#عفت الخلك لجلك
بارت 19
كبرنا وعلمنا كل أمور كانت بسيطة في عيون طفولة ياريت لو بقينا أطفال
مسار، خويه يامنتظر انه ارفض هسه نهائيا لما اكمل ماستر ودكتورا هيج رادني ابوي اكون دكتوره
منتظر، وعمي هسه يكول مالي حجايه ربيتكم وصدك عمي ماخلانه محتاجين شي لمن انه كبرت وصرت معيلكم
مسار، يابعد اختك حيدر رايدلنه بينه يحبها يعني مختار شريكة حياته
انه حاجيته حيدر كالي شيكول ابوي كلوله اي لان انه رايح لسامرا وماارجع بعد
منتظر، ليش مايرجع؟
مسار، غير م̷ـــِْن وره عمي ويريدنه اله نتزوج
منتظر، انه مااكدر اضحك علـّۓ. عمي عندي فكر اخذ خالي حمزه وشيخ معمم صديق خالي حمزه دوم اشوفه يمه ونجي نحجي وياه بلحسنى لعله يغير رئيه
لان شنو ذنب حيدر يسكن بصحاري سامراء وبلغربه والبنيه متحطمه
والله يخوي الله وايدك عسى ان يقتنع عمي والله يهدي
يصير خير ان شاء الله باجر بليل اخذ خالي وشيخ ونروحله
ثاني يوم،،،،،
بيت شيخ مهدي
شيخ مهدي، هلا بيكم حياكم الله تفصلوا
منتظر، بعد ماشربنه جاي وسولفنه بده خالي حمزه
ولو مو من حقي اتدخل ياشيخ مهدي بس اطي رايي الك
بنيتك مسار تريد تكمل دراساته العليا وتصير دكتوره جامعيه وابنك رايدله وحده بت اوادم فليش ماتصرف النظر عن هاي السالفه
باوع بغضب شيخ مهدي وعيونه يجدحن
هيه كالت هيج
الخال، اي هيه كالت
تتزوج ابني وتكمل براحته
شيخ اكرم، البنيه وافقت نفرض لَـگِنْ الولد هم رافض
منتظر، عمي لاتظلم حيدر ومسار خطيه وتدري حيدر كالي راح اروح لسامراء وماارجع بعد
انتفض شيخ مهدي وعيونه دمعن
هيج ابني وبت اخوي يسون بيه انهضمت منهم
شيخ اكرم، استريح شيخ انت انسان مامعروف عنك اله الطيب وسمعتك مثل المسك
فلا تخرب علـّۓ. نفسك بهاي السالفه وليدك يروح منك
وبلدين لآزٍمٍ موافقة الطرفين والا راح يكون زواج غير شرعي يعني زنى واولادهم حرام يطلعون تقبل بهذا الشي؟
لٱ مااقبل!
انت انسان طيب وذو اخلاق فرح كلب ابنك واخذله الي يريدله شكد الك عند الله والموت على روسنه وهنياله السوه الزينات
