قدر ألشيخ(جريئه)

الفصل الاول

قدر /لج بنيه وينج صارلي ساعه ادور عليج ؟
بنين /اولا احنه كليه لتكولين بنيه خلي عدج ذوق ثانيا مصارلي اكثر من 5دقايق من طلعت من القاعه يمته ساعه وبعدين شتردين مني ؟
قدر ،عزه بعينج كسرتي عليه ولج اطيني مجال احجي نهديتي عليه رئسا شمالج .
بنين .خاب عوفيني بهمي رحمة الاهلج اصلا مالي خلك وگوه داومت بس طلعه من البيت هسه اروح للكافي اشوفلي زويه انام بيهه.
قدر .هههههه صدك والله .واني اكول وين ترحين من تختفين اثاريج واگعه ومحد مسمي عليج عاد علوش صدك حلو وخوش ولد يمته العرس
بنين .خاب نجبي حته شكله مشايفته اني قابل مثلج ماكو ولد متعرفين اصله وفصله وحياته
قدر لج نجبي موهاي العوبه زينب مخيله عليه سمعتهه تحجي وي نور بلحمامات ولاتشوفين  وجهن من طلعت خطيه نصدمن .
بنين .هههههه زين كولي شنو تردين
قدر .خايبه نسيتيني شردت منج امشي للقاعه هسه وبعدين نسولف .
راحو البنات للقاعه جان لبس البنات حلو ونازك فساتين طويله مالت محجبات  فستان قدر وردي وابيض وحجاب وردي عكس بنين الي جانت لابسه نيلي  وحجاب قريب عليه جانت تحب الالوان الصارخه فجانت قدر دائماتبرز اذا مشت وياهه بسبب نعومة جسمهه الي عكس جسم بنين .
بنين .اقرب صديقه ال قدر طولهه 160 وزنهه 62 تبين سمينه بسبب قصرهه  هيه بيضه وعيونهه عسلي فاتح محبوبه بس مواجتماعيه خجوله وسجاجه (ذكيه )
دخلو للقسم ورئسا اجه الدكتور
الدكتور هيثم .سلام عليكم .كل شخص مكانه وكتبكم مقابيلكم .
احد الطلاب وي الي يمه .بعد فد مره كولنه طلعولكم ورقه وقلم وكتبوا
باقي لطلاب الي يمه .هههههه
دكتور هيثم .الي معاجبه مخاظرتي يتفضل يطلع بره بلا تشويش .
احد الطلاب .وهسه راح يكوم قدر اكيد .
دكتور هيثم .قدر ؟
قدر .نعم دكتور.
الطلاب .شوفو كتلكم .لوااعرف شمعنه قدر اشو عدنه هواي بنات لو هذي تختلف
احد الطلاب .ميهمكم محاضرته وكيفه وبعدين حقهه يكومهه ذكيه ولبسهه محتشم حته من تكوم متبرز مثل باقي البنات بسبب لبسهم وتصنيفكم .
دكتور .بلا صوت گلت .
الطلاب .خلص اسكتوا
دكتور .قدر انطي معلومات مبدئيه للموضوع .
قدر .اسفه استاذ اليوم مااطلعت مصار عندي وقت .
محمد احد الطلاب .استاذ اكوم اني .
دكتور هيثم .تفضل
وقدر هذي اخر مرة مسامحه لان مصايره قبل بعد ماتتكرر جان يحجي وهو يگلب بيده اوراق الملف الي باايده .بدت المحاضره بين الي منتبهه والي يشرح والي ملتهي باالفون والشله الي نايمه باالاخير .وخلصت المحاضره بدوا الطلاب ينسحبون
دكتور هيثم .قدر ابقي بقوا الطلاب ييبتسمون ويتغامزون وكانو متوقعين هذي الخطوه وشون ميتوقعوهه اذا هذي خطوه يوميه تنعد بقه وجه قدر ينطي الوان علا الرغم انو هيه منبهه الدكتور ميسوي هيك حركات طلعوا الطلاب بقت قدر واستاذ هيثم
قدر .لك استحي علا نفسك كول سمعه وحرم جامعي اشو من نقلت للكليه ونته راسك براسي احترم يااخي .
