فصليتي موتتني💔

بارت3

نور:جنت نايمه وكعدت ع صريخ امي
هاها شنو شصار ليث بيه شي يمه شصار
الام:ابني مستحيل ينام بالسجن الليله ابحده مستحيل
نور:شنو لا مستحيل اخوي الليله يضل ابحده بالسجن اريده ينام بحضني اريد اخوي
الاب:بنيتي حبيبتي ما نكدر نطلعه باجر رح يسوون گعده ونشوف
نور :بابا هسه اريد اروح يمه شنو اخليه ابحده
الاب:بابا نور كعدي شنو ترحين
نور:بابا يا اروح ابحدي يا تروح وياي ما يهوي علي اخلي اخوي ابحده
الاب:ماشي امري لله امشي يله

ورحنه بس وصلنه نزلت ركض ورحت شفته مكعدينه بغرفه وهوا مدنك ويبجي 😢
نور:ليوثي فدوه اروحلك رحت ركضت عليه الشرطه حاولوا يطلعوني ما كدرو الحمدلله طلع الضابط صديق بابا خلاني اضل يمه الليله
ليث:نور والله ما ادري والله انه جاي اسوق وفجاه هوا طلع كدامي والله ما متقصد 😭
نور:هششششش اسكت يا حزام ضهري ادري بيك ما متقصد اسكت اروح فدوه لكل دمعه من دموعك
(شابكته واحجي وياه)
بعدين حاولت اسكت بيه شفته نايم وجان شابكني
نور:مستحيل اخليك بعد ليله هنا لو اشردك من السجن لو أنه اضل ابمكانك بس ما اخليك هنا(احجي بكلبي)
وصار الصبح وانه شابكه ليوثي ونايمين بعدين اجه ابوي وصاحلي يلا كومي خلي نرجع للبيت رح تصير الكعده
نور:بابا وليوثي
نور:بويه ليوثي بامان وصيت صديقي عليه أحنه نحل المشكله ع خير ان شاء الله ونطلعه
نور:أن شاء الله يلا ليوثي حبيبي ما اتاخر عليك ماشي
ليث:ماشي حبيبتي اتانيج
نور :بسته ع رأسه وطلعت
ورجعنه للبيت
الام:ها نواره يمه شلونه اخوج
نور:يمه لا تخافين كلش زين
الام:يمه الله عليج هو ما متاذي جوعان شي
نور :لا يمه كلشي ما بيه بس اهدي
شويه واجه ابوي كال اجو الشيوخ لحد يطلع
نور والام : ماشي

خلينه نروح للبطل

هلو انه عمر عمري ٢٨ سنه وانه محامي مواصفاتي حنطاوي و....يو ما بيه اكتب خلي اراويكم صورتي

وانه عصبي ناااار بس طيب وعائلتي خط احمر اموت عليهم عدي ابوي شيخ عشيره جبير وإمي ربه منزل وعدي اخو واحد حيدر هسه اراويكم صورته

وهوه طبعه يشاقه وطلعات وضحك هوا وليليان وناسة هالبيت ليليان اختي

هيه روح هالبيت هيه و حيدر وهيه اخر العنقود مدلله ومحد يرفع صوته بوجهه أو يعاندها ولسانها شطوله عمرها ١٨

وهسه تعرفنه ع عائلة عمر بالبارت الثاني نشوف شنو صار وياهم