السلاااام عليكم
______________
عمر.....انه ابوها وغصبن عليج اذا رضيتي او ما رضيتي انا ادري غلطت بحقج بس جان عذري وياي يعني شلون تردين اصدكج وانه واصلتني صورتج ويا واحد ما اعرفه منو بصوره غير لائقه ويوم ثاني تجيلي تكليلي انه حامل لا والاكثر من هيج انه جنت ما.... المهم انتي تعرفين كل الاسباب وانه معذور بعدين طلعت مخدوع وطلع هذه كله من المرآه الي وثقت بيها وكلت مستحيل تخذلني شنو تردين تكون ردت فعلي لا والاكثر من هذه كله انتي جنتي تدرين بكلشي وجان اكو بيدج دليل برائتج ليش ما اجيتي وكلتيلي وخليتيني انحرم منج ومن بنتي ما شفتها تكبر كدام عيني
نور....يعني هسه تريد تذب الصوج بيه وتطلع روحك مضلوم ومعذور اولا لين بنتي انه وبس وثانيا وليش اجي واكلك انه بريئه وانه ما خنتك ما مجبوره ابررلك هالشي انه حاولت ابررلك من جنت عدك بالبيت بس من طلعتني من البيت وهنت كرامتي مستحيل اجي واحجي وياك اي شي بخصوص برائتي المهم انه اعرف روحي بريئه وانه اشرف من الشرف وانه ما كاتله نفسي عليك حته بس صار عدي دليل لازم اجي واكلك الي ما يريدني ما اريده وانته بعتني بسبب صوره وما وثقت بيه وانه الي يبيعني والي ما يثق بيه مستحيل اجي وانزل من كرامتي واحاول ابررله اي شي وبعدين انته ما تستاهل اتعب روحي واجي احجي وياك وانه بس صار عدي الدليل صحيح انصدمت لان ندى هيه الي جانت سبب الي صار بس انه اشكرها لان بفضلها عرفت قيمتي عدك وانك ما تثق بيه وانه مجرد شي بسيط وبسرعه تخلصت مني حته ما تعبت روحك وكلت خلي اتاكد اذا كانت هاي الطفل الي او لا و الدليل بس صار عدي حذفته وما انطيته اي اهميه ولا فكرت اجي واراويه الك ف رجائا استاذ عمر ما اريد اشوف وجهك كدامي وولا اريد اشوفك بحياتي وعالعموم انه هنا اقل شي لمدة اسبوع وبعدها اسافر وتكدر تسرح وتمرح براحتك وانه ما اشوفك وارتاح منك
درت وجهي ردت امشي لزمني من ايدي وجرني عليه وجان كلش متعصب
عمر.....نووور لزمي حدودج واحجي وياي باحترام احسلج وسفرا منا مستحيل اخليج ترحين
نور...نترت ايده وكتله
وانته منو حته ما تسمحلي
عمر...احنه صحيح تطلكنه وبعد مالي حق عليج بس بنتي الي حق عليها واكدر اروح للمحكمه وارفع قضيه اكول تريد تاخذ بنتي وتسافر يعني اشبه بقضيه خطف
نور.....هههههه والله ضحكتني اكو واحد يخطف بنته
عمر...ماشي ست نور ضحكي اليوم بس اذا سمعت بيج تردين تسافرين اخلي هلي ضحكتج بجي ومستحيل اخليج تاخذين بنتي وتسافرين
نور...انته مو عاقل لا مستحيل اكيد بيك شي من جبت هالمحنه اليوم وعرفت عدك بنت وتخبلت علينه وصرت تر......
احمد....نواره تعالي ليونه جاي تبجي
عمر...انته وكتك هسه ما تشوفنه جاي نحجي(بعصبيه)
أنت تقرأ
فصليتي موتتني💔
Romanceالقصه تدور حول بنت مرحه جميله تعيش حياة جميله مع عائلتها وفي يوم من الايام تتغير حياتها ١٨٠ درجه تذهب فصليه لشخص لا تعرفها وتحبها لاكن القدر لا يكون في جانبها دائما تابعو القصه وشجعوني هاي اول قصه الي وهاي القصه من خيالي شجعوني
