قدر ألشيخ(جريئه)

جزء36

ثاني يوم الصبح الكل جان مجتمع ع السفرة
الشيخه يمه محمد يمته اجيت اشو ماسمعت الباب
محمد وهو محرج من الشيخه والجدة ها لا مو
علي وهو يشرب الجاي اجاني من الصبح يمه علمود نروح سوة عدنا شغل
الشيخه خير ان شاءالله
محمد ان شاءالله
رزان ياشغل شوماكتلي علي ومحمد يباعون عليهه وعلي يضحك عليه
قدر شيخه من رخصتج اني امي اليوم تجيني اذا ممكن اروح وياهه
الشيخه ترجعين مو
قدر اي يمه ساعتين مواكثر
الشيخه براحتج يمه ونتو اليوم كونومتواجدين وصيه ابوكم اليوم تنقري
الكل ان شاءالله
............
هيثم هلو ابو ياس شنو شعجب متصل
حسن اليوم وصية الوالد تنقرة ونته من العايله عود كلت تجي
هيثم والنعم منك والله لواكدر اجي بس اني ابغداد هسه
حسن وين بغداد يمعود غير امس بليل اني شفتك
هيثم اي والله اجاني اتصال متاخر وطلعت من الصبح وحتى ام قدر متدري بيه وليهسه ممتصل بيهه
حسن خو ماكو شي
هيثم والله واحد معرفه هنا وعندة مشكله واتصل عليه
حسن كول اكدر اساعدك اعرفه الولد
هيثم والله مااعرف بس اوصل للمركز احاجيك
حسن يامركز
هيثم مركز شرطه الولد باالسجن
حسن ماشي اني اعرف كم شخص هناك بس شوفلي اسم المركز واسم الضابط ونتفاهم بعدين
هيثم اي والله ابو ياس منقصر هسه اروح
حسن الله وياك مع السلامه
.........
اجت ام قدر ومن بعد سلام وكلام طلعت وي قدر وبس الجدة تعرف وجهتهن وين
.......
سكرتيرة العمادة وهيه تدخل القاعه
السكرتيرة العفو دكتور بس العميد طالب اسمهان حسين
الدكتور طالبهه باالاسم
السكرتيرة بلي دكتور
الدكتور اوك تلحكج
السكرتيرة ماشي
الدكتور خلصي محاضرتج وروحي
اسمهان نعم دكتور
...........
علي بالدائرة ويترجم الملف الي گدامه وحسن هذي الفترة متولي اعمال المضيف لان هو شغله شركات خاصه فموكل ناس ثقه تصرف وهو متولي المضيف والمشاكل واليوم جانت اكو كعدة بسبب دخله ارض الناس ممنوعين انو يدخلوهه
ابو راكان شيخ العشيرة المديوسه ارضهم
شيخ حسن ترضاهه كاعنه تنداس منهم واحنه بينه دم وكلنه الهم انو اليسحك كاعنه منهم دمه مهدور وهذا حجينه بحضورك بمجلس والدك صح لوغلطان
حسن كلامك صح وني شاهد بس خل نشوف ابو مجد شيكول
ابو مجد ابو الشاب الي دخل للكاع
ابو مجد والله ياشيخ صارت ضرورة اني ابني ممتقصد شي وماريد اذيه المشكله بينهم وبين ولد اخوي وليدي شعليه
دخل علي السلام عليكم
الكل كام ووكف وسلمو عليه وكعد يم حسن ورجع الرجال كمل كلامه
ابو مجد شيخ اني ماعندي بس هاالولد وعلا 7بنات اذا يهدرون دمه وين اطي الوجه وهو لابيهه ولاعليهه
احنه بسبب المشكله الصارت طلعنه ولد اخوي من العشيرة ونعرفهم غلطانين بس ابني شنو ذنبه
واحد من الحاضرين ذنب ابنك انه تحارش بعرضنه وحاول يتهجم
دخل واحد للمضيف بهيبه كلامك جذب
الكل وكف محمد انت شنو وتكلي كلامك جذب اني شفته بعيني
الولد يعني شفته بعينك تحارش باالبنيه
محمد وهو متلبك اي شفته بعيني
ابو راكان منو انته
الولد اذا يسمحلي الشيخ
حسن تفضل خويه احجي
الولد اني مجد الي ابنكم يكول شافني اتحرش بنتكم
ابو راكان محمد
محمد هااا اي هو وحاول يتهجم عليه
