸

روح البيت وهي ب الصاله كانت مسرحه شعرها ومسويه مكياج خفيف ومغيره ملابسها
اول ماشافها رفع حواجبه بتعجب بيسال نفسه ايش صار فيه ليش صاير ذي الايام تهتم بشكلها بذي الطريقه
شافته بيشوف لها ووقفت: اجهز لك العشاء ؟
محمد : ع ما ادخل اغير ملابسي

بعد دقائق كان يتعشي وهو ساكته وهي تشوف له ب اعجاب وتحاول تفتح معه موضوع او تخليه يتكلم
داليا : الان ايش بيصير مع منى ؟
محمد كان يتكلم بدون مايشوف لها : طبعا بتاخذ اعدم
داليا فتح عيونها: من صدق
محمد : الجروح قصاص
داليا : اهلها ماجاءو ؟
محمد : ابوها جاء وريته افادتها ب التحقيق وبكي
داليا : بس ليش قتلته وهي كانت تحبه
محمد : كان بيخطب واحده ثانيه وهي غارت يعني سبب غير مقنع ل فعلتها
داليا : الا مقنع ؟؟؟
رفع عيونه لها :...
داليا : موده بتقول دئما كل شي يجوز ب الحب والحرب ... وب الحب حتى القتل يجوز
كانت تشوف له وشاف لها وبعد ثواني تكلم : وموده ذي من هي عشان تاخذي بكلامها ؟؟ بتالف شرع من عندها ؟؟ هذه قوانين وتشريعات الله القتل من اكبر الجرايم ويعاقب فاعلها ب الاعدام وجهنم وانتي وموده بتجيبو اسلام جديد تفصول على كيفكن ؟
قاطعت كلامه بسوال اثار غرابته : انت قد حبيت ؟؟؟؟
سكت :....
داليا: قولي هل جربت الحب ؟ هل كنت في علاقه
قاطعها بعنف : ما تشوفي حالك بداتي تتمادي ؟؟؟؟ هذي حياتي الشخصيه انتي ايش دخلك اذا حبيت او ما حبيت ؟ وبعدين ايش ذا الكلام السخيف اللي يمثل ماضيك ؟؟، ايش اللي قد حبيت كذا وفعلت علاقه ؟؟ قولي لي انتي كم علاقه فعلتي
شافت له لثواني وقامت بعصبيه وهو يشوف بعدها :....
دخلت غرفتها غلقت وجلست ع السرير وهي في قمه توترها وكانت مقهوره من كلامه : ليش الانسان اذا مسكو عليه شي ب الماضي يذلوه بقيه عمره ؟ طيب نفترض غلط ؟ اذا كان الله سامح جرائم اقوام  عندما تابو هذول ما يسامحو ؟
وبعدين ذلني بماضي هذا اللي مش موجود ؟ ليش ما يفهم محمد انه هو اول حد لمسني بحياتي عندما مسك يدي ؟؟؟وانه اول حب بحياتي ؟ وانته اول شخص جلست معه اتكلم ؟  بيجلس كذا يعيد ويكرر وعادنا متامله منه يحبني ؟ مستحيل بيفكر فيني ؟ ومحنا بنطلق بعد اشهر ؟ انا بموت لو يكون لواحده غيري ما اقدر اتخيل ؟ اشتيه لي بس

قام هو بنرفزه كمان وغسل يده وهو يتذكر كلامها وكلا منى : انت محظوظ لانك تزوجتها
دخل غرفته وفتح الانترنت بيشوف فيه
وصلته رساله في فيس بوك : انا خايفه ؟؟
شافها وبغرابه :  ؟؟؟
رده : انا خلود
محمد رفع حواجبه : كيف طلعتي حسابي
خلود : اوووف بتخليها معجزه ؟؟؟ كتبت اسمك وطلع ؟ يعني لو جبت لي رقمك حرام ؟
محمد : طيب المطلوب مني ؟؟
خلود : انا لحالي خايفه لوحد يجي الان يقتلني ؟
محمد : محد بيقتلك ليش بيقتلك اصلا
حلود : يعني ماشفت رسائل التهديد ؟؟ شوف ي فندم محمد لو يصير لي شي بذمتك
سحب نفس عميق وفي نفسه انا في داليا والا في هذا : طيب انا برسل لك الان اثنين حرس اهداي
شافت الرساله وابتسمت وفي نفسها : عادنا بعدك بعدك ما بتخلص مني ب اثنين حرس
...............
اليوم الثاني خرج بدون لا يشوفها
خرج بدري
وصل هناك وحسام دخل بيكلمه وكان معه اورق :في قضيه تحولت لعندنا
محمد رد ظهره ع الكرسي: كمل
حسام جلس : القضيه هذي لها سنتين تغلقت ب انه المجني عليها انتحرت
بس قبل كم يوم شافو شي يثبت انها ماتت مقتوله
بس ماقدرو يوصلو الى نتيجه لهذا حولوها لك
حسام ترك صندوق على الطاوله: عذي كل الاوراق اللي تخص القضيه من الطب الشرعي وصور الضحيه والخ
محمد فتح الصندوق وحسام يكمل كلامه : اسمها جنات عمرها ٢٥ سنه ،، كانت تعيش وضع صعب بسبب موت اهلها بحادث سير
يقولو انها تعالجت اكثر من مره عند دكتور نفسي
وفي اورق تثبت
ماتت قبل سنتين وسط بيتهم وكما قالو المحققين انه حادثه انتحار لانه ظهرت عليها اثار سم الفيران ورجحو انها انتحرت به
والان بعد سنتين سكنو ناس جدد البيت الذي كانت فيه
وكانو عارفين ان في واحده ماتت فيه
المهم واحد منهم قبل اسبوع راح لضابط
وعطيه "السيانيد" قال حصلها بين فراش وسرير المجني عليها
محمد رفع حواجبها : السيانيد؟؟؟
حسام : ايوه !!
محمد : طيب اذا كان عندها السيانيد ليش انتحرت ب سم الفيران ؟؟؟؟
حسام : هذا يدخل الشك ان الضحيه ما انتحرت بل قتلت ،، يمكن كانت تحصل مضايقات ونفسيتها تعبانه اشترت السم هذا عشان تنتحر بس الواضح ان القاتل مكان عنده صبر فقتلها قبل لا تنتحر
محمد فتح الصور وشاف صورها وهي ميته كان في مناطق مسوده على جسمها: لاحظ كانها انضربت
حسام : ذاك الوقت وبناء على شهادات الطب النفسي ظن المحققين انه كانت تضرب نفسها او تعذب نفسها
بس الان هذا الكلام غير مقنع ؟ واضح انها تعرضت للضرب والتعذيب وكذالك للقتل !!!
محمد : طيب ماباقيش احد من اهلها او شي
حسام :الا عندها عمها وابن عمها وعندها خالتها وبنات خالتها وكمان جيرانهم
وهم يتكلم الباب بيدق
محمد بصوت رافع: ادخل
دخلت : ي فندم في بنت تريد تكلمك تقول ضروري

