قد سامح الغصن الرياح ولكنه انكسر ..

25

#قد_سامح_الغصن_الرياح_ولكنه_انكسر

"قد سامح الغصن الرياح ولكنه انكسر"

البارت 25
🌸🌸🌸🌸

كانت تشوف له بجديه : بقتل نفسي عشان ترتاح مع خلود !!! خلك معها وخلني انا احرق ايش هامك
محمد: صح ايش هامني ؟عاد لو حرقتي نفسك احسن انا مش خاسر شي ؟؟؟ بكره اقبرك وبعده اروح اخطبها ؟؟ يعني عادك الان واقفه في طريقه بعدين خلاص مااااتت
داليا الدموع تجمعت بعيونها: عادي عندك لو احرق نفسي امامك ؟؟
محمد غمض عيونه بقوه وفتحهم  : داليا لا تكوني غبيه ؟؟ صدقيني انتي بتضري نفسك ؟ لانك انتي بتحرقي ب الدنيا وتحرقي ب الاخره !! انا ما بخسر شي ؟ لا تفكري اذا بتهدديني كذا بتذليني صدقيني انا مش خاسر شي انتي الخسرانه ! انتي اللي ما تستفيدي شي ؟؟ حتى خلود مش خاسره محد خاسر غيرك جربي تفكري بعقلك لا تخلي قلبك يتحكم بك
داليا بعصبيه : ما انا احرق اصلا ايش المختلف
محمد : المختلف انك بتحرقي مرتين مره على الدنيا ومره وللابد في الاخره !!!
بكت وهي تتكلم : انا ماربحت شي بحياتي طفشت منها ! انا ماعاد عندي غيرك وهذا انت بتتركني وتروح لها
سحب نفس عميق : داليا شوفي انتي الان منفعله  وصدقيني لو تجلسي مع نفسك كذا وتفكري يتشوفي انه غلط اللي تعمليه
فتح يديه واشر لها  : تعالي
شافت له شوي وهو مد ايديه: تعالي فكري بعقلك
لو تفعلي بنفسك شي محد بيضره هذا الشي ؟ صدقيني القمر ما بيخسف والا الشمس بتكسف ؟ حتى الرياح ما بتشتد ولا قطرات المطر بتمطر حزن من السماء عليك ؟ محد بيهتم انتي بس بتدمري وتضيعي نفسك ! بنسبه لي انا وخلود بنتزوج وخلاص ونكمل حياتنا عادي ؟ من بيكون الخسران !
شافت له وهي تبكي ورجعت تركتهن من يدها وضمته :.....
محمد بهدوء وهو مقدر انفعالها : لا تكوني ضعيفه كذا حتى لو تركتك وانا بتركك ب النهايه ! كوني قويه بنفسك ! لا تستندي على احد !
داليا : تعرف انه غصب عني انا اموت قهر لو واحده تقترب منك ! انا اسم خلود اذا سمعته يفور دمي احسه يغلي داخلي !!
محمد : طيب كيف عرفتي اني كنت معها
داليا : موده ارسلت للقروب
محمد عقد حواجبه : موده ؟
داليا : ايوه هم عندهم ارقام بعض قالت انه سالتها وين هي وقالت انها معك
محمد : وموده ارسلت عشان تقهرك وفعلا قهرتك ؟ لانك ما تسخدمي عقلك ! كل شي تعمله موده لا تثقي به !
داليا : مدري ليش موده تفعل كل شي عشان تقهرني ليش !
محمد سرح شوي وتكلم : وانا ما جلست مع خلود جلسه غراميه هي كلمتين وكلاً راح بحال سبيله !
داليا مسحت دموعها : يعني ما تحبها !
محمد ضحك وغير الموضوع : تعرفي انك خسرتيني الان قيمه البترول بس يالله سهل
ادخلي غيري ملابسك وتغسلي بعد البترول
داليا ضحكت: طيب اسوي لك عشاء
محمد : لا خلاص شبعت بدخل انام
مسكت يده : متاكد لايكون بسببي
محمد سحب يده : لا تعبان شوي يالله تصبحي ع خير
دخل غرفته وهي تشوف بعده ومسحت وجهها : يا الله ي داليا ايش صار فيك !! طار عقلك فجاءه !!! كيف بتتحكمي بحياته !!! من انتي اصلا ؟يحب من يشتي ويجلس مع من يشتي خف عقلك ي بنت !!! الرجال ماقصر معك كثر الله خيره فعل خير بتجزيه شر !!!!
جلست ع الكنب بتعب : اااااااااااخخخخخ بس بيطير عقلي لما اسمع انه معها بجنن !!!!