#عفت الخلك لجلك
بارت١٣
بعد تعب نفسي جسدي ارهاق من ٣ايام ونفسيتي تعبانه من وره ابوي يعني ليش يرفض ارتباطي بلانسانه الي اختارها حياته لو حياتي آخر يوم يوم بلدوام بدلت مدني وطلعت لبغداد للكاظميه كبل ازور بلكي نفسيتي ترتاح وتتحل مشكلتي طبعا بقيت ع تواصل وي زهراء بس مابينت اله شي بس كاانوا حست بحزني وضوجتي رغم ابتسامتي وضحكتي وياها بس اليحب صدك يفهم حبيبه
وصلت للامامين الكاظم والجواد عليهم السلام أول مدخلت اجر خطواتي جر ثكل بروحي احس ثكل احس قلبي يوجعني وجع قلبي أثر ع كلشي بيه أول مشفت الضريح أطلقت الحريه لدموعي بجيت رجعت لي وره خليت راسي بين رجليه وبجيت واستجمعت كل قواي وكمت توجهت للضريح وزرت وخليت جسمي كله ع الضريح ياائمتي أنتم دواي سيدي موسى انت ابو طلبه وطالبك طلبه مولاي اريد زهراء تصير الي ومتصير لغيري وبقيت ادعي وصليت وطلعت احس الثكل كله راح من روحي وجسدي
طلعت اخذت غراضي ورجعت للبيت أول مادخلت من الباب الرئيسي شفت الكل متجمع وكاعدين بلحديقه من شافوني كلهم كاموا واجوا عليه واني هم مشيت الهم أول مصارت بحضني امي حضنتني بااشتياق
ام ذو الفقار: مشتاقتلك وليدي ليش تتاخر ع امك
حيدر: بوست اديه وراسها مااتاخر عليج الغاليه غير دوامي ياعمري
اسماء: نور عيوني اخوي مشتاقتلك وحشه بدونك مكانك خالي
حيدر: تعالي لحضني بنيتي بوست اسماء وحوراء حيل مشتاق الهم
كرار وذو الفقار شبكوني حيل
حوراء: حدوري شبيهن عيونك سود من جوه
حيدر: مابيهن شي من التعب اليوم رحت لبغداد زرت وهاي جيتي من بغداد ونوم ماانام باوعت ابوي ع كعدته رحتله سلمت عليه دار وجه ومارد عليه مشيت وصحت لاسماء تجي ورايه
اسماء: اصعد ع الدرج وره حيدر واحجي حيدر شبيك ليش متغير
حيدر: متعرفين شبيه ياسومه
اسماء: يااخي كل مشكله واله حل لتعب روحك
حيدر: وصلت للغرفه شمرت غراضي ع الجربايه وفتحت تلفوني لكيت زهراء متصله اتصلت وحاجيته وتعرف بعلاقتي بااسماء كالت اريد احاجيها
اسماء راح تسئلج شبيه حيدر حجيله كلشي صار وهديه
اسماء : صار اكلله فتحت خط الو زهوره شلونج عمري فتحت سماعه كاعده يم حيدر
زهراء: من أول يوم داوم حيدر واحس بيه شي ينشر حزن ونفسيته تعبانه يسولف ويضحك بس فاهمه قلبه ونظراته حافظته كلما اسئله يسكت يغير الموضوع كال رايح لبغداد ازور وارجع للبيت كتله من ترجع اريد احجي وي اسماء واسئله شبي حيدر مااكدر انام من التفكير والقلق اخاف صايره وياه مشكله ومايكول
