هلا حبايب يلا نكمل القصه
وضربتها راجدي وضليت اغلط عليها وهيه ساكته بس انتبهتلها بالگوه لازمه روحها رح تنفجر انه ضليت اغلط عليه ردت اشوف شسوي
بس من غلطت ع اهلها هنا انفجرت
عمر:انتي يا ام المصايب كله من وراج يا ساس البله انتي هنا حالج حال الخدامه ماشي وحمدي ربج انطيناج غرفه وكعدناج بيها انتي مكانج بالمطبخ أو لا حته المطبخ هواي عليج مكانج بالمخزن يم الفيران
وقريبا رح ترحين لهذه المكان يا كلبه يا طوووووط يا طوووووط (طوووط يعني غلطه مو حلوه )
يا بنت الكلب
نور:اشو هذه اجه وضربني وضل يحجي ويغلط وهاي كله انه ساكته لخاطر امي واكفه فشله خطيه اسكت بيه ما يسكت هذه الحقير وانه بالكوه لازمه روحي صرت بركان شوي وانفجر 😡
بس سكتت سكتت من حجه ع ابوي ما كدرت
كتله
نور: لهنا حدك اهلي ما اسمحلك سكتلك هواي وصدك عمي من كال الي يمد أيده ع مره مو رجال انه اسفه يمه صارلي ساعه ساكته لخاطيرج بس كافي اهلي خط أحمر وما اسمحله يغلط عليهم وانته ع شنو شايف نفسك ها وبشنو احسن مني حته انام بالمطبخ أو بالمخزن ها انه سكتلك هواي كلت خطيه اخوه بالمستشفى ولو اخوي ماله علاقه بس كلت يلا امشي وياه ع ما يرجع يتعامل مثل الاوادم بس لا انته زودتها وانه صرت فصليه وانه مالي ذنب و ولا اخوي اله ذنب اخوك هوا الي طلع بوجه اخوي والكاميرات الي بالشارع تاكد هالشي واولآ اهلك كلهم مقتنعين بهالشي ويدرون هالشي قضاء وقدر لانهم متفهمين ويفكرون بعقولهم بعدين بقلبهم والمشكله بيك انته وثانيآ انتو شيوخ وخبصتونه الا فصليه لو دم بالدم وانه ضحيت بسعادتي ومستقبلي لخاطير اهلي اهم شي عدي اهلي وما اسمحلك تحجي كلمه وحده ضدهم ماشي ولا حسبالك انه من الفصليات الفقيرات والي يسكتن لا انه غير وعرفت هسه انه منو ف غير اسلوبك وتعامل وياي زين اعاملك زين ومن اليوم رح يكون تعاملي وياك بس البي احتياجاتك الي تريده اسوي الك غسل تنضيف طبخ لان هذه واجبي ك زوجه أما واجبي ك فصليه مالت اسكت عالاهانات وما احجي مستحيل اسويه ماشي لان انه مالي ذنب واتمنه تفهم وتكعد وتفكر زين
وخليت وصعدت فوك وقفلت الباب وكعدت بالغرفه وانتبهت لروحي انه شحجيت هسه يجي يموتني اكيد بس لا انه ما حجيت شي غلط بس شعجب ضل ساكت وكلشي ما حجه وضليت احجي ويا نفسي ع ما اندك الباب 😐
طوق طوق طوق طوق
نور:أأأ م م منوو (خايفه)
ليليان:هاي انه ولج فتحي الباب
نور: اي اي لحضه
وفتحت الباب ودخلت ليليان وقفلت الباب بسرعه
ليليان:ولج نور شسويتي جوا
نور:قبل كلشي عمر وين
ليليان:راح
نور:هفففف الحمدلله
ليليان: ها يالجبانه الي يشوفج هسه ما يصدك هاي انتي الي مساع حجيتي وسكتي عمر وهاي اول مره وحده تسكت عمر هيج عمر محد يكدرله بس ابوي بس تردين الصدك عفيه عليه ما دريت بيج هيج قويه عفيه عليه والله
نور:چا شعبالج 😎
ليليان:يلا لا ترفعين خشمج علينه هسه يجي عمر ويكسر راسج
نور:ها شنو انتي مو كلتي راح 😨
ليليان:هههههه جبانه اي راح راح
نور:اففففف الله يعدي هالليله. ع خير
ليليان:لا لا تخافين اليوم ما رح يصير شي لان بيت خالتي جايين وعمر اكيد ما رح يسوي مشكله كدامهم
نور:يمه الحمدلله طمنتيني
ليليان:يلا كومي عسلي وبدلي لان ابن خالتي هم جاي ما يصير هيج تلبسين كدامه ولبسي حجاب
نور:شنووووو البس حجاب واغير هدومي بابا انه هذه لبسي حته كدام ولد عماتي وعمامي أو خالاتي وخوالي
ليليان:انه الي عليه كتلج بكيفج لا تلبسين حجاب
بس عالاقل غيري هدومج حته امي ما ترضى هيج
نور:ماشي رح ابدل لخاطير امي مو علمود هذه الافندي(بكلبي😬 أكول وهم علمود لا يشوفني هيج ويصيح أو يضرب مالي خلكه)
ليليان:ماشي حبي اتانيج واستعجلي ترا هما جايين بالطريق
نور:ماشي حبي
يتبع...........
جكد ما تتفاعلون انشر اسرع
أنت تقرأ
فصليتي موتتني💔
Romansaالقصه تدور حول بنت مرحه جميله تعيش حياة جميله مع عائلتها وفي يوم من الايام تتغير حياتها ١٨٠ درجه تذهب فصليه لشخص لا تعرفها وتحبها لاكن القدر لا يكون في جانبها دائما تابعو القصه وشجعوني هاي اول قصه الي وهاي القصه من خيالي شجعوني
