قدر ألشيخ(جريئه)

جزء34

نوال هذي شبيهه شتحجي وياج
حجتلهه هدى الصار
نوال دومج غبيه ومتعرفين تصرفين فالحتلي بس باالانتضري وشوفي هايه نتيجه امشي اصعدي لمي ملابسج اخليهم يودونج اني ورة الاربعينه ارجع
هدى بس يمه
نوال ولاكلمه امي غبيه امشي ورة وحدة نص عقل امشي گدامي
................
تسريع للاحداث
مرو اكثر من 20يوم جانت ايام عاديه ادم منزل من بغداد وتواصله وي اسمهان بس اسمهان تحس اكو شي قالقهه هيثم اول مرة يحب ومن صدك بس اسمهان مويمه ولامخليتهه ابالهه كيان ينتضر تمر فترة حتى يسال علا البنيه الي شافهه هو يسميهه غزاله لان عيونهه كبار ورموشهه ثخان وطوال كرار وملاك مستمرين علي وقدر وبنين وحسن هم مستمرين وباقي شخصياتنه
.............
يوم الاربعين الخاصه باالشيخ جانت علا عائلتهه مثل يوم وفاته ابد متقل عنهه حزن وبكاء وتعب اسمهان ورزان جانو حيل تعبانات علي هم نفس حزنه بس قدر ساندتهه تكلي خلي ضعفك يمي مو گدام غيري فجان يضاهر باالقوة بس دموعه تنزل عكس حسن الي جان ساند نفسه علمود اهله اول شي وبعدين علمود نفسه بس ميمنع دموعه بس بنين جانت مقابيله مجرد انو تباع عليه تنطيه القوة ياس دزته بنين الخالتهه لان مجانت حاضرة وياهم
حسن سيف جهز سيارتين كبار منعرف منو يروح للنجف ويانه وجهز سيارتنه احنه حتى نروح
سيف تؤمر شيخ
علي يمته نطلع ان شاءالله
حسن هلي نخلص قرايه الزلم والنسوان اليوم نختمهه ونوزع الثواب وباجر بسلامه نطلع من الصبح
علي ماشي صدك خلصو القرايه وختموههه ووزعو بثواب ابوهم الي صح توجهو كلمن الغرفته
محمد رزان روحي وياي
رزان بس باجر
محمد اني وياج اروح بسيارتنه
رزان بس
ام عماد خاله روحي وي رجلج احسن ارتاحي باجر سفر وتعب
رزان ماشي خاله وراحت وياه
حسن اني اروح الغرفتي باجر بسلامه نطلع من الصبح الكاكم حاضرين
الكل ان شاءالله توجهت الشيخه وام عماد الغرفهم والجدة هم علي وقدر واسمهان وحسن همين صعدو الغرفهم
حسن اول متمدد علا السرير نام حتى بنين متصل عليهه اتصلت عليه مرة وحدة ومن مجاوب عرفته تعبان فملحت
......
علي دخل للحمام اخذ حمام سريع وطلع تمدد بين مدخلن قدر وطلعت
علي تعالي يمي اريد ارتاح
قدر بس اجفف شعري
علي طفي السبلت وتعالي عيفيه
اجت قدر وتمددت يمه
علي مجرد خلا راسه علا صدرهه غفه بدون كلام او شي وهيه همين
اسمهان هم جانت تعبانه فنامت
هيثم واشم جانو وياهم معافوهم وا زينب وام قدر همين متواجدات همين كل شخص راح البيته
...........
ملاك باجر ان شاءالله تروح للنجف
كرار ان شاءالله اي نروح كول
ملاك وي اهلهه لو بسيارتكم
كرار محمد ورزان بسيارتهم واحنه بسيارة ابوي واحتمال اني اروح وي محمد ماعرف بعد
كيان خاب كافي تقدم موجز خليني انطمر
كرار خرب بيك ماصدكت افتكيت منك اسبوعين هم رجعتلي
كيان اي كافي يلا اليوم اجيت خليني انام
ملاك تعرف انو كيان ميرتاح الهه وهذا شبيه هيج شاد علا شنو شايف نفسه
كرار عيفيه ميهمج المهم اني تعبان هسه نحجي غير وقت
ملاك اوك انتضرك
.........
