فصليتي موتتني💔

بارت 14

يلا نكمل حبايب وشكرا ع التفاعل

نور:بس بابا انه من اجيت هنا عساس بس يطيب حيدر انه ارجع لبيتنه لا اتفقنه ع سنه وما اعرف شنو بعد من هالكلام

ابو عمر:صحيح يبعد ابوج بس عذريني انه شيخ عشيره وهذه الشي من قوانين العشيرة انه اقل شي تضلين سنه فدوه اروحلج لا تنزلين راسي
نور:ما عاش الي ينزل راسك ماشي لعيونك رح اصبر هال٣اشهر
ليليان:ولج شنو رح اصبر حسيتيني جاي نعذبج ونخليج خدامه
نور:لا حبيبتي ماكو احسن منكم والله بس قصدي رح اصبر ع فراق اهلي 😔
ابو عمر:بنيتي نوديج تشوفين اهلج ونروح وياج نعتذر منهم لان أحنه الي غلطانين
نور:صدك يبه تخلوني اروح
ابو عمر:اكيد بويه هاي اقل شي نسوي
نور:شكرا بويه شكرا (ورحت بست رأسه وأيده)وحيدر الشكر الجبير الك كلش شكرا
حيدر:ولو يحلوه انتي انضلمتي بسببي اتمنه تسامحيني
نور:لا تكول هالكلام والله امي وابوي وليليان ماكو مثلهم
حيدر :بس زين وعمر وانه
نور:.....ضلت ساكته بعدين كالت انته ستوه تعرفت عليك وانتبهت اسلوبك يشبه اسلوب ليونه ربي يخليك
حيدر:وعموري
نور:.....
عمر:يلا كافي جكد تحجون روح ارتاح انته بعدك تعبان
ام عمر:اي يمه روح ارتاح وصاير ضعيف شحالك
نور:يمه ع الضعف لا تهتمين الا اسويله اكل اخلي باب البيت ما يطلع منه
الكل:هههههههه ما عدا عمر ابتسامه خفيفه
حيدر:هله بالضلع الماينشلع خوش لعد وترا انه والأكل قصة حب لا تنتهي
الكل: هههههههه
نور:بس انه رح اخليها تنتهي رح اخليك تاكل صبح وعصر ع ماتكول كافي رح تنفجر
حيدر:ههههه نشوف
ابو عمر:كافي ولكم هاي اول يوم وهجي لعد باقي الايام شلون الله يعينه جانو عدنه مخابيل ثنين(قصده ع حيدر وليليان) وهسه صارت عدنه مخبله ثالثه
نور: بويه اصلن البيت اذا ما بيه ثنين او ثلاثه مخابيل ما يصير حلو مو صحيح
ابو عمر:اي والله بنيتي صحيح
نور:فديتني كلامي درر
الكل:هههههه
حيدر :شوف الغرور
نور:لا والله
ليليان:نوووووووور بصوت عالي بذان نور
نور:وسم مو طرشه اسمع نعله ع بليسج طرشتي ذاني
ليليان:جوعانه
نور:ما تولين وتاكلين
ليليان:لا أريد فطائر من ايدج الحلوه
نور:غصبن عليج أيدي حلوه
ليليان:لا حول الله عمي يلا امشي خلي نسوي انه وياج وبعدين تكبري علينه
نور:هههه يلا
راحن نور وليليان للمطبخ وحيدر صعد لغرفته والباقين ضلو كاعدين ويسولفون بالصاله أو (الهول)

عمر:من نور كالت عساس ترجع الاهله متت كلبي شب ناار بس من ابوي كال ما يصير ومن هالكلام ☝ انه ماي بااارد ونزل ع كلبي كلش ارتاحيت بعدين من ضلو يتشاقون نور وحيدر ما ادري ليش حسيت بالغيره وضليت اضحك ع خبالاتها بس ما ابين اي شي وبعدين راحن للمطبخ صدك اكلها ما يتفوت
واحنه كاعدين جابت نور وليليان الفطائر والعصائر وضلينه ناكل. ونور وحيدر وليليان يشاقون وانه ميت من الضحك بكلبي
بس فجاه طفرت ام ندى
ام ندى:اي ابو عمر حيدر وكام بالسلامه شوكت العرس
ابو عمر:والله ما ادري بكيف الولاد
عمر: شرايكم بعد شهر
ام عمر :شدعوه يا ابني هواي تأجل وكلشي جاهز عليمو هالتاخير
عمر:شوكت تردين عمتي
ام ندى:خليها بعد اسبوع
عمر:ندى انتي شرايج
ندى:بكيفك حبيبي
عمر:ماشي لعد الاسبوع الجاي
انه احجي بس ما ادري ما احس باي حماس مثل اول بعدين كلت لا ماكو شي انه رح اتزوج حبيبتي وباوعت ل نور لكيتها تباوعلي وبست شفتها دارت وجها