علي بصوت جهوري انتو مجاين بكهوة حتى تتعاركون بين شيوخ انتو بمضيف اكعدو خل نفتهم
كعد الكل بمكانه وكعد مجد يم ابو وابو مبين عليه الخوف
ابو مجد ليش اجيت ابني ليش جان خليتها تنحل
مجد طمن يابه سهله ان شاءالله
مجد خل اعرفكم اني مجد عمري 27سنه خريج معهد نفط والحمدلله متعين بشركه اني الولد الوحيد الاهلي علا 7بنات 3اكبرمني 4اصغر اليوم تعرضت للتهديد ومحاوله قتل فااضريت ادخل كاع محرمه علا اهلي
حسن احجي ليش دخلت كاع ونته تعرف هذي الكاع عائلتك ممنوعه تدوسه
مجد شيخ اني مو منا صح ابوي واهلي هنا بس اني ربيت عد جدي ببغداد لان الحياة شويه ماشيه بلمدينه مو مثل الريف فمااعرف باالعشاير هواي اني صح اعرف انو ممنوع ندوسه بس مجنت متخيل انو توصل الامور الكعدة عشاير
محمد اي فضنه ليش دخلت كاعنه وشون تتحرش بناتنه
مجد اولا صون عرضك اني الله شاهد عليه ماشفت ولا بنيه بالمكان الدخلت بيه فااحفض عرضك احسن
دخل اشم بسرعه ومستعجل
اشم السلام عليكم
الكل وعليكم السلام
حسن بااستغراب اشم شنو سوي هنا
اشم تسمحلي افوت شيخ
حسن تفضل
دخل اشم وكعد يم مجد وابوه فعرف هو من طرفه
حسن كمل مجد
مجد شيخ اني مهندس واليوم اجتني شغله ورفضتهه وعلا اثر رفضي تعرضت لتهديد ومحاولة قتل ومجان كدامي بس هذي الكاع حتى ادخلهه
حسن يعني مو بغير نيه
مجد مستعد احلف انو ماعندي غير شي
جان مجد شخصيه وهيبه صح لابس ملابس مدينه بس مبين ابن ريف وكلامه ولهجته ابد متدل انو هو ابن بغداد
اشم اذا يسمحلي الشيخ
حسن تفضل
اشم اني اعرف مجد من زمان اكثر من سنين ونشتغل سوة والكل يشهد علا اخلاقه تكدرون حتى تسالون وني اجيت كافل اله
حسن مااعتقد نحتاج كفاله الموضوع انو يكولون اكو سالفه تحرش
مجد اذا يسمح الشيخ
حسن تفضل
مجد القضيه مبينه جذب واذا لاحضتو اني اول مدخلت الولد كال اني شفته تحرش بس هو معرفني الا من كلت اني منو
علي صح كلامك خويه وبعدين ابو راكان ترة قطعه ارض متحتاج كل هاالقطيعه ونتو ولد قرية وحدة
ليش منحلهه ونته تعرف ابو مجد من زمان الله مكنه ورزقه يعني نحلهه بمبلغ رسمي ونعكد راية صلح
محمد لامستحيل منقبل
ابو راكان محمد كافي
مجد اني اليوم اجيت وحضرت المجلس وني عندي نيه اذا تقبلون احجيهه
حسن احجي
مجد اني اجيت ونيتي اطلب بت الشيخ ابو راكان علا سنة الله ورسوله اذايقبل حتى هذي المشاكل تنتهي وميبقى بينه فتن ونتو تعرفون ولد عمي دخلو السجن واخذو عقوبتهم وهمه مفصولين من العشيرة يعني مياثرون علينه
علي ها ابو راكان شنو كولك
ابو راكان لاميحتاج زواج علمود الصلحه اني بنتي مورخيصه ونطيهه ومشكلتنه تنحل هنا وميدخلون كاعي
مجد ومنو كالك اني حاب ازوج علمود الصلحه اني جاي وطالب القرب منك انته
ابو راكان طالب القرب مني تجيني البيتي وتطلبهه مني ماتطلبهه هنا ولايهون عليه الشيخ بس احنى بديوان مشكله
حسن ماتنلام شيخ
مجد ماشي شيخ سهله اذا تقبل باجر بليل نجيكم ونطلبهه منكم
ابو راكان اهلا وسهلا بس يبقى الراي للبنيه
محمد بس عمي
ابو راكان خلص
حسن ماشي معناهه باجر ان شاءالله احنه يمكم لومتاخذنه ابو مجد
ابو مجد انته البركه شيخ وبقو شويه وطلعو بس محمد ابد مناوي علا خير
..........