دكتور هيثم صوتج ميعله فهمتي ومن يمته تهتمين للسمعه ياام سمعه المهم حركات الخفه كدام الطلاب تبطليهه ولبسج هذا يتغير ماريد اشوفه فهمتي
قدر .ونته شدخلك اصلا لبسي لايلفت انتباه ولاشي وعريض وحته جديد .
دكتور هيثم .ولج خبله هسه انتي عصبيه وجاي ترزلين تكوليلي جديد امداااج
قدر .هيثم جديات خفف علاقتك وياي گدام الطلاب تره موهينه انته متعرف شنو الي جاي ينحجي علينه بره
دكتور .كتلج كولي شنو علاقتنا ونتي متردين شسويلج يعني .
قدر .اي حته اذا سويتلك مكسوره توكع براسي مو
هيثم .غبيه شنو قصدج اني صاحب سوالف مكسره مع الاسف متوقعتهه منج .
قدر اي تمسكن المهم شنو ردت مني .خلي اروح هسه الكي الطلاب بره جاي يحسبون شكد صارلنه جوه .
هيثم . بنين ؟
قدر .شبيهه ؟
هيه اريدهه .
قدر .انته خبل لوشنو وبعدين صديقتي بعد عنهه رجاءا
دكتور .فديت الي يغار اني لج اكو واحد عنده صاكه مثلج ويباوع الوحده مثل بنين .
قدر .هيثم كتلك لتجاوز ع بنين .
هيثم المهم ليش اليوم ممحضره صاير شي وياج .
قدر لا مصاير .وحته لوصاير مومهم .اني اروح
جاي تطلع وسحب ايدهه وحضنته وبهذا الموقف دخل احد الطلاب .
محمد اسف دكتور مجنت اعرف بعدكم موجودين توقعت كلامكم خلص .
هيثم .قدر روحي بس كلامنه مخلص
ادخل محمد ماكو شي بين كلامهم الي صار جانو متغافلين عن شعله شقراء تباع عليهم ودلهه تاكلهه القدر لان جانت هذي الوكفه لازم تكون من حقهه موحق طالبه عدهه .
دكتوره نور .عمرهه 29 دكتوره جامعيه حلوه بيضه عيونهه شقر شعرهه همين من اشمال بس ضروف دراستهه جبرتهه تنتقل للجنوب وحبته واستقرت بيهه متملكه عنوديه انانيه متكبره انطوائيه تقريبا
دكتوره نور. قدر لحگيني للمكتب .وراحت قبل لاتسمع جواب من قدر .
باوعت قدر الهيثم بعيون حمره ونتبهه اله محمد ع الرغم انو هو مجان باله اله وياهه .
راحت قدر للقاعه وي بنين .
دكتوره ادخل .نور .ادخلي بوحدج .
صار دكتوره .
نور .احنه هنا حرم جامعي قلة الادب والحب متسوي هنا ودلعج الماصخ بطلي واول مره انبهج واخر مره ماريد هيج وقفه وي دكتور اوطالب فهمتي .
قدر. دكتوره قلة ادبي مراح تنعكس عليج او علا قسمج فلا تتدخلين بااموري وحياتي ولاتحكمين علا شي من نضره وحده وهذي النصيحه موالي انصيحهه للدكتور هيثم اذا جنت حابه اني ميهمني بيه وهسه مرخصتج دكتوره استاذن طلعت قدر ودموعهه حابستهن حته لايوكعون وممنتبهه للعيون الي وراهم وتراقبهه تروح المكانهه الي كاالعاده تروحله وره متسمع حجي يسمهه مثل حجي الدكتوره .