محمد : مين ذي
ناديه : مدري
محمد: خليها تدخل
رجعت وهي دخلت وكانت خلود اول ما شافها رفع عيونه فوق : يا الله
حسام ابتسم : خير ؟
خلود دخلت : شوف ي فندم محمد متى تفهم ان حياتي معرضه للخطر
محمد ب استهزاء: حياتك معرضها للخطر ؟ خير ي ايزابل ؟
خلود : انت كذا تستهزاء وتستهتر بس ،، ولو يصير لي شي بذمتك والله
محمد : شوفي انا معي امور اهم واخطر من حقه هذول روحي اجري لك حارس او شرطي وفكيني
خلود : انا اريد محقق يطلع اللي بيهددني وانت تتمسخر
حسام ضحك: محد يهدد حلوين
محمد رفع حواجبها : لا ؟؟ شوفي حسام مستعد يساعدك اتفاهمي معه
خلود وقفت: انا اريدك انت ؟ ليش انت ايش معك ،؟ مش انت المحقق تبع المنطقه او تتعامل مع الكل الا انا
محمد : طيب طيب اذا صار شي جديد كلميني شي بحاول اوصل للي يهددك واكسر راسه وافتكك
ضحكت ووقفت بتطلع ورجعت شافت له: ما بتجيب رقمك ؟؟
ثواني وهو يشوف لها ورجع ابتسم: لا !
طلعت وهو يشوف بعدها
حسام : اقطع يدي اذا عندها قضيه هي تشتيك انت !!! شكلها حلو شبكها
محمد ضحك: انا متزوج
حسام : الان منك جد ما بتفكر تتزوج مره ثانيه ؟؟ مكتفي خلاص
محمد :طبعا افكر اتزوج بس اذا طلقت زوجتي الحاليه
حسام : ناوي تتطلقها ؟؟
محمد :.....
...............
زينه : وكيف بيخلوك تدخلي لعنده ؟
خلود: اجلس اتصيح معهم  واقل لهم اني مذيعه معروفه وفي ناس يحاولو يقتلوني ومن هذا ويدخلوني
زينه : هههههههههههههه برافو
خلود : اعجبك هههه المهم كلها كم يوم ان شاء الله وان اختك داليا عندكم
زيمه : خههههه بتكون اول مره افرح بدخول داليا البيت
...........
رجع المساء وهي ب الصاله بتشوف التلفزيون مع بشرى
وبشرى كانت تشوف التلفون
دخل : مساء الخير
ردو عليه
ورجع شاف لهن: وانتين كل وقتكن على التلفزيون والتلفون ؟ ماعندكن شغله ثانيه
دخل غرفته وبشرى شافت ل داليا : مش قلتي تشتي تلفون كلميه يجيب لك
داليا رفعت حواجبها : بشرى انتي مجنونه ايش اقتل له هات لي تلفون ؟ بيشوف لي لما يفجعني
بشرى: عادي ما بيقول شي هذا هو جاب لنا كلنا
خرج من الغرفه وهن يتهامسين
جلس بعيد شوي ومسك التلفون بيتصفح
بشرى شافت ل داليا : اصلا نحنا معنا مجموعه ب الواتس ونتكلم كلنا
داليا : ايش الواتس ؟
بشرى: في حد مايعرف ؟ هذا برنامج تواصل اجتماعي وكذا
داليا :..
بشرى تحاول تلفتت انتباهه محمد: طيب ليش ما تشتري تلفون
داليا شافت لها بتوتر وهو شاف لهن :...
بشرى: ليش ما تشتري لها ي محمد عادي ؟
سكت شوي ورجع شاف لها: لو تنزلي تنامي يكون احسن لك
ضحكت ووقفت ونزلت
وداليا تشوف لها
ورجعت وقفت: اي عادي ليش ما تشتري لي تلفون
محمد وقف ووصل عندها :ليش عشان تكلمي اصحابك القدماء؟؟؟؟
بلعت ريقها بصعوبه : وانت ما بتنسى ؟؟؟
محمد : لا ما بنسى لانه كل ما اشوفك اقول حلوه واتذكر كلام اهلك تشمز نفسي منك واقلب وجههي عنك !!! وما اطيق اشوفك
قبضت ايدها ببعض بتوتر ودخلت غرفتها وغلقت وهو واقف ب الصاله بيشوف بعدها
وصلته رساله للماسنجر : انا خااااايفه ....!