فصليتي موتتني💔

بارت27

ردت انام اجتلي رساله فتحتها لكيتها من رهف

رهف....حبيبتي نواره باجر رح نسافر شهر عسل اريدج تجين للمطار حته أودعج واريدج تجيبين ليونه وياج ساعه ب 6:30 ماشي اتانيج واذا ما اجيتي ازعل عليج وبعد ما احاجيج

نور.....ردت اجاوبها بس شكللها اففف ما اريد اروح بس هذي عنوديه يلا امري لله شسوي نمت ع ما صار الصبح دگ المنبه كعدت دخلت للحمام سبحت وخلصت وطلعت وبدلت لبست بنطرون سبورت كابوي وقميص وردي بيه نقشه لون البنطرون وشعرب شلته ذيل حصان ونزلتلي خصل وحطيت مكياج خفيف كعدت لين بدلتلها وريگتها ونزلت شفت ابوي يريد يطلع للشغل كتله ورحت صعدت بسيارتي شوي وخابر احمد علي

احمد.....صباح الخير

نور....صباح النور

احمد....دريت بيج كاعده وين رايحه تودعين رهف

نور....اي والله

احمد.....تكدرين تجي علي نروح سوا

نور....ماشي يلا شوي واوصل قريبه يم بيتكم

احمد.....اتانيج باي

نور.....اوك بابات

رحت ع احمد اخذته وطلعنه للمطار ورهف كلساع تخابر خبصتني ع ما وصلنه احمد شال لين انه صفيت السياره ونزلت ودخلنه للمطار وشفنه من بعيد رهف وحيدر واهل رهف و واهل حيدر حته عمر جان موجود اوووف شيخلصني غلست ومشيت ولين جانت بيد احمد

نور....سلام عليكم

الكل .....وعليكم السلام ...وبعد ما خلص الترحيب وعيون عمر الي صارن حمر من الغضب

عمر.....لو سمحت ءااا

احمد....احمد اسمي احمد

عمر.....مو مهم انطيني بنتي

احمد....حقك تفضل

اخذها عمر وهيه جانت ساكته عد عمر ودعنه رهف و حيدر وراحو ردت ارجع

نور....ممكن تنطبني بنتي اريد اروح

عمر....لا مو ممكن اليوم رح اخذها وياي وبعدين العصر اجيبها الج

نور....شنووو ما اسمحلك تاخذ بنتي

عمر....قصدج بنتي هم

نور....هسه صارت بنتك وين جنت من جنت جاي اشوف الموت بوكت طلوكها وين جنت من تصخن والليل كله ما تنامه وبدل ما ادز ابوها يجيب دوا لا ادز خالها ليش لان ابوها ما معترف بيها هسه صارت بنتك رجائا. انطينياها ولا تخليني اسوي مشكله هنا

عمر.....نورر مو كلساع تعيدين نفس الاسطوانه وهيه بنتي اذا رضيتي او ما رضيتي وتردين تسوين مشكله سوي ما يهمني

نور....لا اله الا الله بابا تدخل مو حاله هاي كل ما اشوفه لازم تصير مشكله انه بس مجرد كم يوم هنا خلي لا يسويلي مشاكل وينطيني بنتي