#عفت الخلك لجلك
بارت ١٠
زهراء: دخلنه للقاعه اني ومروش بعد مااكدر اكعد او احجي وي حيدر لان يصير عليه وعليه كلام مو حلو وخاصة احنه مجتمع جنوبي
كعدت ع السيتج الي يم ستيج حيدر بس بينه فراغ قليل وصارت كعدتنه بلاخير قاعه جبير وطلاب هواي وكل شوي اباوعله ويباوعلي
استاذ عماد لازكلي هلزكه يريدني دوم بلمقدمه صاح
استاذ عماد: شباب بنات وين زهراء مهند مااشوفه بستيجه اليوم
ريهام: موجوده استاذ وراي
زهراء: كمت واباوع لحيدر عيونه اشتعلن نار حجيت بتلعثم وصوت ناصي نعم استاذ هاي اني لكيت اسراء كاعده بستيجي ماحبيت اكومه كعدت هنا
استاذ عماد: اسراء كومي كعدي مكانه وهي تجي هنا
زهراء: هو كال روحي كعدي مكانه واني شصار بيه عيوني صارن بكصتي لا استاذ لا تجي ولا اجي تعبانه مااكدر اكمل المحاضره مشيت بعصبيه ومن كد مارجفت وكعن جنطتي وملازمي من اديه ولا رجعت الهن كملت مشيتي وطلعت بره كمت امشي ماادري وين وصلني رجليه للشجره الجبيره الي دائما اكعد جواها كعدت ونار الغيره صعدت بيه واحجي وي نفسي عماد هذا الزكه شيريد مني هاا وره دقيقه شفت مروه جايتني وشايله بيده الجنطه مالتي والملازم اجتي عليه
مروه: يلمخبله صدك جذب شسويتي
زهراء: مروه اسكتني عني روحي طافره
مروه: ولج حيدر...
زهراء: قاطعته شبي
مروه: خليني اكمل
زهراء: اي كملي
مروه: من طلعتي عيونه كامن يجادحن اني كلت للأستاذ الغثيث استاذ ادزله جنطتها وملازمها كال تفضلي واجيتج
زهراء: وحيدر شبي
مروه: ولج راد يكوم يهد ع عماد وربج
يمها ماهر ولزمه من ايده ماخلاه يكوم
زهراء: ومروه تسولف اني مدنكه وضايجه مروه بظهر ايده ع ايدي
مروه: رفعي راسج شوفي منو اجه
زهراء رفعت راسي يمه اج حيدر يمشي ويشمر باايدي من كد ماعصبي وكل شوي يرفع ايده ويمسح عركة كصته ويلا مس شعره للاخيره إلى أن وصل يمنه وهو واكف حاجاني بس كلامه هزني هز بحركه بخنكه
حيدر: زهراء تعاي وراي للكراج وخلي تجي وياج مروه
زهراء: سكتت مااعرف شرد
مروه: هاهيه روح جاين وراك
حيدر: انه مو احاجيج زهراء
زهراء: من كال هالكلام انعكد الساني ماادري حجي انه ام السان شبيه انصمطت هيج جريت الكلام جر اي جايه
حيدر: يلا انتظرج بلسياره
زهراء: كوه كمت رجعت كعدت مروه جابتلي مي
مروه: اشربي ارتاحي شبيج قابل شمسويه انتي تلعثمتي
زهراء: ولج هو ميقبل بهيج تصرفات ويغار وهو شفتي شون عصبي وكلام يصمط الواحد