اسمهان وهيه تدخل الغرفه الاساتذه
اسمهان عفوا دكتور بس العميد طالبني وين الكاه
الدكتور ادخلي بنتي اول غرفه مقابيلج غرفته
اسمهان اشكرك دكتور
دخلت الغرفة العميد وبدو الكلام
العميد اسمهان بنتي اني عرفت من ملفج انو انتي جنتي طالبه بجامعه بغداد مو
اسمهان نعم دكتور
العميد اي اكو اوراق ناقصه من ملفج ولازم تجيبيهم فياريت تروحين الجامعه بغداد وتجيبيهم
اسمهان وضروري روحتي يعني يكدر احد من اهلي يجيبهم
العميد هذا راجعلج بس الافضل انتي
اسمهان اوك دكتور ان شاءالله وتفاهمو شنو النقص جانت فرحه الاسمهان انو ممكن تتوفر فرصه الهه حتى تشوف ادم رادت تتصل عليه بس فكرت انو تبقيهه مفاجاءه
..........
اماباالمستشفى فنادت الممرضه بااسم قدر وكامت قدر وكلهه لهفه وخوف
نعم
الممرضه مبروك حامل
فرحت قدر وامهه وراحو يرجعون للقصر
دخلت لكت الكل متواجد حتى بيت عمهم كمال
الجدة ها يمه بسشري
قدر وهيه تهز راسهه باالموافقه
الجدة مبروك بنيتي بس جان الكلام بس بينهم
الجدة گولي الزوجج اليوم وبعدين بلغي اهلج خلي فرحتج اله اول
قدر ان شاءالله جدة
صار العصر ورة مخلصت هوسه الغدة واجت بنين وام قدر بقت يمهم
اجه المحامي
وبدة يطلع اوراق وملفات
المحامي الكل حاضر
الجدة اي يمه الكل حاضر
المحامي يمه هذي اوراق وهذي وصيه الشيخ الله يرحمه ومصدقه من المحكمه والشيخه اتوقع عدهه نسخه
الجدة اي يمه طلع ورقه جانت مغلفه بضرف والضرف مبين ممفتوح
وصيه الشيخ
من بعد السلام والصلاة علا النبي
هذي وصيتي اني حسين عبد غالب كتبتها وبكامل صحتي ووثقتها باالمحكمه
الاوراق الي موجودة وي المحامي وحركهم المحامي امام الكل هذي اوراق تثبت اني بريت ذمتي من جميع حقوق اخي واخواتي الاثنين وانو اني صارف الهم كل حقهم والكل استلم وانو الي عندي هسه ورث صافي الاولادي حسن علي رزان اسمهان وشيخه كلبي
والكل موقع وثابت انو هو استلم حقه
كمال صح هذا الكلام كعدنه الكل وقسم ورث ابوي باالتساوي المحامي ووقعنه
الجدة اي يمه اذكر جنت حاضرة
المحامي اول وصيه الي انو الشيخه تنقل الابني البكر حسن ويكون هو مسؤؤل عن تعليم اخو المشيخه
علي وترتسم بسمه علا وجهه حمدلله
والبيت هذا يكون ملك اله بشرط انو مينباع ويبقى بيت العايله
اما باقي الاملاك فااني قاسمهم باالتساوي علا الكل وكل شخص من ولدي الك حساب مصرفي اله حق يتصرف بيه واني اعرف انو اكيد محيضيعون تعب عمري علا اشيا متسوة
اسمهان بنتي الجبيرة اول بنيه اول فرحه انو تصير عندي بنيه حسابهه خاص ورزان يااخر فرحتي ويامدللتي نفس اخته وامهم وحسن يعرفون شنو الهم وني اثق بحسن انو مياكل حلال خواته خليك كدثقتي بيك ابني وباقي الوصيه تضمنت الحلال الموجود عندة وتقسيمه