ملاك ولاول مرة ماحست بشي من نذكر اسم رزان ومحمد سوة بقت تفكر بينهه وبين نفسه عن مصير علاقتهه بكرار شنو وشنو ممكن يصير بس لا محمد لازم يندم مواني الي انعاف متجاهله شنو يريد گلبها
.............
ع ساعه 3تقريبا بدت الحركه بقصر الشيخ الكل گعد وستعد للطلعه ابو قدر اجه وجان وياه ابو بنين بنين هيه اصلا جانت موجودة يم اسمهان بغرفتهه نامت مرجعت البيتهم ام قدر اجت وي هيثم خوات الشيخ ثنينهم متواجدات هدى مااجت الكل اجتمع بدو يدخلون السيارات الكبار كفت الهم محمد ورزان راحو وي اهلهم مراحو وحدهم لان جان اكو مجال لان مراحو بس الخاصين العائله الشيخ مااخذو غيرهم اجتمعت الكل جانو علي وقدر بسيارة والثانيه جان بيهه حسن وبنين
توزعو حتى يكون كل سيارة بيهه احد من ولد الشيخ
اول مصعدو بدة قراءن بصوت عبد الباسط عبد الصمد بالسيارتين جانوالكل باين عليهم التعب والحزن والنحيب مخلي اثرة علا عيونهم الطريق اخذ منهم 4ساعات وصلو النجف توجهو للمقبرة بدة صوت النحيب يعلا اكثر
علي بويه ليش هيج بويه بعدنه بعازتك بويه جان يحجي ودموعه تجري هنا حسن عاف كل سيطرته علا نفسه ولم نفسه للقبر مقابل علي بويه بحاجتك بويه بدونك منسوة شي يابه ارجعلنه ماريدين غيرك يابه صوتك كافي علينه مرايدين شي
الشيخه يمهم شيخي وبعد بيتي عمود البيت
شيخي الراح ماردلي شيخي السندني شون عافاني
جانت تحجيهه بصوت نعي الجدة حالهه مواقل منهم ابنهه الي فقدته جانت تنعي بكل نعاوي اهلنه قبل
جان كلامهه يزيد علا جروح ولدة علي وحسن جانو حاضنين القبر وكانو حاضنين ابوهم موقطعه حجر رزان واسمهان حالهم مينوصف يمكن حتى اكثر من اخوانهم
جانت بنين حاضنه رزان وقدر حاضنه اسمهان وصية الجدة انو ميوصلون للقبر
رزان بويه الدللاني فكدك عماني ودوهناني اني مدللتك يبويه شون هيج وكتك رماني جانت تحجيهم وتسمعهم اسمهان ت
اسمهان راح الجان ساندنه وعگبه منو الالنه يخيتي
رزان ولج سومه راح مدللنه يسومه
حسن وعلي ابتعدو عن قبر ابوهم وراحو الخواتهم حضنوهم وبدو يبجون سوه علي وحسن رغم شواربهم وهمه وشخصياتهم بس جانو مثل طفل بجيهم ومناشغهم ونحيبهم جان يعادل بجي النسواان خلصت بصعوبه بنين وقدر هم ماخفو تاثرهم وكل الي حضر حتى الي مجان رايد يبجي بجى وياهم جان منضرهم يكسر الگلب
..........
