قد سامح الغصن الرياح ولكنه انكسر ..

31

#قد_سامح_الغصن_الرياح_ولكنه_انكسر

"قد سامح الغصن الرياح ولكنه انكسر"

البارت 31

🌸🌸🌸

محمد كان يشوف لها وهو ملاحظ توترها ومد يده : هاتي يدك ؟
داليا عقده حواجبها بدهشه وهي منزله راسها وتشوف الى يده !!
محمد : هاتي يدك مالك ؟
مده يده وهو قبض يدها بقوه خليها رفعت عيونها له بدهشه وهو ابتسم: الان بعرف اتكلم وانتي تشوفي لي
كانت ساكته :...
محمد :شوفي ي داليا الانسان بيتحكم بكل اعضائه الا قلبه ! دئما يتمرد عليه !!
وقلبي ي داليا تمرد علي من اول لحظه شفتك فيها !!
رفعت حواجبها
وهو يشوف في عيونها:اذا انتي منتظره مني كلمه انا تعبت وانا اكتمها !!
كانت تشوف في عيونه بس
محمد: انا احبك !! كذا بدون مقدمات انا احبك !
فتحت عيونها بدهشه وماقدرت حتى تتكلم :...
محمد: ادري متفجاءه اعرف انك اول مره تشوفيني مايل لك كذا
ادري انك اول مره تشوفيني ضعيف مو قادر اتحكم بنفسي
بس انا تعبت من الكتمان انتي ماتعرفي ي داليا كم هذا الشي بياخذ من طاقتي
كم يتعبني ... كم انام وانا مرهق من التفكير وحبس الكلام بداخلي !!!
داليا بدهشه :...
محمد فك يدها ولمس خدها بيده فزت هي بطريقه متوقعه :انتي اقرب لي من نفسي ! حاولت بكل الطرق اكون بعيد عنك وفشلت دئما كنتي تضعفيني واقع على وجههي ..
دئما كنتي تغلبيني ،، انا فاشل امامك ..
كنت اشد نفسي واقسي عليك وما اقدر اكمل يومي وكل تفكيري عندك كيف اصالحك كيف اخليك تبتسمي بعد ما نزلت دمعتك !
حاولت كثير ابتعد .. اشيلك من راسي .. اقنع منك .. كنت اكرهك وارجع احبك وكنت اناقض نفسي واحاربها .. كنت اقاتل نصفي المايل لك بنصفي اللي يتجنبك ..
لا تشوفي لي كذا مثل المنصدمه الحب هذا ماجاء في يوم وليله ...
تعرفي ذيك اليوم يادليا اللي دخلتي عندي انتي واختك وصديقاتها
ذيك الحظه اللي كانو يتكلمو كلهم ماعادك كنتي ساكته ؟
تعرفي ي داليا ذيك اللحظه كانت اول لحظه بحياتي اشعر بها ب الانجذاب لبنت ؟ او حتى اتمنى اسمعها تتكلم ؟؟
وعندما تكلمتي ي داليا تكلمتي بطريقه بريئه اول مره احد يتكلم بذيك الطريقه عندي
اول مره احس ان في حد صادق بكل كلمه يقولها
بعد ما طلعتي طول الليل شغلتي عقلي وتفكيري
فكرته شي عابر وبقدر اتعداه
ولما شفتك بعد شهر ب المشفى انصدمت
حسيت القدر جاءبك لي مره ثانيه ؟
وذيك المره ماعاد قدرت اتجاهلك
ولا قدرت ارجعك ل اهلك لانه من داخلي خفت عليك
بس الكلام الي سمعته عنك وقف في وجهه قلبي
وماعاد قدرت افعل شي
لا قدرت احبك ولا قدرت اتركك
وتزوجتك .. انا تزوجتك عن حب ي داليا مش زواج عادي ولا زواج لاني شفقان عليك
انا تزوجتك لعلى وعسى تطلعي من قلبي
كنت اتمنى تكوني مثل ما وصفك ابوك واكرهك
بس ماقدرت
قلت بتحدي نفسي بعيشك معي فتره تقدري تكسري بها كل الكلام اللي ينقال عنك
وبعدها بتركك بحال سبيلك
لانه الشك داخل قلبي
وكلام اهلك عنك كان يخليني كل ماقررت اقترب ابتعد
كنت عندما اشوفك تغيري ملابسك او تسرحي شعرك
اخليك تلفتتي واشوفك لك احاول استرق النظر اليك ك اطول وقت ممكن
وارجع اغمض عيوني واتخيل صورتك
وطول الليل اصارع نفسي احبها او ما احبها
وذك اليوم ي داليا عندما قلتي لي انك تحبيني
انسكرت يدي ... ما تعرفي كم كان صعب علي
لانه انا حاولت ابتعد منك وانتي بكلامك ذا بتغرقيني اكثر وذا الشي ارهقني ...
وعندما تعبتي ودخلتي المشفى ي داليا مدري ايش صار فيني
فكرت لو اخسرك ؟ ايش بيحصل فيني؟؟ عمري مافكرت بذي الطريقه الا معك
الخوف اكل كل شي فيني ..
رجعت البيت وانتي مش فيه انكتم نفسي
عرفت واقتنعت انه خلاص وصلت لمرحله ماعاد اقدر اتجاهل
كانت تشوف له وبتردد: كنت احياناً افكر انك تكرهني وكانك تريدني اموت **
قاطعها: عمري ماكرهتك ! صح كانت نفسي ترجع عنك بس كرهه عمري ماكرهتك ولا بقدر اكرهك انتي نقطه ضعفي
داليا: انت الان تحبني من صدق او تضحك علي
ابتسم: ليش بضحك عليك ! انا الان بس حسيت اني ارتحت من اللي كاتمه بقلبي
غمضت عيونها: انا مش مصدقه ابدا
محمد :داليا .. الان بنفتح صفحه جديده .. كل شي صار نعتبره ماضي.. قصه الطلاق خلاص بننسيها ... الان بنعيش سوء ومع بعض وماعاد بتتركيني ولا عاد بشوف لغيرك ..بس مازلت تجيني افكار شك .. طبعا بعطيك وقت تفكري لبكره وتقرري بقناعه هل بتكملي معي او لا .. اشتي قرار من داخلك تتحملي نتائجه وتتحملي شكي وجنوني ..
داليا : ماتحب خلود ؟
رده وهو يشوف في عيونها: ولا احد غيرك
ضمها وكانت يدها على قلبه : قلبك يدق بسرعه
ضحك: ويدك عليه ؟حلو انه للان ماطلع من مكانه
رفع راسها : الان بتروحي ترتاحي لانك مازلتي تعبانه وبكره تقولي لي قرارك
كانت بتتكلم وهو قاطعها: اريدك تفكري بكل كلمه قلتها وتستخدمي عقلك مش قلبك .. اريد قرار نابع من العقل ... تاكدي ي داليا ان الشك مازال داخلي قلبي ! اذا مابتقدي تكملي مع انسان بيكون يراقب كل افعالك غصب عنه اتركيني 💔
ابتسمت وطلعت وهو يشوف بعدها
دخلت غرفتها وغلقت وشافت يدها
ورجعت مسكت خدها وهي تتذكر لمساته ومن داخلها مندهشه !! وكلامها مازل يردد نفسه