المحامي باختصار الشيخ عندة 4شقق ببغداد مااجرهم واله شراكه بواحد من مولات بغداد غير الشركتين الي تعرفوهم وحساب باالمصرف وسيارتين مشغلهم عد وزراء معروفين الهن اجر شهري وبستان مقيمه بيه عائلتين حتى ترعاه الشيخ وصه انو تتوفر الهم كل احتياجاتهم ويبقو باالمزرعه الا ان همه يطلبون واذا مطلبو يبقون بدون منية احد عليهم
تفاهم وياهم المحامي علا كلشي
وطلع
نوال الاختهه بصوت ناصي واحنه يحضي كشي ماحصلنه جيتنه بس خساير
اختهه بعصبيه ونتي جايه السنة اخوج لوجايه تدورين مصلحه من ورة وفاته حلالنه واستلمنا بعد شتردين
نوال شريد خلي حسن يتهنى بيه
الجدة حسن يمه هايهيه بعد انته الشيخ
حسن لايمه اني واخوي الشيخ احنه سوة بمكان ابوي موواحد منه
الشيخه بس اكو وصيه منذكرت بوصيه ابوك بس وصاني وامني عليهه
حسن كولي يمه
الشيخه ابوك وصه ثاني خميس ورة دورة السنه الاولى يكون يوم دخلتك غلا مرتك
حسن بس يمه
الشيخه بدون بس يمه وصيه ابوكم هذي يمه بنين حضري روحج اسبوعين ونزفج ذني الكم نبدي نجهزج
بنين تامرين شيخه
الشيخه ماكو شيخه بعد حالج حال خوااتج يمه كولي
بنين وهيه تكوم تبوسهه وتبوس جدتهه وام عمادحةضر يمه يمه
.........
علي مبروك خويه وهو يهمس يم اذنه بعد ماكو داعي تتخيل اسبوعين وتجيك
حسن خاب اسكت فضحتنه
علي اي فضحتك 😒علاااساس ميدرون خاب كم
.......
خلصت الوصيه وحسن استلم المشيخه وعلي وياه علا فراغه
...........
ورة العشه
حسن يمه اني اكوم انام خاف اتاخر كعديني
علي اخذني وياك
حسن لااخذك ولاتاخذني رفسات امس مسويه ضلوعي زرك نام يم مرتك وعوفني
ياس راح وي بنين من شافهه اجت وهيه كالت اني راح اطلب اجازة علمود التجهيز فعادي اخذه وياي
الجدة ليش نمت يم اخوك
علي ها لا بس كلت اغير جو
ام عماد وتغير جو يم اخوك
علي اي موخاله مشتاقله صارلي هواي مشايفه
الجدة جا ماتشتاقلي
علي شسالفه جدة عيب كبرتي بس اذا تردين عادي نزوجج
الجدة كوم لابارك الله بيك يزوجني
علي علمودج اني جدة
جدة يسلم مودك كوم مني هسه
اسمهان يمه اني صارلتلي روحه البغداد منو يكدر ياخذني
حسن علمود شنو
لان جنت ادرس ببغداد طلبو مني اروح اسوي كم شغله علمودالكليه لان الدكاترة هناك يعرفوني
علي والله ماكدر اني عندي موتمر باجر وطالبيني كمترجم
حسن واني عندي كعدة
اخلي كيان ياخذج هواحتمال باجر يروح
اسمهان ومنو يروح وياي للكليه شون اروك بوحدي
حسن نشوف كيان اذا كدر ياخذج واذا مكدر هيثم هناك اتصل عليه وهو يروح وياج
ام عماد ياهيثم النوب
حسن خال قدر خاله ولد صديقي من المتوسطه وثقه ماعليهه خوف وياه
ام عماد خلي ابني خالهه ياخذهه يمه
قدر بس امس اني احجي وياه ماكالي انو هو ببغداد
وامي اليوم اجت مكالت