خلصت بصعوبه اتوجهو المقام سيد هناك تغدو ووزعو لان جانو حاسبين حساب توزيع زارو المقامات الي جانت موجودة هناك ورجعو الكل جان نايم نوال واختهه مناك صعدو بغداد وكيان وابوة همين مرجعو للناصريه رجعو الكل من بعد تعب البيت الشيخ بنين بقت وي البنات همين مراحت الكل توجه الغرفته ونامو من بعد تعب
حسن دز رساله الاسمهان اذا كدرتي تعالي للغرفه
بنين كالت عادي لان اكيد مراح يصير بينهم حسن مواله واهس حته يتصرف بهيج تصرف فنامت اسمهان وراحت الغرفه حسن بس حرصت انو محد يشوفهه رزان رجعت وي محمد للبيت مرجعت البيت اهلهه
جان حسن متمدد علا السرير وايده علا عينه جسمه مبلل الضاهر ستوة طالع من الحمام وملابس بس شورت شعره بعده مبلل تقربت عليه لكت الريمونت طفت السبلت
بنين تتمرض هيج
حسن وهو مثل المنحرج منهه عبالي تتاخرين ملبست حجاهه وهو يغطي جسمه باالشرشف الي علا السرير اجت كعدت يمه رفعت راسهه وخلته بحضنهه وبدت تحرك بااصابعه بشعره
بنين تعبت اليوم نام
حسن مجنت خاب تشوفيني منكسر
بنين انته مجنت منكسر انك تكون رجال وتبجي هذا يحتاج قوة
حسن وهو يحضن ايدهه الصدرة ويغمض عيونه وايدهه الثانيه باقيه تتحرك بشعرة
.. ماعرفو يمته غفوا وشون
...............
قدر وعلي جانو علا السرير متمددين علي نايم علا ايد قدر وهيه حاضنتهه الصدرهه
علي ممصددك ابد
قدر صارت بعد حياتي نام هسه
علي قلقان
قدر من شنو
علي باجر وصية ابوي تنقرة
قدر لاالشيخه اجلتهه لدورة السنه مقبلت قبل شويه حجت وي الجدة وكالت مااخلي هسه تصير مشاكل تطلع السنه وتخلص الا نفتحهه بس انته ليش خايف
علي من المشيخه
قدر قصدك خاف حسن ياخذهه
علي لا خايف خاف حسن مياخذهه
قدر وليش مياخذهه اذا انته مرايدهه
علي لان هو مو ابنه من صلبه والااغلبيه من اهلنه يعرفون
قدر بقييهه علا الله وتصفه الذاك الوقت
............
نام الكل من بعد تعب وجهد عضيم
علا سماع صوت الاذان فزت بنين من نومته للي ماعرفت شون بقت هاالوكت وهيه محاسه عليه لكت نفسه نايمه بحضن حسن وايده محاوطتهه ودافن وجهه برگبتهه وهيه نايمه علا ايده ومتغطين وحسن مجرد الشورت لابسه
حاولت تكوم بدون متكعدة بس حس علا حركتهه ابتسم الهه ابتسامه جانبيه ها ليش تكومين حجاهه وهو يحرك طرف عينه بااصابيعه
بنين مااعرف شون نمت هنا لازم اطلع من الغرفه قبل لايجي احد يكعدك
حسن ليش بيش الساعه
بنين دياذن
حسن مااعرف اول مرة هيج انام مرتاح ابقي يمي ميهمج تعبان محتاجج
بنين حسن حبيبي خليني اكوم لااحد يشوفني هنا
حسن ابقي كتلج قابل انتي بغرفه صاحبجج غرفة رجلج هذي
بنين خطيبي لاتنسه
حسن بس عقدنه عقد شيخ لاتنسين
حسن حبيبي حجتهه وهيه تحرك ايدهه علا خده بهدوؤ
خليني اروح عفيه
حسن اوك خلي انام وروحي
بنين ليش متصلي
حسن تصدكين نسيت ماشي خلي نصلي سوة وروحي
بنين اوك گوم اتوضى
حسن اي انتي گومي اني لاحكج
حاولت تگوم وتسحب الغطى بس هو جرا من ايدهه وغطه بيه جسمه
حسن ها بقي اني هسه اكوم
بنين اوك براحتك
...........
صلت ورا وخلصو صلاة طلب منهه انو ينام الا تطلع وهيه مرفضت
..........
صادفت فترة امتحانات الرزان ومحمد واسمهان هيثم هم جان مشغول ياس رجع الابوة مبقى عد بنين الشيخه مقبلت كالت عيب من الناس خلصو امتحانات وطلعت النتائج رزان ومحمد بمستوى جيد واسمهان جيد جدا كيان وكرار جيد وخلصت السنه
........................................................................
حبايب مكدرت اكتب اكثر من هيج اليوم اعتذر جنت ناويه ماانزل بس ماكدرت ااخرهه عليكم بس حبابين ادعولي محتاجه دعاءكم وحيل
تصبحون على خير حبايبي
احبكم