نور :من انفتح موضوع الزواج ما ادري شبيه حسيت روحي مختنكه واريد ابچي كلت معقوله حبيته لالا مستحيل بس كلبي يكلي اي اوووووف بعدين باوعتله شفته فرحان وما مهتم ولا كان انه كاعده ويقدر مشاعري لا وليش يقدر مشاعري قابل حبيبته اني هيه كلها 3اشهر وأرجع ل اهلي بعدين باوعلي بسرعه درت وجهي وسولفت ويا ليليان
وتحدد موعد العرس وما بقا شي بس 2 ايام والبيت مخبوص بالعرس وصدك رحت ل اهلي وشفتهم وكلش فرحت وتصافت الگلوب بس فهمهم ابوي(ابو عمر)ما يصير ارجع الا بعد 3شهر وامي كلش انقهرت من عرفت عمر رح يتزوج علي بس. انه كتلها لا تضوجين انه لا احبه ولا شي وكم شهر وراجعتلكم بس ادري هيه ما صدكت كلب الام يحس 
المهم ورجعنه للبيت ومثل ما كلت بقه بس يومين للعرس.

ليليان: نور خلي نروح نشتري هدوم للعرس
نور : معقوله عمر يقبل
ليليان: غصبن عليه يقبل
حيدر:عليمن ولج غصبن عليه إلا اگله وهوا يتصرف
عمر:شنو شكو تگللمن وشتكول
ليليان:لا عموري ماكو شي
حيدر:لا اكو
عمر:فضوها تحجون لو اروح
حيدر:لا اسمع ليليان ونور جانو جاي يحجون علمود يرحون للسوگ علمود يشترون هدوم لعرسك ونور كلتلها خاف عمر ما يقبل بس ليليان تدري شكالت
عمر:شكالت😡
حيدر:كالت غصبن عليه يقبل
عمر :كتله والمطلوب شنو هسه (ردت ابسمره حجه هيج. يريد يخليني اصيح ع لين بس بسمرته يستاهل دائما يريد يضوجها )
نور:بوووووووم في منتصف الجبه ههههههههه(ضحكت صوت عالي)وليليان هم ضحك صوت عالي
عمر:من ضحكت نور ابتسمت لا اراديا
حيدر:افا عليك يا حزام ضهري تخلي امهات الكرش يتشمتن بيه
نور:هوب هوب هوب امهات الكرش منو يا ابو صماخ
وضلو يتناگرون وعمر يضحك فجاه نور كالت
نور:هوب هوب هوب يا ناس ناس معجزه
الكل:شكو شصار
نور:عمر يضحك كلللللوش
عمر:جاي اضحك ع خبالاتهم فجاه نور كالت ☝انه كلت شكو شنو صار كالت عمر يضحك وكامت تهلهل الخبله طگيتها بضحكه بصوت عالي والكل هم ضحك
نور:هههههه يا الله جكد حلو من تضحك(حجيت هيج وما نتبهه ع روحي بعدين انتبهت صرت طماطه من الخجل )
حيدر+ليليان:ههههههههههه
عمر:انه من أول حلو
نور:😳
عمر:هههههه صارت طماطه البنيه هاي شبيج هيوز
نور:اسمع اسمع اي شبيك صدك بما انك هادي اليوم خلي اروح اشتري هدوم ويا ليليان
عمر:مممممم ماشي حضرو روحكم العصر حيدر يوديكم
حيدر: شنوو وانه شعلي ما توديهم انته
عمر: انه عدي شغل انته فارغ وديهم
نور+ليليان:اي فدوه فدوه ودينه
حيدر:امري لله ماشي
ليليان:يمه فدوه شكرا
نور:فدوه لابو صماخ الماكو مثله
حيدر:هااا ترا ما اوديكم
نور:لالا حيدوري تخبل
حيدر:اي عفيه يلا سويلي فد شي من اكلاتج جوعان
نور:من عيوني يبعد عيوني
حيدر:تسلملي عيونج
(طبعن حجيهم عالغطره نور تشوف حيدر مثل اخوها غيث وحيدر يشوفها مثل ليليان وما يفرق بيناتهن ونور جنها جاهله ولا كأنه بنيه عمرها ٢٠سنه)
عمر:انه كلش اضوج من الميانه الزايده بيناتهم وخصوصن من تكله يبعد عيوني ومن هالكلام بس اضل ساكت(وليمته رح تضل ساكت مو صبرنه خلص)
وطبعن هالفتره نور تأكدت هيه تحب عمر وكلش مقهور بس تسوي روحها ما مهتمه(وانتي يمته رح تهتمين مو موتونه)

يتبعععععع .......
تفاعلوا حبايب حته انزل بارت جديد الاحداث الجايه تخبل

تفاعلو

وصوتو

وشكرا لكل الي جاي يصوت ويعلق ويتفاعل بالقصه كلش شكرا وان شاء الله اكوم كد حسن صنكم بالقصه وكل ما تتفاعلون اكثر انشر اكثر

1003 كلمه