حسن اي امج متدري بيه طالع من الصبح مخابري من الصبح وراح
قدر ماشي معناهه اني اترخص اروح اخابرة
علي بصوت ناصي اي جاهو علي اكيد تشوفي
قدر تصبحون علا خير
الكل اجمعين
اسمهان اني هم اروح حسن خابر كيان بين مااجهز اموري
حسن عود ردت انام
هسه اتصل عليه
الكل توزعو علا غرفهم صعد علي الغرفته لكه قدر تخابر
قدر اوك هيثم من توصل طمني لاعادي اتصل باي وقت لتخلي بالي يمك اوك مع السلامه
باوعت العلي الي كعد علا مكتبه وهو متجاهلهه حممحمت مفاد طلعت صوت مفاد
قدر اوك تجاهل هسه اراويك التجاهل شون
دخلت للحمام وسحبت وياهه ملابس شغلة 10دقايق جانت تباع علانفسهه باالمرايه الخاصه بلحمام
قدر عزة بعينج ملكيتي اطول من هذا تلبسي
ولج شون تطلعين هيج كدامه لامااطلع يابه ابقه هنا بقت بلحمام علي ارتبك
وكف يم الباب سمعهه تحجي
علي قدر فونج علا الميز وي منو تحجين
قدر احجي وي حضي
علي شكو النوب
قدر علي جيبلي شي من الكنتور البسه
علي وهو ينتجي علا الباب بس اني شفتج اخذتي ملابس
قدر لوماماخذه ارحم حجتهه بصوت ناصي بس علي سمعهه
علي شنو كلتي
قدر حباب انطيني ملابس
علي اوك شتردين
قدرر اي شي بس كون يستر ارحم من الابسته هسه عاد
حجتهه كلماتها الاخيرة بصوت ناصي
علي شويه واجه
علي هاج اخذي
فتحت الباب قدر ومدت بس ايدهه وسحبهه علي عليه بس اصنم
اكيد يصنم اذا هيه جانت لابسه فستان قصير لونه احمر وشعرهه اطول منه ميوصل حتى النصف الفخذ وخلع وقماشه خفيف بحيث ملابسهه الي جوة مبينات يعني مجرد شي اسمه قماش حاولت ترجع قدر بس سحبهه من ايدهه وشالهه مشه بيهه للسرير وهيه مخليه وجهه بركبته من كد مامنحرجه منه خلاهه علا السرير وسحب الغطا وغطاهه بيه
علي ليش مستحيه
قدر مااعرف اول مرة البس هيج كدامج
علي ومستحيه مني يعني
قدر امممم تقرب عليهه وتمدد يمهه خلاهه علا ايده
اي ويعني انتي لابسته علمودي
قدر لا لبوي
علي ليش ابوج شيسوي يمنه ميستحي
قدر علي
علي عيونه
قدر وهيه تتجرء وياه ااكثر مدت ايدهه علا ركبته حست برعشه قويه سرت بجسمه حاول انو يلزم ايدهه
بس هيه تقربت عليه اكثر
قدر عوفني براحتي اليوم ميحقلك تلزم ايدي ابد
علي ااذيج
قدر اني اريد حجتهه وهيه تحضن وتقربه عليه اكثر
بقى علي جامد جوة لمسة ايدهه كعدت علا السرير وسحبته الهه وكعدت بحضنه خلت شفافهه علا شفافه وايدهه تتحرك حتى تفتح قميصه فتحته وذبته عن جسمه بقت تتحرك ايدهه علا ضهرة بس كل حركه منهه علي يشنج اكثر بقو بس بالداخليات علي عكس الوضعيه بحيث صارت نايمه علا السرير وهو عليهه اخذ شفافهه بقوة وطول كل ميحاول يلزم ايدهه تفلتهم منه وتجنهه باالحركات والخطوط الي ترسمهم بااصابيعهه علا ضهره حاول ياخذه بقوة
