قدر ألشيخ(جريئه)

جزء 16

ادم
..........

بدو البنات ياكلون وياس وياهم بس كان مبتعد عن هدى وقريب من قدر
هدى تفكر اشون هيه تقترب من ياس لان تعتقد هذا السبب الي يخلي حسن يخلي يحب قدر
هدى ياس حبيبي تاكل وياي
ياس لا شبعت
قدربس حبيبي مااكلت شي
ياس ماليد شبعت كملوالبنات غدة كامت كلمن الشغلهه
الجدة قدر يمه اذا ماعندج شي اكعدي يمي
قدر تدللين جدة
بدو يحجون وتعرفت علاقدر وخلص الوقت عادي
اجتمعو بليل كلهم علا السفرة
الجدة يمة اسويمه قصدها اسمهان روحي صيحي قدر خل تجي تاكل ويانه علا شنو تستحي
هدى بس جدة عمو وكيان ويانه عيب
جدة ميهمج انتي روحي يمه سومه صيحيهه
اسمهان حاضر جدة
صعدت اسمهان القدر وصاحتهه
اسمهان قدر جدتي تكول خلي تنزل تتعشه ويانه
قدر لاعيب يمعودة
اسمهان خاب شبيج منين عيب اشو خالي يضحك اكثر منج وكيان سبورتي والله ميهمج انزلي واذا معجبج الوضع بس اشريلي ونصعد
قدر ماشي اذاهيج
نزلو البنات اجت اسمهان كعدت بمكانهه جان المكان الي يم حسن فارغ فبقا الكل يباع حتكعد يمه اولا علي وكيان وهدى وحته الجدة اجت قدر دنكت علا ياس لان الكرسي جان فارغ بينه وبين ابوى وهوكاعد يم جدته
قدر ياس اكعد يم بابا خل اني اكعد يم بيبي
ياس بس اني ماحب بابا
قدر ياااس عيب جانو يحجون بصوت ناصي فاالكل صار عنده فضول اخر شي ياس كعد يم ابوه وهيه كعدت يم الشيخه فاالشيخه خلت ايدهه علا ايد قدرمن جوة طاوله الاكل ومثل الي حضنتهه
الجدة عجبتهه الحركه علي وكيان همين بس نوال وبتهه هدى خله هالشي يكرهم بقدر اكثر مماجانو يكرهونهه تعرف عليهه الخال عيون كيان جانت تراقب كل حركات ايدهه من جانت تحجي لمعه عيونهه حركة شفايفهه خجلهه اذا الشيخ مدحهه وجانت عيون علي تراقب كيان بينما حسن جان انتباهه عادي لان بس ميريظ ينتبه الهدى الي جانت كاعده مقابيله جانت طاوله اكل باالشكل بس بينما باالاصل طاولت منافسه خلصو اكل وبدت قدر تساعد ام علي باالمواعين والتنضيف جانت كل حركات قدر عفويه الانو كل حركاتهه مراقبه جانت كل تصرف تتصرفه اكو من ياخذه بنيه حسنه مثل الجدة والشيخه واكو من ياخذه بنيه...... مثل هدى وامهه خلصو تنضيف ام علي راحت الغرفتهه وقدر همين لكت اكثر من 4مكالمات من بنين فااتصلت عليهه
قدر الو
بنين بذاته حقيرة لاتسالين لاتگولين اتصل اشوف صاحبتي وبت منطقتني شصار وياهه شماصار
قدر بسم الله وعليكم السلام اول ولج ادري مسجل مسكتين شويه افتهم
بنين هيج ولج حته اتصال ماكو
قدر جامتسالين انتي يعيني اني يوميه اسال عليج محمد لوانتي تعرفين تتواصلين بس وياه
بنين ههههه وشبيج محترك گلبج عليمن ضايجه هيج غيرانه شنو
قدر اي موانتي حبيبي وااغار عليج هوانتي بنيه
بنين لاصدك ليش مختفيه اشو حتى البرامج ماكو عليهه
قدر الصبح دوام والعصر وي الشيخ اذا موجود وبليل وياهم خاب اجوائهم تخبل جانت تمشي وتحجي لان حابه نكعد باالحديقه بقت تحجي وياهه الحد مكعدت علا شجرة مقابل الباب الداخلي للقصر بحيث ضهرهه علا الشجرة الي مقابيل الباب ومجانت منتبهه اكو احد انتبه الهه
قدر تعرفين اللهم لاحسد اجوائهم حلوة بينهم مودة ومحبه تصدكين اني الي جنت مااعوف التليفون هسه اعوفهه بس كون اگعد يمهم
بنين مرتاحه عدهم
قدر اتمنيت اكون بنت من بناتهم مثل رزان واسمهان مدلله بس قويه عندي شي انسند عليه
بنين شون يعني اجوائهم مثلنه لوشنو يختلف
قدر باعي عندج الشيخ حسين گد ماشخصيه وقوي وهيبه واسمه يرن بس دافي وحنون ومتصدكين شون يتعامل وي الشيخه كانهه بنت من بناته والشيخه كد ماقويه بس حنونه احس امي موهيج والبنات قصه ثانيه مدللات من ابوهن وقويات علا امهم ولج عدهم جدتهم جبيرة والزمن تارك علامات عليهه تذكرين ام حسام الي جانت بمنطقتنه المرة الي وجهه كله تجاعيد وبيه دگ ناعم كانه وشم تشبهه حيل وسوالفهه حلوة صح بغداديه بس كلامهه حلوة بيه من ملوحة الناصريه
بنين اشو بس البنات ولولد لومووياكم
قدر لا عندج شيخ حسن ابو دافي وحنون وشخصيه طيبه بس اكوالم بعيونه صح ميبينه بس تعرفيني اشوف الانكسار لوماعرف شنو احس مكسور بشي او شي ثاني مااعرف بس احسه يكابر علا نفسه وميحجي الوجع
بنين وعلي
قدر ويييييع اسكتي لاتغثيني خليني افكر باالجانب المشرق عوفي الضلام
بنين هههههه شبيج ولج ليش امس اني بالصدفة دخلت علاحسابه وشفته حليو وكشخه وهيبه ونضرة عيونه يمه تخليني اموووع
قدر الله يلعب نفسج ولج اصلا فد مغرور ومتكبر وشايف نفسه ونسيواني يموت علا البنات اشون هواخوحسن مااعرف
بنين هذي كلهه قدر اي والله كلهه ب عل..........
هذا انته هنا
..........
الشيخه شيخ حسن اني اروح انام يم امل اليوم جان الشيخ يبدل ملابسه فلتفت عليهه
الشيخ اشوتعاليلي فتحي دگم) ازرار ) الدشداشه تقربت عليه الشيخه بدت تفتحهم وهيه تحجي وياه....