قدر تقربت الاذنه وهمست اني حامل جمد ووقف عن كلشي مجرد يرمش ورة خمس دقايق
علي شنو كلتي وهو نفس وضعيته هو نايم علا السرير وهيه جواة وايدهه علا رگبته تقربت عليه اكثر مرة ثانيه
قدر اني حامل
علي حامل حامل
قدر اي حامل
علي يعني حامل بطفل مو
قدر لا حامل ببزونه
علي ها
قدر اي اكيد حامل بطفل قابل شنو
علي وهو يكمز عنهه يعني راح يصير عندي طفل ويصيحلي بابا
قدر اي
علي ولد مو
قدر مادري
علي لاماريد ولد ويصير مثل ياس وياخذج مني ماريد اريد بنيه يحجيها وهو يكمز علا السرير مرة ومرة لاكاعد
اخر شي نزل بسرعه عن السرير وراد يطلع
قدر لك خبل تعال وين رايح
علي اكل الحسن يعني وين
قدر يمعود البس سروال علا الاقل
علي ها اي هم صدك
بلبس السروال وراد ينزل
قدر علي سروال مكلوب
علي ولج يامكلوب خل اروح ابشره
طلع من الغرفه بسرعه
....... حسن اي حبيبي باجر ودزلج فلوس وشتري المحتاجته
بنين لافلوس النيشان انطتني اياهم الشيخه اليون قبل لاطلع
حسن اي عادي زيادة لتقصرين علا نفسج اشتري الي يعجبج
بنين لاحبيبي لتدز اني اذا احتاج اكولك دز
حسن وعد
بنين وعد
حسن شكد نطتج امي
نطتني 4كالت ذهب وملابس
حسن يكفوج
بنين هواي اصلا
حسن ماشي......
بعده ممكل كلامه دخل علي بسرعه
حسن فز بسرعه عباله صاير شي
حسن شكو شصاير اجه علي وشاله راح اصير ابو تعرف يعني شنو ابو راح يصير عندي طفل
حسن وهو يبارك اله بفرحه ابد مقلت عن فرحة علي وهو يحضنه ويبارك اله حسن يعني ابني يصير عنده ابن صح موهواي فرق بينهم بس حسن دائما كام يحس نفسه مسؤؤل عن علي
علي قدر حامل حامل بطفل طفل
حسن ادري حامل بقرد اكيد طفل
علي اكوم افرح امي اجيتك كبل اني مكلت بعدني
حسن بس مو هيج تدخل عليه علا كيفج لاتجلطها النوب
علي اي اي ونزل يركض
طلعت قدر من الغرفه ورة ملبست صايه علا ملابسه وحجاب ونزلت وراه
حسن بنين حبي شويه واخابرج
بنين سمعت الكلام
بنين براحتك حبيبي باركله نيابه عني
حسن ان شاءالله حب وطلع لاكه قدر علا الدرج حسن مبروك سمسمه
قدر بخجل الله يبارك بيه شيخ
حسن اي جيبينه بنيه تشبه سمسمه ماريد خجوله مثل قدر اريد وحده لسان
قدر هههه ان شاءالله
ونزلو لاكتهم الشيخه وهيه تبارك الهه وتحضنهه وام عماد نفس الشي
ام عماد هلا بمرت الشيخ هلا بفرحتنه
الشيخه خلص بعد ماكو اسود الكل يذبه نزلت اسمهان علا الهوسه همين وباركت الهم
اسمهان ها كيان هنا
كيان اي جاي احتفل ويا العائله الكريمة وهمه حته احترام عشا مسوو الي
اسمهان هسه اسويلك تدلل
كيان اي بدت لواكتج ترة اخذج عادي
اسمهان الله لايعوزني الكوبس كلت ابن خالي خطيه اسويله عشا
كيان متقصرين كبد
قدر اني هم جعت تعالي نسوي سوة كيان حسهه فرصه وقبل ليروح انويسال بقه يفتر بلمطبخ طلعت اسمهان للمخزن
الكل جان مجتمع باالصاله يبارك العلي
كيان قدر خويه مبروك
قدر الله يبارك بيك يوم الي تزوج وتفرحنه
كيان هو الصراحه اكو موضوع ردت اكلج بيه يعني اسالج قصدي
قدر كول
كيان الصراحه هو بخطوبه حسن
يعني شفت بنيه رفعت قدر حاجبهه كيان قصدي اكو بنيه جانت موجودة
قدر اي
كيان اي هو اسال عنهه
قدر تتذكر شكله
كيان هواني اذكر غير شكلهه
قدر شنو
كيان ها اي اذكر
قدر اي اوصفهه الي
كيان بنين تجي شويه اكصر منج وجسمه حلو متناسق موسمينه ولاضعيفه وعيونههه كبار حيللللل وسوووووود ورمش طووووويل
حسن ادري جلبت خوماجلبت ليش هلكد تبذر احرف
كيان انته ميهمك
حسن وهو يضحك ويحجي وي قدر مشاور وهم ضحكت
حسن شغلتك يمي راعيني اراعيك
كييان شون يعني
حسن يعني كرار حجالي عن البنيه الخابصه تريد تسال قدر عنهه واني اعرفههه
ضحكت قدر اي يعرفهه بس اكلك ليكدام اختيارك حلو بس البنيه صعبه وحيل
كيان خليهه تصح واني اروضهه ميهمج
حسن هههههه اي كلش
علي شكو
شعدكم يم مرتي ليش تعبوهه
حسن والله احنه ممتعبيهه انته لاتعبهه وكشي ماعليهه
قدر وجهه صار احمر وطلعت من المطبخ
علي ليش حرجت مرتي
كيان والله ماحارجهه غيرك
علي شون يعني
كيان الضاهر من كلتلك حامل جنت تترجم موضوع مهم فمنتبهت البجامه مكلوب
حسن هههههههه وضرب ايدة بايد كيان
ورة شويه سكت وعدل ملابسه ورجعو ضحكو
علي والله مرتي كيفي عبالكم استحي مثلا
خل اروحلهه احسن واخذ الصينيه الي جانت بيهه لفت جبن وكوب شاي لان كيان جان ياكل بلمطبخ اسمهان انانطته زيت زيتون وطلعت
فراح علي لغرفته ورة مرجعو توزعو
كيان صدك تعرفهه
حسن اي اعرفه بس مااكلك بيه
كيان ليش بااستغراب
حسن لان اعرفك تريده فترة والبنيه متستاهل
كيان لا والله ابد يعني اذا اريدهه فترة من خطوبتك ليهسه افكر بيهه والله البنيه عجبتيني ومدام اقارب خطيبتك يعني عائله زينه فشنو المانع اني حاجيت ابوي وهو كال اعرفهه منو واني اروح اخطبهه
حسن يعني مقرر خلص
كيان اي
حسن وتتقبلهه مثل ماهي
كيان شون يعني هيه بيهه شي
حسن البنيه وحدة من سيقانهه تضررت بحادث من جانت صغيرة فمخليلهه طرف صناعي
كيان يعني طرف صناعي وهيج تركض خربيهه صدك قويه
حسن ههههه نته هذا الهامك شون تركض
كيان اي وشنو يعني طرف صناعي قابل ميحقلهه تزوج اني ماعندي اي اعتراض دكلي اسمهه عاد
حسن مها اسمهه مها
كيان والله عمي احلا من المها غير عيون تسطر
حسن خل انام وانت اخذ اختي باجر يلا موتنسه
كيان لا ان شاءالله نروح ح
حسن ماشي تصبح على خير
كيان اجمعين
........
صح موتعويض بس هذا الي كدرت اكتبه باجر نختمهه وياكم احبكم تصبحون علا خير حبايبي
احبكم 😍
طبعا نزلته علا وقت لان الاغلبيه دوامهم صباحي وطلبو هيج
احبكم كوووومه